Изложба „Егзит 2017 – Поврзување на континентот“ на јужнокорејската уметничка група Егзит

Изложба „Егзит 2017 – Поврзување на континентот“ на јужнокорејската уметничка група Егзит

Изложбата „Егзит 2017 – Поврзување на континентот“ на уметничката група Егзит од Јужна Кореја, ќе биде отворена во понеделник во Домот на култура „Иван Мазов-Климе“, Кавадарци.

На изложбата ќе бидат претставени дела од следните автори: Гиљце Цонг, Донграк Сон, Иксонг Џин, Инсук Риу, Јунтек Са, Кјусан Ли, Лој Ким, Миџонг Ли, Сангу Хан, Санјонг Ли, Чанглим Ли и Џијан Мун.

Делата од овие автори, македонската публика имаше можност да ги види во текот на август 2016 во Националната галерија на Македонија, во објектот Мала станица, заедно со делата на повеќе македонски автори, кои беа дел од изложбата …„Патување“.

„Едно од клучните филозофски прашања, прашањето за постоењето, ги проткајува делата на членовите на групата Егзит. Авторите зборуваат за теми поврзани со домот, семејството, патувањата, животната средина, меѓучовечките односи, детството, желбите, соништата, сето она што ги опкружува, го обликува нивниот поглед и ги тера на размислување. Делата се работени во различни техники, како слика, графика, цртеж, дигитален принт, скулптура, инсталација и т.н., а она што ги прави визуелно впечатливи е истакнатиот црно-бел контраст или несекојдневно живиот колорит како и специфичните материјали од кои се изработени. “ – Маја Кировска

Организатор на изложбата е уметницата Маја Кировска,која живее и работи во Скопје, во соработка со Домот на култура „Иван Мазов-Климе“, Кавадарци.

Изложби на групата Егзит:
2016 – „Патување“, Национална галерија на Македонија – објект Мала станица, Скопје, Македонија
2016 – „Поврзување на континентот“, Gallery MC, Њујорк, САД
2015 – “Soyoyu”, Национален културен центар на Чунгбук, Ченгџу, Кореја
2015 – “Soyoyu”, Gallery MC, Њујорк, САД
2014 – „Еуритмија“, Национален културен центар на Чунгбук, Ченгџу, Кореја
2014 – „Тропајќи на излезот од Њујорк“, Gallery MC, Њујорк, САД
2013 – „Излез кон друго место“, Gallery MC, New York, NY
2012 – „Егзит – Друг излез“, Deacheong ho Museum, Ченгџу, Кореја
2011 – “EXIT-2011”, UMIN Art Center, Ченгџу, Кореја
2010 – „Егзит – Луда чувствителност“, Разиденција на гувернерот на Чунгбук, Ченгџу, Кореја