Daily news
Политички препукувања околу рускиот фантомски центар во Ниш
Претседател на Лигата на социјалдемократите на Војводина, Ненад Чанак побара денес да се затвори српско-рускиот хуманитарен центар во Ниш и повторно ги повика српските власти да и соопштат на јавноста за каков вид институција се работи.
“Укинувањето на т.н. Руски хуманитарен центар во Ниш не е само прашање на правилно разбирање на меѓународните и регионални околности, туку и на зачувување на мирот и стабилноста во Србија. Ние ги повикуваме властите јавно да дадат точни одговори за вистинската функција и улога на мистериозната институција”, рече Чанак.
Тој рече дека досега биле во можност да слушнат различни анализи и толкувања, од тоа дека тоа е разузнувачки центар на друга држава на територијата на Србија, па до тоа дека е камуфлирани руска воена база.
“По големите политички промени што ќе се случат во Македонија наредните недели, како и полноправно членство на Црна Гора во НАТО, прашањето за укинување на рускиот разузвувачки центар во Ниш ќе биде поставено како прашање на приоритет во променетите регионални околности. Сите земји од нашиот регион во јуни ќе бидат или членки на НАТО, или на нивната територија ќе воени ефективи на алијансата. Геополитичката ситуација во Србија дополнително ќе се усложни и прашањата за неутрален воен статус и за руската база во Ниш ќе се најдат на повторно разгледување “, рече Чанак.
“До кој степен одат притисоците на ЕУ врз Србија и на нејзина штета покажува барањето да ја попречи, па дури и да ја спречи работата на руско-српскиот хуманитарен центар во Ниш, кој нема воена компонента и се покажа високо ефикасен во случај на поплави , пожар и други несреќи во Србија и во регионот “, се вели во соопштението на ДСС.
Оваа партија смета дека е “неприфатлива уценувачката порака на ЕУ дека која било нова иницијатива мора да биде комплементарна со постојниот Цивилен механизам за справување со катастрофи”.
“Какви можат да бидат последиците од прифаќањето на барањата на ЕУ најдобро се виде за време на катастрофална поплава, кога рускиот тим реагираше истиот ден, беа во полето и ги спасија животите на луѓето.да се чекаше на ЕИУ, десетици животи ќе беа изгубени”, реагираа од ДСС.
Српскиот министер за надворешни работи, Ивица Дачиќ најави дека следната недела же покренат иницијатива со српскиот премиер, Александар Вучиќ да се реши дипломатскиот статус на руско-српскиот хуманитарен центар во Ниш.Дачиќ рече дека договорот за условите за живеење, привилегиите и имунитетите на руско-српскиот центар во Ниш чека од август 2014 година.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.