Македонија
Митко Андреевски со тужби за „Вечер“, бара извинување и од ВМРО-ДПМНЕ
Митко Андреевски од фирмата Си Ен Џи Системс која оперира со гасот во Општина Струмица, во понеделник испрати демант до медиуми за наводите од ВМРО-ДПМНЕ, од каде тврдат дека лидерот на СДСМ и градоначалник на Струмица, Зоран Заев му овозможил да се богати на сметка на граѓаните.
„Стана јасно дека измислените текстови на весникот Вечер се нарачка на ВМРО-ДПМНЕ. Информирам дека е целосна измислица изнесеното на денешната прес конференција на Дарко Костовски од ВМРО-ДПМНЕ, поврзано со моето име и работата на фирмата СИ ЕН ЏИ Системс.
Истите лаги се објавени по трети пат и во весникот Вечер, во текст објавен во денешното издание, 09.01.2016 година, за што веќе испратив Демант и барање за извинување.
Повторувам за јавноста дека фирмата СИ ЕН ЏИ Системс е основана и работи исклучиво согласно законските прописи во Република Македонија.
Повторувам дека фирмата СИ ЕН ЏИ Системс го доби тендерот за набавка на CNG и негова достава за Ј.П Струмица гас заедно со друштвото Галилео С.А, на меѓународен повик за доставување најповолна понуда, во согласност со највисоки стандарди и доставена најниска цена. Непознавање или намерната шпекулација е дека постои екслузивитет во оваа набавка, занејќи дека пазарот на природен гас е либерализиран и може да учествуваат и останати фирми.
Чиста измислица е дека фирмата СИ ЕН ЏИ Системс била фантомска и нема вработени и опрема, бидејки оваа фирма, работи во партнерство со друштвото Галилео С.А и е застапник на други два светски познати компании, користи опрема во оперативен лизинг за реализација на работните проекти, а бројот на ангажирани лица во нив е 6, не 1.
Повторувам дека цената по којашто се набавува гасот е согласно Пазарот на природен гас и во овој момент таа е уште пониска од цената врз основа на којашто е доделен распишаниот меѓународен тендер.
Чиста измислица се бројките и таканаречените пресметки за конструирани заработки, што категорично ги демантирам.
За тенденциозните конструкции дека единствен клиент на фирмата СИ ЕН ЏИ Системс било Ј.П Струмица гас, веќе укажав дека се премолчува фактот дека фирмата СИ ЕН ЏИ Системс работи со CNG (compressed natural gas) во единствената општина којашто има реализирано гасовод во Македонија.
Укажувам дека посочената фирма во партнерство со други трговски друштва го доби проектот за снабдување со гас на Ј.П Струмица гас кога јас не сум бил претседател на Комисијата за енергетика на СДСМ.
Барам извинување од Дарко Костовски од ВМРО-ДПМНЕ за изнесените лаги, во спротивно ќе покренам и против него тужба за клевета.
Ја извесувам јавноста дека денеска исправив трети Демант до Вечер во врска со повторуваните и надградени лаги од страна на весникот, што ги пласираат и порталот Курир и други медиуми. До весникот Вечер, како и одговорниот уредник и новинарот веќе е покрената тужба за клевета“, вели Андреевски во демантот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Државата е украдена од народот од страна на ДУИ и нивните измеќари СДС
Многу е важно да споменеме што ни се случуваше изминативе 6 и половина години, грабеж, понижување, срам и да не дозволиме никогаш повеќе да се повторат. Ветуваа дека ќе донеле правда и мир, а ниту правда ниту мир донесоа, никогаш полошо не се живеело криминалци царуваат со градовите, а оние кои треба да се одговорни за правдата и мирот се најверни коалициони партнери на криминалците, изјави претседателот од ВМРО-ДПМНЕ, Христијан Мицкоски на митингот во Кратово.
Мицкоски нагласи дека законите не важат за сите подеднакво, државата му е украдена на народот и со неа управува мала тесна клика на власта која континуирано ја понижува, ограбува и срами Македонија, како и дека има цикличен артаноиден режим во Македонија.
– Шансата за сето ова да се промени ја имаме на 24 април да излеземе да го заокружиме бројот 2 да ја поддржиме идната претседателка Гордана Силјановска Давкова а потоа уште помасовно на 8 мај, Македонија не само горда, да ја направиме и повторно твоја, рече Мицкоски.
Тој нагласи дека оваа власт ветуваше подобар живот и за земјоделците, за пензионерите, учениците, за здравството, но наместо тоа гледаме да нема загарантиран откуп за земјоделците, да нема учебници за учениците, пензионерите да протестираат за пензии, а во здравството видовме како се запали модуларната и луѓе загинаа, а бевме во првите 5 држави по смртност во корона пандемијата.
Мицкоски се осврна и на ДУИ за кои рече дека ги напаѓа затоа што се криминалци.
„Тие ме нарекуваат анти Албанец, не јас сум анти ДУИ криминалците. Ќе зборувам против принципот на владеење „како до сега“ како му рече Ахмети на Ковачевски. Ќе бидам против системот на владеење каде момчиња кои само што се од фамилијата Ахмети купуваат милионски имоти во центрите на градовите, тие кои се дел од тоа семејство и сватови имаат возен парк од неколку милиони евра, а народот нема леб да јаде“, нагласи Мицкоски.
Лидерот на ВМРО-ДПМНЕ посочи дека по 8 мај владата на коалицијата Твоја Македонија предводена од ВМРО-ДПМНЕ има задача сите кои ја ограбија и понижија Македонија да ги прати во затвор, доста беше од овие стотина разбојници кои ја уништија Македонија.
Говорејќи за Пендаровски, Мицкоски потсети како Пендаровски едно зборува наутро, друго на пладне, а навечер ги демантира двете, како и дека во меѓувреме ќе кажува дека Гоце Делчев бил Бугарин, дека ако не бил претседател ќе се селел од Македонија, ќе навредува дама како професорката Гордана Силјановска Давкова.
„Од друга страна имаме титан како професорката Силјановска Давкова која изминативе години ги бранеше македонските национални интереси, заслужува поддршка и историска победа на овие избори. Таа застана заедно со нас во првите редови одлучи за да се бори за Македонија за својот народ, за сите нас за достоинствена просперитетна држава со можности и шанса за секого“, истакна Мицкоски.
Тој повика „сите масовно да се обединиме на 24 април да му помогнеме на Пендаровски да ги пакува куферите, да гласаме за Гордана Силјановска Давкова, а потоа на 8 мај да ја направиме Македонија и повторно горда и повторно горда и да стигнеме до 61 пратеник, да ја ослободиме Македонија од овие стотина разбојници од ДУИ и нивните измеќари од СДСМ“.
Македонија
Таравари: Ќе се погрижам од Уставот да се елиминира навредливата дефиниција на албанскиот јазик
Кандидатот за претседател од редовите на ВЛЕН, Арбен Таравари, во едно од своите ветувања на политичката платформа, јасно наведува дека ќе се погрижи навредливата дефиниција на албанскиот јазик како „друг јазик што го зборуваат најмалку 20 %од граѓани“ да се елиминира од Уставот.
„Ќе се погрижам од Уставот да се елиминира навредливата дефиниција на албанскиот јазик како „друг јазик што го зборуваат најмалку 20% од граѓаните„ и албанскиот јазик, во неговото писмо, да биде службен јазик на целата територија на државата на еднакво ниво со македонскиот јазик“.
Македонија
Ковачки: Во рамките на проектот „Злетовица“, изградба на шест мали и две хидроцентрали со цевководи за водоснабдување на општините Пробиштип и на Кратово
Изминатите години се години кои се црно минато за нашата држава. Години кои ќе сакаме да ги заборавиме и никогаш повеќе да не ни се повторат. Години на тешки национални предавства, криминал и корупција од енормни размери, опасна економска катастрофа, јавен долг од 8,8 милијарди евра, најниски плати и пензии во Европа, а највисока инфлација во регионот и пошироко. СДС-ДУИ забегаа во секоја смисла на зборот, без никакви чувства, без никакви сопирачки, рече Драган Ковачки, носител на листата на пратеници во третата изборна единица од митингот во Кратово во рамките на предизборната кампања за парламентарни и претседателски избори.
Ковачки истакна дека иселувањето има земено загрижувачки размери, огромен дел од младите размислуваат за селење во странство и скоро да нема фамилија што нема свои блиски раселени по белиот свет, при што запраша каде се сега СДС да оставаат чевли пред Влада, како симбол за сите наши што се иселија.
„Устата им е полна со Европската Унија“, рече Ковачки и додаде, „ама во Европската Унија заминаа само тие што се иселија, сите останати сме тука во татковината, грчевито се бориме на парчето земја кое го населувале нашите татковци, дедовци и прадедовци и сакаме тука да останеме, да живееме нормално и да бидеме во друштво со европските народи“.
Ковачки посочи дека за тоа да се реализира треба работа, многу работа, многу напредок и љубов за сопствената земја за што ВМРО-ДПМНЕ како во минатото, така и во иднина ќе работи за интересите на сите граѓани и на граѓаните од Кратово.
Пред присутните на народниот собир во Кратово, Ковачки наброја дел од проектите предвидени во предизборната програма „Платформа 1198“ кои ќе бидат реализирани во градот во наредниот четири годишен мандат.
„Во рамките на третата фаза од проектот „Злетовица“ – Предвидуваме изградба на шест мали хидроцентрали меѓу кои и две хидроцентрали со цевководи за водоснабдување на општините Пробиштип и на Кратово;
Предвидуваме заживување на проектот „Плавица“ и отворање на Рудникот за бакар, злато и сребро;
Изградба на дом за стари лица во Кратово;
Реконструкција на детска градинка Царка Андреевска;
Реконструкција на градска сала;
Регулација на речно корито и изградба на колекторски систем за уредување на дел од Манцева река и дел од Кратовска река;
Реконструкција на патиштата до селата Близанци, Куново, Мушково и Нежилово до Каврак;
Изградба на мала пречистителна станица во село Приковци;
Реконструкција на зградата на поранешна Кристалограверница и многу други проекти кои што планираме да ги реализираме во Кратово“, рече Ковачки.