Daily news
Омилената боја открива какви сте во сексот
Верувале или не, но нијансите на облека која жените или мажите обично ги носат, бојата со која е офарбан станот или бојата на автомобилот, можат да откријат многу за сексуалниот живот на личноста.
Ако сте заинтригирани од она каков ќе биде вашиот нов дечко во кревет, колку му е силна сексуалната желба или колку често доживува оргазам, прашајте го која е неговата омилена боја. Истото важи и за жените – бојата ги утврдува нивните сексуални склоности. Ако ништо друго, барем ќе се забавувате со читање на текстот … И кој знае, можеби има некоја вистина!
Црвена: Црвената симболизира страст, така што луѓето на кои им се допаѓа оваа боја знаат како да уживаат во сексот и физичкиот контакт. Поголема е веројатноста да имаат поагресивен пристап кон спротивниот пол, а ако се комбинираат две лица кои ја сакаат црвената, двојката често ќе експериментира и ќе проба нови работи.
Жолта: Ако ја сакате жолтата, тоа значи дека обично го контролирате својот сексуален нагон, препуштајќи ја во креветот доминантната улога на партнерот. Никогаш не одбивате иницијатива на некој друг, но ретко ќе ги наметне сопствените желби. Најважно ви е вашата сакана личност да е задоволна.
Зелена: Оние на кои омилена боја им е зелена, важат како нежни и чувствителни кога станува збор за сексот. Жената која ја сака оваа боја, ќе води љубов цел живот како да и е прв пат, а мажот ќе биде сочуствителен и подготвен да ги исполни желбите на својата партнерка. И двајцата се верни на едн личност и не можат да замислат сексуална афера со некој друг.
Сина: Вљубениците во сината, сексот го доживуваат како уметност и нивниот пристап е елегантен. Мажот делува како пијанист, внимателно го разгледува телото на жената и ги слуша нејзините потреби. Жените уживаат во предиграта колку што уживаат во актот на љубовта, великодушни и нежни.
Виолетова: Ако сте обожавател на виолетовата, сексот може да ви изгледа како губење на време. Жените кои ја сакаат оваа боја се повеќе загрижени за тоа дали ќе им се растури фризурата, од пруженото задоволство на партнерот. Мажите приоѓаат на сексот како на бизнис и ја немаат потребната чувствителност за туѓите желби.
Сива: Колебливи и несигурни љубовници се оние кои ќе ја изберат сивата боја. Често, нив им треба многу време за да донесат некоја одлука и тешко им е да се обврзат. Сексот не им претставува возбуда, туку само начин за да ги задоволат потребите. Лошо се согласуваат со други бои.
Розова: Розовата е бојата на личностите кои сакаат да флертуваат и склони се кон измама. Жените кои ја сакаат розовата понекогаш ветуваат повеќе отколку што имаат намера да остварат, во релацијата со партнерите се незрели и сакаат да се „чепкаат“. Мажите кои сакаат розова боја се склони кон често менување на партнерите и се среќни да влезат во афера со непозната жена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.