Македонија
Заев најави реизбор на судиите (ВИДЕО)
Премиерот Зоран Заев по средбата со амбасадорот на ЕУ, Семјуел Жбогар, најави реизбор на судиите порачувајќи дека тие не треба да се плашат од тоа бидејќи станува збор за најчесен процес што го практикуваат и други земји за реформи во судството, што притоа нема да го водат политичари туку експерти. Тој најави исто така дека во овој процес ќе ги следат не само европските практики туку и препораките на Венецијанската комисија.
Заев наедно ги повика сите пратеници да застанат зад она што го потпишаа веќе нивните политички партии околу СЈО, односно да му го продолжат мандатот бидејќи, според него, не е фер да не им се остави да ја завршат и другата половина од работата, откако од ова обвинителство соопштија дека успеале да преслушаат само половина од снимките.
Прашан која ќе биде прва задача на владата, Заев рече дека ќе го остават популизмот во втор план и место тоа денеска ќе ги распределат надлежностите на министрите без ресор, при што ќе им каже што очекува од нив како решенија.
Околу разговорот со Жбогар, Заев изјави дека една од задачите на Владата е да ја тргне условената препорака од Европската комисија и дека за таа цел веќе се договара состанок со еврокомесарот Јоханес Хан и неговиот тим. Еден од условите од кои зависеше таа, според Заев, беа регуларни избори, но очекува сега Хан да ги каже другите обврски од реформите. Тој најави дека владата е целосно оптимистичка и позитивна, и ќе работи на ова прашање во тој дух, и покрај спорот за името со Грција.
Дека се цврсто решени да ги исполнат сите барања за да се отвори европерспективата Заев потврди со намерата да воспостави систем на сериозни контроли на работата на институциите или, како што рече, систем кој ќе ја чува Македонија и од СДСМ. На крајот тој најави дека ќе работи и на придобивање на опозицијата, односно дека ќе има поголемо разбирање за неа, дека ќе направи инклузивен политичкиот процес во земјата, па и ќе се обиде „да направи добри луѓе од ВМРО-ДПМНЕ“.
За денеска или најдоцна утре Заеев најави исплата на пензиите, гарантирајќи дека државата ќе биде целосно капацитетна со финансии и ќе ги троши парите пуштајќи ги директно кај граѓаните.
„Немам чувство дека треба да се плашам од нешто“, порача на крајот Заев околу тоа дали очекува мирни сто дена на функцијата.
Евроамбасадорот Жбогар му честиташе на Заев што презел ваква одговорност во овој важен политички момент за Македонија нагласувајќи дека сега имаме функционален Парламент и влада, што ѝ дава доверба на ЕУ дека земјата излегува од кризата. Според него, Брисел гледа со оптимизам на иднината на Македонија, споменувајќи ги во тој контекст и чувствата што ги предизвика вчера победата на Вардар. Сега е време да се почне со вистинска работа, со спроведување на реформите, рече Жбогар нагласувајќи ја подготвеноста на ЕУ да ѝ даде помош и насоки на власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените се почнати. На првата прес-конференција по затворањето на избирачките места тој рече дека очекува победа на 8 мај.
„Земјотресот по се изгледа дека денеска почна со масовното учество на граѓаните во изборите, а се надевам дека на 8 мај ВЛЕН ќе победи и ќе дојде долго очекуваната промена ДУИ да биде во опозиција“, рече Таравари.
Тој јавно се заблагодари на граѓаните за масовниот одѕив и изрази надеж дека набљудувачите нема да дозволат злоупотреби на гласовите.
„Сега веќе се знае дека на овие избори имаше многу помасовно излегување на гласање отколку претходните избори што зборува дека промените ни се приближуваат и ни доаѓаат. Ние како ВЛЕН сме пресреќни дека добивме гласови генерално од Албанците. Сега веќе промените се внатре во кутиите кои веќе се отвораат. Се надевам дека нашите набљудувачи ќе ги контролираат и нема да дозволат да има злоупотреби и ќе се гарантира секој глас кој што е даден на демократски начин дека ќе излезе на површина“, рече Таравари.
Македонија
Кузеска: Констатирани се мали прекршувања на изборниот процес, ги очекуваме резултатите и уверени сме дека граѓаните ќе ја поддржат европската иднина
Богданка Кузеска од Изборниот штаб на СДСМ, по затворањето на избирачките места изјави дека изборниот ден бил демократски, а гласањето се одвивало во фер и демократска атмосфера.
„Граѓаните својата волја ја изразија слободно и достоинствено како што доликува на една демократска земја – членка на НАТО со започнати преговори со ЕУ. Констатирани се само неколку многу мали прекршувања на изборниот процес. Сакаме да изразиме благодарност до сите граѓани кои денеска гласаа. Самото гласање е суштински чин кој произлегува од моќта на граѓаните да одлучуваат за својата иднина и иднината на државата. Ги очекуваме изборните резултати и уверени сме дека граѓаните и денеска и на 8 мај ќе ја поддржат европската иднина за Македонија. Иднина во која Македонија е дел од европското семејство и членка на ЕУ“, порача Кузеска.
Повтори дека ги очекуваат изборните резултати и наскоро ќе излезат со точни податоци.
Македонија
Евидентирани 12 случаи на фотографирање гласачко ливче, шест пријави за нудење поткуп и 15 пријави за агитирање, соопшти Тошковски
Според министерот за внатрешни работи Панче Тошковски денешниот изборен ден поминал во безбедна, мирна и демократска атмосфера.
Како што рече, безбедните избори биле резултат на добрата соработка меѓу полицијата, Државната изборна комисија и сите други чинители кои биле вклучени во спроведувањето на изборниот процес
„Овие избори беа уште еден тест за демократијата и во таа насока сакам да им честитам на граѓаните кои излегоа на гласање и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на инклузивно општество“, кажа Тошковски.
Истакна дека биле евидентирани повеќе настани кои се однесуваат на прекршување на изборниот процес.
„На ниво на целата држава евидентирани се 12 случаи на фотографирање на гласачкото ливче, два случаи на кинење на гласачко ливче, шест пријави за нудење на поткуп и 15 пријави за агитирање. На подрачје на СВР Скопје во врска со пријавата за испукана димна бомба од страна на тимот за антитероризам извршена е проверка , подигната е направата и предадена е на претседателот на избирачкиот одбор. Констатирани се шест прекршоци, а ќе бидат поднесени и две кривични пријави, една за повреда на тајност на гласањето и една за повреда на избирачко право“, потенцира Тошковски.
Во Охрид било пријавено јавно гласање пред комисијата а во Тетово биле пријавени упатени навреди кон шеф на штаб на политичка партија.
Во Куманово како што додаде, две гласачки места во село Умин Дол биле затворени а избирачкиот материјал бил вратен во канцелариите на ОИК.
Во Струмица едно лице го покажало гласачкото ливче на набљудувач.