Македонија
Одбележан патрониот празник на касарната „Мирче Ацев“ во Прилеп
Во касарната „Мирче Ацев“ во Прилеп, во четврток, беше одбележан нејзиниот патрон празник и 74 години од загинувањето на народниот херој Мирче Ацев.
Чествувањето започна со положување на свежо цвеќе пред бистата на народниот херој, која се наоѓа во кругот на касарната, а потоа одбележувањето продолжи со пригодна програма во која учество зедоа учениците од гимназијата „Мирче Ацев“ и КУД „Мирче Ацев“.
„Денеска е голем ден за нас. Вчера започнавме со чествувањето кое не потсетува на трагичната смрт на народните херои Страшо Пинџур и Мирче Ацев. Денешниот ден од оваа година па понатаму ќе биде втемелен во традициите на АРМ, со тоа што сакаме да оддадеме чест и почит на оние кои ги дадоа животите за слободна и независна Македонија. Оние кои беа посилни од сите тие кои сакаа да го држат во ропство и да го угнетуваат македонскиот народ. Ние како АРМ и припадниците на гарнизонот во Прилеп со овој чин им оддаваме почит на сите херои“, вели бригадниот генрал Мирче Ѓоргоски, командант на првата механизирана пешадиска бригада, во чиј состав е артилерискиот батаљон.
На одбележувањето присуствуваше и градоначалникот на Прилеп, Марјан Ристески, кој
„Мирче Ацев и Стражо Пинџур го дале својот живот за Македонија и ова е голем ден за нас. Инаку оваа касарна многу значи за Прилеп, не само од безбедносен аспект, туку и од економски аспект. Исто така со војниците и АРМ имаме одлична соработка кога се работи и за хуманитарни мисии, а тоа се покажа на дело лани кога имавме големи поплави во Пелагонија“, рече Марјан Ристески, градоначалник на Прилеп.
Присутните на настанот имаа можност да ја разгледаат и изложбата на опремата и вооружувањето со кое располага оваа единица./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски од Струмица: Управните служби ќе издаваат лични документи и во сабота
Министерот за внатрешни работи Панче Тошковски денеска беше во посета на струмичкиот крај каде оствари работни посети на Секторот за внатрешни работи Струмица, Отсекот за управни работи Струмица и канцеларијата за управни работи во Ново Село. Министерот Тошковски од страна на раководството на СВР Струмица беше брифиран дека генерално безбедносната состојба на подрачјето кое го покриваат е стабилна и не се забележува позначајно зголемување на бројот на извршени кривични дела, а во тој поглед имаат солиден процент на реализација. Како проблем на чие решавање треба да се работи што поскоро беше истакната слабата кадровска пополнетост, односно недостиг на човечки ресурси за работа.
„Во делот на управните служби би сакал да потенцирам дека во интерес на струмичани, повторно ќе започне процес на издавање на лични документи и во сабота (од наредната), а работиме на тоа да се издаваат лични документи и во текот на работната недела после 16 часот, со цел луѓето после завршување на работните обврски да можат да си ги подигнат готовите документи“, нагласи министерот Тошковски.
Што се однесува до канцеларијата за управни работи во Ново Село и покрај опструкциите на Владата со поништувањето на наредбата на колешката која доброволно прифати да помогне во овој дел, како што потенцираше Тошковски, со почетокот на континуираното функционирање на базната станица, истата опслужува граѓани од поширокото подрачје на Струмица и бројот на фотографирања на оваа територија се зголеми за 32%.
Македонија
(Видео) Јавното обвинителство се координира со другите институции за обезбедување фер и демократски изборен процес
Координација на активностите за успешно спроведување на претстојните избори, со поддршка од сите институции што се дел од овој процес, беше тема на денешниот состанок на јавниот обвинител на Република Северна Македонија, Љупчо Коцевски, со претседателот на Владата на Република Северна Македонија, Талат Џафери. На средбата присуствуваше и јавниот обвинител Џељаљ Бајрами, претседател на Комисијата во Јавното обвинителство за следење евентуални изборни нерегуларности поврзани со извршување кривични дела од Глава шеснаесет – кривични дела против изборите и гласањето од Кривичниот законик и други кривични дела што би биле сторени при организирањето и спроведувањето на изборите.
На средбата заеднички се констатира дека двојните избори во државава се од исклучителна важност во рамките на очекувањата за напредок на Република Северна Македонија во евроинтеграцискиот процес и во таа насока се потенцира улогата на сите надлежни институции и потребата од ефикасно дејствување со цел спроведување фер и демократски изборни процеси. Се нагласи и очекувањето од двете страни дека сите учесници во изборите го согледуваат својот дел од одговорноста и ќе придонесат во поттикнувањето и одржувањето атмосфера на конструктивност.
Во Јавното обвинителство на Република Северна Македонија, денеска, јавниот обвинител Бајрами и членови на Комисијата остварија работна средба со членовите на Државната изборна комисија, на која двете институции меѓусебно се информираа за текот на подготовките за организација и следење на изборниот процес, како и потенцијалните ризици. Привремената комисија во Јавното обвинителство непосредно ќе комуницира со членовите на ДИК во текот на спроведувањето на изборниот процес и особено на денот на гласањето за да се информира за сите евентуални изборни нерегуларности што би можеле да бидат предмет на кривична одговорност за сторителите.
Македонија
Склучен меморандум за соработка помеѓу Економскиот факултет – Скопје и „Кроација осигурување“ АД, Друштво за неживотно осигурување Скопје
Денес во просториите на Економскиот факултет – Скопје, деканот проф. д-р Предраг Трпески одржа состанок со г-дин Александар Манев-генерален директор на Кроација осигурување АД, Друштво за неживотно осигурување Скопје и со претставници од истата институција.
Во рамки на остварената средба, се одвиваше плодна дискусија во насока на унапредување и продлабочување на меѓусебната соработка помеѓу двете институции како и обезбедување достапност на професионална размена на искуства заради остварување на заеднички цели. Во таа насока, состанокот се заокружи со потпишување на Меморандум за соработка помеѓу двете страни со кој се официјализираше соработоката помеѓу Економскиот факултет – Скопје и Кроација осигурување АД, Друштво за неживотно осигурување Скопје.
Со ова, двете институции се согласија да соработуваат во реализација на широк спектар на активности и иницијативи од взаемен интерес за едукација и подобрување на знаењето и стручноста преку најразлични активности и проекти од взаемен и општествен интерес, реализирање на практична настава за студентите од Факултетот, презентирање на практични проблеми, решенија, предизвици и можности за студентите на Факултетот, организирање работилници и конференции, и други активности.
За време на посетата, генералниот директор, г-дин Александар Манев и останатите претставници, во придружба на деканот и продеканите на Економскиот факултет – Скопје, ги разгледаа капацитетите со кои располага Економскиот факултет – Скопје.
ПР