Македонија
Судијата Џолев бара дисквалификација на колегата Панчевски од трката за претседателот на скопска „единица“
Судијата Иван Џолев, кој е инаку едн од кандидатите за претседател на Основниот суд Скопје 1 – Скопје, или популарната „едииница“, во четвртокот поднел претставка до Судскиот совет на РМ, со којашто рагира и бара Судскиот совет да донесе одлука за дискфалификација на Владимир Панчевски во трката за прв човек на Основниот суд Скопје 1.
Тој во допис, за кој Макфакс информираше во четвртокот, се наведува дека Советот е должен тоа да го стори , имајќи предвид дека Владимир Панчевски не ги поседувал потребните квалификации. Според законот, претседател на суд се избира од редот на тие кои во изминатите две години имаат највисоки оценки и имаат најголем број бодови.
Џолев, исто така, наведува дека за време на распишување на конкурсот, како што е и пропишано, Панчевски не ги поседувал потрбните квалификации за да се кандидира за претседател на суд, бидејќи последната изречена оценка од Судскиот совет за Панчевски за 2014 година е тројка.
Токму поради оваа законска пречка, Судскиот совет, на чело со Зоран Караџовски, направил преседан за да го одржат Владимир Панчевски во трката-извршија вонредно оценување и на Панчевски му дадле на затворена седница висока оценка.
Но и покрај тоа, останува законската основа дека Владимир Панчевски морал да има висока оцена на денот на распишување на конкурсот, а не потоа.
На Панчевски, противкандидат за фотелјата во скопска „единица3 му е колегата Иван Џолев. Инаку. додека Панчевски раководеше со Кривичниот суд, судот го тресеа низа скандали и нарушени меѓучовечки односи. Екс-претседателот беше актуелен во јавноста и во случајот со дивоградба која изгради во строгиот центар.
Судијата Џолев реагира бидејќи токму Судакиот совет, на седница, наводно му ја поправил „тројката” којашто истиот Совет претходно му ја додели на кандидатот Владимир Панчевски. Џолев реагира дека Судскиот совет извршил преоценување со цел на Панчевски да му се поправи оценката и така да го одржи во трката за претседател на скопска „единица”.
Имено, Панчевски, кој за 2014 година имаше оценка 3, беше вонредно оценет со повисока оценка, но не за цела година, туку за период од само девет месеци, во 2015 година. На истата седница Судскиот совет му го зголемил и бројот на бодовите на Панчевски.
Со најновата реакција на Џолев, не само што се укажува на незаконско постапување, туку во исто време се намалуваат и шансите на Панчевски да добие уште еден претседателски мандат.
Судијата Панчевски изминатава година го следат серија скандали. Тој беше фатен како, преку лажни имиња, коментира на социјалните мрежи, како ја опструира работата на Специјалното јавно обвинителство, а влезе во отворена расправија со претседателката на Врховниот суд на РМ, Лидија Неделкова, со новинари и медиуми. Неговото име се вртеше по медиумите и поради неговата дивоградба во центарот на Скопје, но и поради петициите кои против него ги потпишуваа вработените во најголемиот суд во земјата./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи со конкретен акциски план за оддржлив економски раст на Северна Македонија
Кандидатот за претседател на Европскиот фронт, Бујар Османи, со конкретен акциски план за економски раст на Северна Македонија преку постигнување национален конзензус и формирање национален совет во серијата средби со разни фактори на државата тој реализира средба со претставници на Стопанската комора на Северна Македонија.
„Ќе предложам како Претседател на државата да се создаде национален совет за економски раст, со кој ќе претседава Претседателот како креатор на државен консензус а во кој ќе учествуваат поголемите политички партии од двете етнички заедници, но и претставници на заедниците под 20 %, регулаторите, бизнис заедницата, синдикатите, Организацијата на потрошувачите, Академијата, невладините организации и останатите интересни групи, како еден вид на државен управен борд, со цел постигнување на државен консензус по однос на клучните параметри и регулативи за еден забрзан и оддржлив развој“, презентира Османи дел од својата визијата за земјата.
„Овој борд или овој национален совет би имал пет работни групи: една за ефикасна администрација, ефикасни институции и професионална администрација, втора за оддржливи финансии, третата работна група за дигитализација, четврта за човечки капитал и петта, за инфраструктура. Во секоја од работните групи покрај експертите од чинителите кои што ги спомнав, би имало и меѓународни експерти и би имало наши претставници од дијаспората кои што се интегрирани во нивните општества со цел да се пренесат нивните искуства. Овие работни групи ќе предложат политики, закони, регулативи, параметри до овој национален совет, овој државен совет за постигнување државен консензус, кој што ќе ги одобри. Очекувам во првите шест месеци да се направи првиот предлог. Тогаш политичките партии ќе ги усвојат тие закони и тие регулативи, без расправа. Владата заедно со опозицијата ќе ги имплементира и ќе ги мониторира“, истакна Османи.
Според Османи, нашата економија е жртва на постојаните циклички политички кризи, а со преговорите со Европската Унија, земјата, покрај државниот консензус за ЕУ, мора да има и економски државен консензус во однос на општите параметри.
“Дали групата за оддржливи финансии ќе предложи дефицитот да не биде повеќе од 3 % и тоа ќе биде усвоено од страна на овој борд, што значи и од позицијата и од опозицијата и од чинителите, тогаш секој мора да го почитува и без расправа тоа да го имплементира. Ако надворешниот долг не треба да биде над 60% сите чинители ќе го почитуваат тоа. Исто како што е со регулативите и директивите на ЕУ, тие се фиксни, тие не се преговараат, тие само се имплементираат. Затоа сметам дека оваа ќе биде еден нов квалитет во постигнување на еден оддржлив и забрзан раст” заклучи Османи.
Преку изборната програма, Декалогот на Европскиот претседател, Османи предвидува и директно учество на Претседателот во пет надворешно-политички иницијативи, во кои заедно со бизнис заедницата ќе ги претстави економските потенцијали на државата надвор од земјата.
Македонија
Богојески: Хејтери во политиката ми го злоупотребуваат прекарот Бунтур наследен од прадедо ми од Илинденското востание
Колку време трае кампањата за претседателските, а сега и за парламентарните избори, толку време сум цел на напади и говор на омраза од политичките противници, реагира Петар Богојески, лидер на партијата Македонски концепт, која на претстојните избори е дел од коалицијата „Твоја Македонија“, предводена од ВМРО-ДПМНЕ. Богојески вели дека многумина од политичарите во кампањата му го злоупотребуваат прекарот Бунтур наследен од прадедото.
„Родум сум од Крушево, но малкумина знаат дека сум директен внук по машка линија на Димитар (Миту) Бунтурот, ополченик и борец за ослободување на Македонија во балканските и во Првата светска војна за што е носител на златен Медал за храброст. Внук сум на Петар Богојески-Бунтурот, чие име го носам, учесник во НОБ на Караорман и носител на златен Медал на трудот на Југославија. По мајчина линија, пак, внук сум на првоборецот Кицо Петрески, загинат на Сремскиот фронт, и на Борис Петрески, ранет на истото место. Од таму доаѓа и мојот прекар Бунтур, кој често во јавноста се злоупотребува од хејтери во политиката“, вели Богојески.
Богојески уверува дека нападите нема да го вратат од намерата за рестарт на Македонија по изборите, но нагласува дека не може да ја разбере фрустрацијата на оние што секојдневно го навредуваат на лична основа.
„Кратко истражување на јавниот простор веднаш ги отркива фактите и честите деманти на речиси сите обвинувања. Последните клевети за примање мито за да се вклучиме во коалицијата ‘Твоја Македонија’, создавањето лажни профили со моето име и споделувањето лажни изјави и слично се веќе основа за вклучување на ОЈО во целиот процес. Буквално, освен клевета и навреда, украден ми е личниот идентитет и во мое име се објавуваат лажни изјави, што е кривично дело. Зошто токму јас сум предмет на тие хибридни напади? Кој се плаши од мојата вистинска факторизација на политичката сцена во земјата“, посочи Богојески.
Последната клевета од вицепремиерот и главен активист на ДУИ, Артан Груби, кој ја обвини Македонски концепт за руска партија, Богојески ја оцени како трагикомична. „Тоа веќе е трагикомично, со оглед на јавните прозападни ставови на мојата партија, и тоа години и години. Но, зошто токму ДУИ толку многу се плаши од Македонски концепт? Дали мојата чистота како човек, моето потекло и бескомпромисното поведение на борец за каузата се причина за тој страв кај ДУИ?“, прашува Богојески. Како сопруг и татко на две деца, вели дека не му е сеедно што политичката пресметка со навреди завршува и пред очите на семејството, па јавно прашува дали е тоа нивото на македонската политика или се може и подобро.
ПР-текст
Македонија
СДСМ Прилеп: Кривична пријава за градоначалникот Јовчески поради незаконски потпишан анекс на договор за јавна набавка
Заради постоење основи за сомневање дека со склучувањето анекс на Договорот за јавна набавка од 27.03.2024 година со фирмата ЕЛЕКТРО – ТОЧИЛА ИНЖЕНЕРИНГ увоз-извоз ДООЕЛ Прилеп, градоначалникот на Општина Прилеп Борче Јовчески направил повреда на законските одредби од Законот за јавни набавки, Општинската организација на СДСМ Прилеп против Јовчески поднесе кривична пријава за сторени кривични дела „Злоупотреба на службената положба и овластување“ и „Несовесно работење во службата“, истакна на денешната прес-конференција, Моника Грашеска Илиеска, координатор на советничката група на СДСМ и Коалицијата во Советот на Општина Прилеп.
Она што треба да се истакне, според неа, е дека услугата за која бил склучен анексот воопшто не била опфатена со Програмата за јавно осветлување на Советот на Општина Прилеп за 2024 година, со што градоначалникот Јовчески извршил фаворизирање на фирмата „ЕЛЕКТРО – ТОЧИЛА ИНЖЕНЕРИНГ“.
Дополнително, како што вели, спорниот анекс во висина од 998.614,00 денари бил склучен на 27.03.2024 година, односно за време на мандатот на преодната Влада, што значи дека постоела законска пречка за спроведување јавни набавки кои не биле внесени во Планот за јавни набавки.
„Советничката група на СДСМ и Коалицијата во Советот на Општина Прилеп, подолго време укажуваше на низа неправилности во практикувањето на функцијата од страна на градоначалникот Борче Јовчески, на локалната самоуправа и јавните комунални претпријатија.
Сето тоа доби на интензитет со распишувањето на претстојните двојни избори и со паничниот обид на прилепските локални власти, спротивно на законите, со редица коруптивни договори да дојдат до глас повеќе.
Посочениот пример со потпишаниот анекс со „ЕЛЕКТРО – ТОЧИЛА ИНЖЕНЕРИНГ“, заради кој градоначалникот Јовчески ја заработи кривичната пријава, е слика и прилика на криминалното и насилничко владеење на ДПМНЕ на секое ниво“, вели таа.