Контакт

Daily news

Проблеми со косата за време на бременоста и по породувањето

Објавено пред

Косата е украс на секоја жена, а исклучок не е бремената жена и младата мајка. Иако повеќето бремени жени и млади мајки ќе речат дека се грижеле за својата коса дури и повеќе од порано, сепак ќе искусат проретчување и истенчување на косата кое се доживува како едно загрижувачко искуство. Некои жени ќе раскажат дека состојбата на нивната коса се подобрила за време на бременоста а некои дека таа се влошила. Кај поголем процент на жени таканаречениот телоген дефлувиум или ексцесивно губење на коса се случува еден до 6 месеци после породувањето.

dobivaj vesti na viber

Губење на косата за време на бременоста
За време на бременоста постои зголемено ниво на естрогени хормони. Естрогените хормони ја одржуваат косата во фаза на раст и стимулираат нова продукција на влакна. Тоа е причината што повеќето жени имаат погуста, посјајна и поцврста коса во овој период. Но ете некои трудници нема да го имаат тоа задоволство да искусат прекрасна коса за време на бременоста. Но тоа е исто нормално, иако не е вообичаено. Ако сепак проретчувањето на косата Ве загрижува, посетете дерматолог, можеби со внесување на правилна комбинација на витамини и минерали ќе се стабилизира состојбата.

Губење на косата после породување
Најчесто проретчување на косата се случува во првите шест месеци од породувањето. Ова е резултат на смалување на нивото на хормони кои се враќаат на нормално ниво, а со тоа и хормонски стимулираниот раст, одмносно стимулираните влакна отпаѓаат и косата се враќа во состојба како пред бремноста. Во најголем број случаи таа се номализира во следните 6-12 месеци. Сепак состојбата може да биде алармантна за младата мајка бидејќи може да почне поинтезивно да опаѓа односно да предизвика поголеми полиња без коса и чешање на кожата на скалпот. Во тој случај дерматологот треба да препорача безбеден третман за младата доилка кој би помогнал во поттикнување на нов раст на влакна.

Други причини кои го потенцират овој проблем?
Сите други причини непосредно пред или после бременоста може да го потенцираат проблемот со паѓањето на косата. На пример прекин на пилули за контрацепција, абортус или несакан прекин на бременост, хормонски дизбаланс. Сите овие состојби се јавуваат поради промена на естрогениот хормон во организмот и каде што ќе треба да се прима хормонска терапија препишана од специјалист гинеколог.

Има ли место за паника?
Состојбата на проретчување на коса секако не е пријатна но нема место за паника. Во голем број на случаи после неколку месеци состојбата се нормализира односно престанува опаѓањето и проретчувањето на косата. Ако мислите дека не можете да се справите со тоа посетете дерматолог. Дерматологот ќе Ви препорача да направите контрола на крвната слика. Ако имате недостаток на железо тоа е јака причина за една ваква состојба и во бременост и после породување и секако ќе Ви биде препорачана соодветна доза на препарати со железо. Неопходно е потребно да се испита и функцијата на тиреоидната жлезда па ако има отстапка да се корегира со соодветни препарати за да се стабилизира состојбата.

Што да се направи за време на бременоста и по породувањето, а тоа да биде безбедно за мајката и детето?
– Избегнувајте да ја тегнете косата во репови, плетенки и слично бидејќи е тоа дополнителен стрес за косата
– ако треба да ја фенирате употребувајте фенови со ладен воздух
– влакното е фрагилно кога косата е мокра затоа не ја чешлајте тогаш или сторете го тоа нежно со чешли со широки запци
– употребувајте благи шампони или по препорака на дерматолог спрема моменталната состојба
– додадете комбинација витамини и минерали за поддршка на влакното
– витамин б-комплекс, биотин, витамин Ц, витамин Е, цинк (но само во препорачана доза од лекар)

Дали одредена исхрана помага во спречувањето или намалувањето на опаѓање на косата?
Превентивна улога има исхрана богата со овошје и зеленчук која содржи доволна количина на флавоноиди и антиоксиданти кои може да обезбедат заштита на влакнениот фоликул и да го поттикнат растот на влакното.

Дали кратењето на косата ќе го намали паѓањето?
Кратењето на косата нема директно влијание за престанок на опаѓањето на косата. Но со кратењето се отстрануваат испуканите врвови и косата изгледа повитална.

Кои видови на третмани ги нуди ординација Д-р Анчевски против опаѓање и колку време после породување може да се применат истите?
После извршен преглед се утврдува дали е потребно некое дополнително испитување и поткрепа со соодветен препарат за пиење. Се препорачува линија за нега која се прилагодува према состојбата на косата односно дали е таа мрсна, сува, многу сува. Во пакетот за дома покрај шампон и маска се препорачуваат капки за раст и капки за нега на влакното.

Третманите кои се изведуваат во ординацијата се комбинација на соодветни маски и средства кои помагаат при престанок на паѓањето и ласерски третмани за стимулација на раст. Третманите се безбедни и во бременост и после породувањето и може да се отпочне со истите веднаш по појавата на проблемот. Циклус од неколку третмани ќе покаже одличен ефект и ќе ја нормализира состојбата.

Д-р. Анета Кокалеска-Петрушевска
спец. дерматолог
ординација Д-р Анчевски
www.ancevski.com.mk



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Економија1 час

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ2 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија2 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија2 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија5 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет6 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет6 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија6 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион6 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет6 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет6 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија21 час

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија22 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија24 часа

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...