Daily news
Празноверие, здравје и мит
Етиката направи сам, сега се пренесува и на нашето тело. Но, што повеќе преземаме контрола над своето тело, толку поужасен станува секој проблем – болест, слабост, болничко лекување. Здравствените проблеми стануваат најголем грев на поединецот.
Како кај работник кој го тераат да се чувствува виновен поради губење на работата, затоа што не бил во состојба да побара нова работа пред да заврши претходната, болните луѓе се чувствуваат виновни што не ја спречиле болеста. Ние дури зборуваме за луѓе кои успешно управуваат со својот стрес! А ако не успееме да зајакнеме од болеста, се чувствуваме виновни и во друга област, самоисцелителството.
Не е изненадување тоа што идеологијата за самоисцелителството доживеа подем токму во момент кога во многу земји политичарите почнаа да отвораат врата на се поголемата приватизација на јавниот здравствен систем. Многу луѓе станаа многу незадоволни од лекувањето кое го имале во медицинските институции, додека истовремено стануваше се појасно дека во иднина се помалку луѓе ќе бидат во можност да ја платат соодветната и се поскапа приватна здравствена заштита.
Додека идеологијата на самолекување промовира став дека одговорноста за личното здравје или дури моќта да се изврши сопствено лекување, почива во рацете на самиот поединец, тоа истовремено поттикнува нови облици на претприемаштво. Поради тоа се појавија многу здравствени гуруа на новото време, кои нудат нови начини да се воспостави врска со нашите внатрешни исцелителски можности.
Кога се работи за болест, идеологијата за самолекување често води до фантазии за тоа какви натприродни или едноставно ненаучни сили се на дело во нашиот организам и какви сили можеме да повикаме за да ја излечиме. Во моменти на најголема слабост ние бараме какво било објаснување и секаква помош која можеме да ја најдеме.
Британски атрополог кој се борел со можен рак пред неколку години се одлучил да спроведе мало антрополошко истражување во болница прашувајќи ги пациентите како ја доживуваат својата болест. Бил многу изненаден колку брзо луѓето прифаќале разни форми на празноверија кога ќе се разболат.
Еден многу учен пациент на пример верувал дека може да се ослободи од ракот на цревата ако би бил во состојба да ги испразни со голема нужда; а трет се надевал дека ќе го исчисти телото од тумор така што ќе си замислува дека тој не постои.
Човековите реакции на болестите многу често се движеле низ разни магични патишта. Болестите како чумата или ХИВ се сметаат за божја казна, а нивното лекување често вклучувало ритуали на прочистување. Во некои делови на Африка, на пример, се верува дека човек може да се излечи од СИДА така што ќе има сексуален однос со девица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.