Македонија
Објавени листите за изборите на 11-ти декември, челниците на власта и опозицијата се соочуваат во четворката и во шестката
На полноќ завршува рокот за доставување на кандидатски листи за предвремените парламентарни избори закажани за 11-ти декември. Политичките партии и коалиции ги објавија носителите и листите за шесте изборни единици.
Владејачката ВМРО-ДПМНЕ ги објави пратеничките листи доцна ноќта во петокот и ги предаде во ДИК, со што сите учесници на изборите ја исполнија обврската во предвидениот рок.
Според познатите листи, претседателите на владејачката и на опозицската албански партии, односно Али Ахмети на ДУИ и Мендух Тачи на ДПА ќе се соочат на во шестата изборна во шетката, додека на најголемата влдејачка партија ВМРО-ДПМНЕ, Никола Груевски, како што пртходно објави, ќе се соочи со челникот на најголемата опозициска партија СДСМ, Зоран Заев во четвортата изборна единица, а таму ќе во трката ќе им се приклучи и поранешниот премиер, лидер на ВМРО-НП, Љубчо Георгиевски.
Изборна единица 1
Коалиција за подобра Македонија – Никола Попоски, СДСМ – Стево Пендаровски, Коалиција за промени и правда – Павле Трајанов, Коалиција „ВМРО за Македонија“ – Ден Дончев, Либерална партија – Ивон Величковски,
Левица – Димитар Апасиев, ДУИ – Артан Груби, ДПА – Идриз Орана, НДП и Беса – Зеќирија Ибрахими
Изборна единица 2
Коалиција за подобра Македонија – Никола Тодоров, СДСМ – Оливер Спасовски, Коалиција за промени и правда – Јове Кекеновски, Коалиција „ВМРО за Македонија“ – Љупчо Балковски, Либерална партија – Кире Бузлиев, Левица – Трајче Стојанов, ДУИ – Ејуп Халими, ДПА – Орхан Ибраими, НДП и Беса – Африм Гаши
Изборна единица 3
Коалиција за подобра Македонија – Илија Димовски, СДСМ – Љупчо Николовски, Коалиција за промени и правда – Весна Стојменовска, Коалиција „ВМРО за Македонија“ – Стојанче Ангелов, Либерална партија – Данчо Марковски,
Левица – Марија Џонс, ДУИ – Нафи Дурмиши, ДПА – Самир Рушити, НДП и Беса – /
Изборна единица 4
Коалиција за подобра Македонија – Никола Груевски, СДСМ – Зоран Заев, Коалиција за промени и правда – Слободан Богоевски, Коалиција „ВМРО за Македонија“ – Љубчо Георгиевски, Либерална партија – Даница Јованова, Левица – Митко Николов, ДУИ – Артин Спахиу, ДПА – /, НДП и Беса – /
Изборна единица 5
Коалиција за подобра Македонија – Антонио Милошоски, СДСМ – Радмила Шекеринска, Коалиција за промени и правда – Александар Делов, Коалиција „ВМРО за Македонија“ – Љубе Бошкоски, Либерална партија – Кице Мицковски, Левица – Здравко Савески, ДУИ – Агим Шаќири, ДПА – Адријан Усеини, НДП и Беса – Арбен Лабеништи
Изборна единица 6
Коалиција за подобра Македонија – Влатко Ѓорчев, СДСМ – Петре Шилегов, Коалиција за промени и правда –,
Коалиција „ВМРО за Македонија“ – предлог на Достоинство, Либерална партија – Бранко Мајсторовски, ДУИ – Али Ахмети, ДПА – Мендух Тачи, НДП и Беса – Билал Касами./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на комисијата на Јавното обвинителство за следење евентуални кривични дела поврзани со изборите, извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец’, со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите наводно го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело, и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.