Контакт

Daily news

Сиромашна држава – богати пратеници

Објавено пред

Сиромашни држави, богати пратеници. Ова правило се чини важи за целиот регион не само за Македонија кога се во прашање платите и патните трошоци што секој месец се издвојуваат за народните избраници.

dobivaj vesti na viber

Речиси сите балкански држави скапо ги чинат пратеничките гласови во Собранието. Иако собраниските сали често се полупразни, пред благајните секогаш има долг ред кога треба да се исплаќаат патните трошоци за пратениците. Ова воопшто не е чудно ако се има предвид дека најскапите пратеници на Балканот земаат по десетици илјади евра само за патни трошоци секоја година. Хотелски сместувања, скапи патувања во странство, авионски карти, намирени трошоци за јавниот превоз, се само дел од привилегиите што ги имаат најплатените балкански пратеници.

Стотици евра секојдневно издвојуваат парламентите на Република Србија, Хрватска, Црна Гора и на Косово за секој пратеник што ќе го запали сопственото возило за да дојде на пленарна седница. Најголеми трошачи се српските пратеници, иако по издатоците за бензин и за хотелско сместување рекорди водат и другите земји од регионот, меѓу кои е и Македонија.

Иако битката за намалување на патните трошоци трае со години, а пратениците трошачи се изложени на константни критики и притисок од јавноста, сепак ниту една мерка досега не вроди со плод. Напротив, и покрај декларативните заложби и иницијативи за изнаоѓање решение и намалување на трошоците кои ја цедат собраниската каса, деновиве јавноста во земјата повторно е разбранувана со објавувањето на проекциите за буџетските трошоци за идната година.

Во нив за патни трошоци во 2018 година се планирани 1,3 милион евра, ставка што е дури и поголема од претходната буџетска година, иако СДСМ се залагаше за намалување на непродуктивните трошења за што редовно ја напаѓаа владата на ВМРО-ДПМНЕ.

Координаторот на пратеничката група на СДСМ во Собранието, Томислав Тунтев, во август годинава предложи четири алтернативи за регулирање на патните трошоци на пратениците. Ваквиот предлог произлезе кога токму Тунтев беше цел на критиките дека за три месеци зел 2.588 евра за патни трошоци до родниот град Охрид.

Моментно, од 120 пратеници, 71 го задоволуваат условот да наплаќаат за доаѓање на работa.

„Едно е постојното, меѓутоа да се регулира така како што е потребно за да не се злоупотребува. Најголемиот проблем во сегашниот начин во исплата на патните трошоци е злоупотребата на системот. Имало и има пратеници што не патуваат секој ден, а кои наплаќаат патни трошоци. Со алатки, механизми и активности што би го спречиле тоа драстично ќе се намали сумата на патни трошоци што се исплаќаат на месечно ниво. Втората алтернатива е давање станови за користење – службени, државни станови. Третата алтернатива што ја нудиме е со давање надомест за одвоен живот и за изнајмување стан под кирија. Четвртата алтернатива што ја нудиме е хотелско сместување на тендер“, изјави тогаш Тунтев.

Неколку месеци подоцна сè уште владее молк во Собрането за оваа иницијатива. Податоците што го објави СКУП Македонија говорат дека Собранието исплатило 7,4 милиони евра за патни трошоци за користење сопствено возило за службени потреби на пратениците во изминатите 10 години. Со овие пари можеле да се изградат 5 нови училишта со капацитет од 2.600 деца или 30 градинки со капацитет да згрижат речиси 3.000 деца.

Какви се искуствата во регионот?

Хрватските пратеници трошат вистинско богатство за автомобили и станови. Тие земаат по 12.100 евра годишно за патни трошоци, а најмногу пари се издвојуваат за службени патувања, авионски билети, патарини, хотелско сместување. Собранието им ги плаќа и трошоците за воз, траект и автобус. Пратениците се поштедени да плаќаат и за такси, паркинг, за користење гаража и слично.

Проблеми со злоупотребите на патните налози има и Црна Гора. Работата отиде дотаму што тамошното обвинителство на почетокот на годинава започна истрага за речиси 239 фиктивни патувања за кои биле потрошени 120.785 евра. Случајот го открил државниот ревизор, кој дал негативно мислење за работењето на собранието, што, според нив, не било во согласност со прописите. Ревизијата утврдила дека на патните налози нема датуми , а на некои од нив имало и лажни потписи, што било доволна причина за да се отвори истрага.

Според сознанијата на црногорските медиуми, најмал надомест за дневници и патни трошоци добиваат пратениците од Подгорица – 11 евра, а највисока е тарифата за пратениците што доаѓаат од Плављани, кои добиваат по 115 евра за секое доаѓање на пленарната седница. Исплатата на овие средства за пратениците е регулирано со уредба што е донесена во Црна Гора на 25 април 2012 година. Во согласност со уредбата, пратениците од Никшиќ добиваат 48 евра за секое доаѓање на седница, од Котор – 61 евро, од Улцињ – 65 евра, а од Будва 50 евра.

Кога станува збор за патните трошоци на пратениците, не се скржави ниту во собранието на Косово. Покрај плата и дневници, косовските пратеници добиваат компензација од речиси 4 илјади евра годишно за патни трошоци, иако повеќето од нив живеат во Приштина. Според документите што ги објавуваат косовските медиуми, изминатите години патните трошоци за 75 косовски пратеници достигнувале износ и од 170 илјади евра. Освен месечната плата од 1.500 евра, 240 евра месечно тие добиваат за учество на пленарните седници, а пратениците земаат и дополнителни 300 евра за патни трошоци.

Прашањето за патните трошоци на пратениците е уредено со одлука на собранието на Косово, со кое е предвидена надомест за патни трошоци за присуствување на седница и на комисиите во висина од 10 евра до поминати 30 километри, 20 евра до 60 километри и 30 евра за повеќе од 60 километри. Прва на листата е пратеничка што потрошила 4.720 евра во текот на една година.

Проблеми со исплата на патните трошоци изминативе години често имаше и српскиот парламент. Поради празната каса, во прашање биле доведени и редовните седници на собранието оти стотината пратеници одбивале да допатуваат до Белград доколку навреме не добиваат пари за потрошениот бензин. Во Србија годишно се предвидени околу 1,5 евро за патни трошоци и за преноќевање во хотели на годишно ниво, иако таа сума според медиумите често и се надминува. Она што ги збунува српските медиуми е тоа што финасиската служба во тамошното собрание од пратениците не бара да прикажат никакви сметки за да докажат дека средствата ги потрошиле за бензин. Но, пресметките покажуваат дека секој пратеник одделно потрошил по 2.000 до 2.500 литри бензин за само шест месеци.

„Некои од пратениците закупуваат стан во Белград на црно, а прикажуваат дека патуваат на работа. Пратениците имаат право и да изнајмат стан до 500 евра, но во тој случај собранието не им ги исплаќа патните трошоци. Други, пак, патуваат по тројца со ист автомобил, а прикажуваат дека патуваат секој со своето возило. Трети во своите возила имаат вградено гас, кој е многу поевтин, а пријавуваат дека се возат на бензин. Четврти, пак, патуваат со автобус бидејќи се ослободени од плаќање превоз. Секако, тврдат дека патуваат со автомобил и земаат пари за трошоци што не ги направиле“, ги откриваат српските новинари шемите што најчесто ги користат стотината пратеници во српскиот парламент.

Даниела Трпчевска

 

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија1 час

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија3 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија4 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија5 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ6 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија6 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија6 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија9 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет10 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет10 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија10 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион10 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет10 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет11 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...