Шилегов не кажува до каде се преговорите за формирање влада

Шилегов не кажува до каде се преговорите за формирање влада

 

Социјалдемократскиот сојуз работи на брзо и ефикасно решение за добивање на мандатот, односно за склучување коалиции со парламентарните партии, со што би обезбедиле 61 пратеник на нивна страна, кои би им ја изгласале владата, доколку мандатот им биде доделен нив.

Петре Шилегов кажа дека СДСМ работи на составувањето на нова влада, откако граѓаните на 11 декември гласаа за промени, но не прецизира до каде се преговорите, најпрво со ДУИ, партија која освои 10 пратенички места.

„Кажавме во текот на вчерашниот ден, СДСМ работи на брзо и ефикасно решение за обезбедување на составување на новата влада. Граѓаните да не се грижат промените за коишто гласаа на 11 декември бргу ќе следат“, вели Шилегов.

Тој не одговори ни кога ќе имаат евентурална средба со претставници на ДУИ, ниту дали мисли дека ДУИ ќеим даде поддршка.

Најави дека кога ќе може да ги споделат информациите ќе бидат споделени со јавноста, „јавно и транспарентно ги влечеме потезите уште во текот на изминативе две години, се што е зрело за сподеување како информација за јавноста ќе биде споделена на време“.

СДСМ останува на ставот дека лицата коишто се под истрага на СЈО, а којшто учествувале во криминални дејности, не можат да бидат дел од новата влада на Македонија.

Шилегов не прецизира ни дали е решено во кој рок може да се очекува нова влада, туку само рече дека во многу брза иднина ќе излезат со квалитетна информација во однос на тоа прашање.

„СДСМ е веројатно единствената политичка структура којашто се залага за доследно спроведување на законите во рамки на институции којшто не се партизирани. Ѓорѓе Иванов одбра кажавме и во текот на вчерашниот ден да биде покровител на криминалот на Никола Груевски. Никаде во закон, никаде во Устав не постои обврска на мандатарот, да како Претседателот на државата до давателот на мандатот да достави програма достави програма за работа на владата. Програмата за работа на владата ја разгледува и усвојува Собранието преку пратенциите“, рече Шилегов, одговарајќи на прашање дали на Иванов ќе му достават програма./крај/со/бб