Македонија
Министрите за енергетика од Западен Балкан остануваат посветени кон регионалната агенда за поврзување
Вицепремиерот Владимир Пешевски во четвртокот се обрати на попладневната заедничка пленарна сесија на министрите за надворешни работи и министрите задолжени за секторот енергетика на земјите од Западен Балкан вклучени во „Берлинскиот процес“, при што истакна дека сите учесници на претпладневниот состанок на министри за енергетика усвоија заклучок со кој потврдуваат дека остануваат посветени кон целите на „Берлинскиот процес“ како и на агендата за поврзување како клучен фактор за развој на регионот.
Тој додаде дека на состанокот се нотираше дека веќе се одвиваат важни активности за физичкото енергетското поврзување на регионот но и помеѓу енергетските пазари. На состанокот се разгледуваше и статусот на имплементација на таканаречените „меки мерки“, со посебен осврт на Регионалниот пазар за електрична енергија, кои се насочени кон унапредување и измена на постечката легислатива и регулаторни бариери и подобрување на капацитетите на институционалните капацитети за креирање на пазар во согласност со „Договорот за Енерегетска заедница“ и законите на ЕУ.
Посветеноста кон реализација на целите на усвоената „Повелба за одржливост“ останува, преку имплементација на мерки за енеретска ефикасност и повисоко користење на обновливите извори на енергија, а придобивката е унапредување на животната средина, дополни Пешевски.
Со оглед на фактот дека земјите од Западен Балкан имаат голем потенцијал за производство на енергија од хидро извори, на состанокот се предложи досегашниот „Хидро мастер план“ да преминие во „Студија за развој на хидро потенцијалите на Западен Балкан“ со што ќе се ќе се идентификуваат нови хидро енергетски пректи и ќе се земат во предвид и пошироките национални интереси, додаде вицепремеирот.
Наша заедничка цел е да создадеме целосно функционален, ефективен и ефикасен енергетски пазар, да ја подобриме енергетска поврзаност и да го следиме обемниот план за енергетско производство, за да ги постигнеме заеднички договорените цели и веќе подготвени целосно да се интегрираме во Европската унија, оцени вицепремиерот.
По состанокот претставници на Европската комисија и на меѓународните финансиски институции: Европска банка за обнова и развој, германската КфВ, Европска Инвестициска Банка и Европскиот инвестициски фонд потпишаа два договори за енергетска ефикасност (Регионалниот Програм за енергетска ефиксност – REEP Plus и Фондот за залена развој – Green for growth Fund) со кој за енергетски ефикасни проекти на земјите од регионот ќе им бидат гарантирани над 50 милиони евра./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.