Македонија
Симев: Холокаустот на Македонците од Беломорска Македонија не треба никогаш да се заборави
Партијата „Единствена Македонија“ денеска одржа прес-конференција во врска со иницијативата до Владата за чествување и на македонскиот холокауст врз 32.000 македонски деца од Беломорска Македонија во 1948 година.
На прес-конференцијата се обрати членот на Извршниот комитет на „Единствена Македонија“, Вангел Симев, кој рече:
Вчера под покровителство на Зоран Заев беше одбележана 75-годишнината од холокаустот на македонските Евреи во Втората светска војна. „Единствена Македонија“ и македонскиот народ сочувствуваат со трагедијата на депортираните 7.144 македонски Евреи, впрочем како и со трагедиите на другите народи.
Меѓутоа, голем срам за една нација е да не си ја знае својата поблиска историја, која низ годините се прикривала. Вината може да се лоцира во погрешно водената политика и во системот на образование. Во оваа, 2018, година се навршуваат точно 70 години од големиот прогон на македонските деца прогонети од Беломорска Македонија од грчката монархистичко-фашистичка власт.
Должност на Македонија како држава е да се грижи покрај холокаустот на македонските Евреи и за холокаустот на Македонците од Беломорска Македонија. Со одбележувaњето на овој ден постојано ќе се потсетуваме дека околу 32.000 македонски деца од 2 до 14 год. и околу 100.000 возрасни засекогаш се прогонети од своите вековни огништа. Потсетувањето е можност да не заборавиме за тоа што ни се случило, за да не ни се повторуваат грешките.
Кога го спомнувам геноцидот на прогонетите деца од 1948 година не можам а да не кажам дека и јас сум дел од тој прогон. Како дете на 4-годишна возраст со моите родители бевме принудени гладни, неспани и истоштени да бегаме од непријателските бомбардирања со авиони и топови. Грчкиот бес беше премногу суров и вршеше масовни убиства, до темел ги уништуваше и палеше нашите македонски куќи со цел бркање од вековните огништа на голоракото македонско население. Бегањето беше во вечерните часови, преку планини за да не бидеме забележани од непријателот. Покрај сè, јас бев меѓу најсреќните деца од мојата генерација на Беломорска Македонија затоа што растев со своите родители, а многу деца таа среќа ја немаа. Многу родители на прогонетите деца не успеаја повторно да си ги видат своите огништа, а многу од нив порачуваа да им се донесе грутка земја од родниот крај.
„Единствена Македонија“ иницира до македонската влада официјално чествување на прогонот на децата бегалци како еден од најтажните настани во поновата македонска историја.
Таканаречената граѓанска војна имаше геополитичка стратешка цел за трајно искоренување и етничко чистење на Македоците од вековните огништа. Таквата стратегиска цел беше спроведувана од вооружените сили на грчката влада поддржувана од страна на Велика Британија и САД.
Грците по Балканските војни ќе го искажат нивниот вечен став, кој гласи: каде сме ние нема место за други. Ваквиот грчки став кон македонскиот народ се спроведува повеќе од 100 години. Започнатата политика на Грција за систематско уништување на македонските корени, бришење на македонското име и идентитет сè уште се спроведуват, со благослов на „нашите стратешки партнери ЕУ и САД”. Разликата меѓу холокаустот на еврејскиот народ и на македонскиот народ е во тоа што еврејскиот е завршен пред 75 години, а македонскиот сè уште трае. Во Македонија холокаустот ќе заврши откако ќе се обезличи Македонија со менување на името, идентитетот и јазикот.
„Единствена Македонија“ има стратешки план како тоа да се спречи, истакна во своето обраќање Симев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“
Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните парламентарни избори.
Потпретседателот на ВМРО-ДПМНЕ, Тимчо Муцунски, кој ги соопшти имињата, листите ги опиша како победнички и изрази надеж дека ќе добијат мнозинска поддршка од граѓаните.
„Ова се победнички пратенички листи, а при нивното составување се водеше сметка за гласот на народот, нивните барања и потреби. Носителите на овие победнички листи се: Во првата изборна единица е лидерот на ВМРО-ДПМНЕ Христијан Мицкоски каде очекуваме огромна поддршка и огромна победа; Втората изборна е мојот колега и пријател Владо Мисајловски; Третата изборна единица е Драган Ковачки; Четвртата изборна единица е потпретседателот Александар Николоски; Петата изборна единица генералниот секретар на ВМРО-ДПМНЕ Ѓорѓија Сајкоски. Шестата изборна единица каде очекуваме исто така убедлива доминација во однос на СДС е Дафина Стојановска“, рече Муцунски.
Како што додаде, станува збор за луѓе со кредибилитет, искусни и енергични.
„Тоа се луѓе кои и требаат на Македонија, луѓе кои ќе се борат за решенија, за решавање на проблемите. Имаме тешка задача пред нас да ја кренеме Македонија и да ја вратиме надежта. Само заедно ќе успееме“, рече Муцунски.
Во продолжение листите во целост:
ИЕ 1
1. Христијан Мицкоски
2. Гордана Кочовска Димитриевска
3. Коалиција
4. Синиша Стојановски
5. Бети Стаменковска
6. Тони Јаревски
7. Иван Живковски
8. Љупчо Пренџов
9. Марија Митева
10. Иванка Василевска
11. Коалиција
12. Велика Стојкова Серафимовска
13. Сергеј Попов
14. Јане Мицески
15. Бисера Златеска
16. Катерина Димитровска
17. Игор Никовски
18. Мартин Стојановски
19. Александра Николовска
20. Тодор Коневски
ИЕ 2
1. Владо Мисајловски
2. Жаклина Пешевска
3. Коалиција
4. Бобан Николовски
5. Бојан Стојановски
6. Каролина Насковска
7. Зоран Коцевски
8. Бране Петрушевски
9. Дијана Илиевска
10. Емилија Ангелова
11. Коалиција
12. Ерџан Демири
13. Весна Додевска
14. Зоран Бајовски
15. Ивица Димковски
16. Дени Милевски
17. Габи Калкова
18. Никола Стојковски
19. Мартина Ристовска
20. Валентина Петровска
ИЕ 3
1. Драган Ковачки
2. Никола Мицевски
3. Рашела Мизрахи
4. Игор Здравковски
5. Коалиција
6. Благица Ласовска
7. Миле Лефков
8. Даниела Христова
9. Марија Петрушевска
10. Душко Иванов
11. Александар Јамалов
12. Драгана Бојковска
13. Емил Спасовски
14. Драгана Арсова
15. Столе Кракутовски
16. Љупчо Спиров
17. Гордана Барбашка
18. Јорданчо Костадинов
19. Мартин Ефремовски
20. Анкица Анакиева
ИЕ 4
1. Александар Николоски
2. Антонијо Милошоски
3. Ели Панова
4. Дејан Проданоски
5. Зоран Јованчев
6. Ангелинка Петкова
7. Петар Ристески
8. Златко Пенков
9. Моника Ристеска
10. Јулија Тушева
11. Жан Дрвошанов
12. Петар Марков
13. Билјана Кузмановска
14. Весна Ѓорѓиева
15. Мито Андонов
16. Јадранка Поцкова
17. Наталија Димитриева
18. Гоце Дединец
19. Сашо Граороски
20. Никола Златески
ИЕ5
1. Ѓорѓија Сајкоски
2.Олга Лозановска
3.Сашо Донев
4. Пеце Милевски
5. Јован Јаулески
6. Лидија Петковска
7. Мевмед Џафери
8.Кире Божиновски
9. Силвана Ангелевска
10. Грација Бакрачевска
11. Лазе Јакимовски
12. Ѓорѓи Влајкиновски
13. Благица Крстеска
14. Никола Дранговски
15. Леон Мерсовски
16. Менче Марковска Андреева
17. Билјана Стефановска
18. Жанета Петреска
19. Мартин Иваноски
20. Ѓорѓи Шопоски
ИЕ 6
1. Дафина Стојаноска
2. Александар Велјановски
3. Валентина Марчевска
4. Коалиција
5. Верица Апостоловска
6. Ванчо Милевски
7. Алишериф Синани
8. Анета Ќироска
9. Анита Бошкоска Јованоска
10. Мишо Маринковски
11. Бране Стојчевски
12. Верица Тофиловска
13. Ивана Савеска
14. Даниела Апостоловска
15. Деан Трпески
16. Марина Петровска
17. Горан Зафировски
18. Тања Сибиновска
19. Лилјана Спиревска
20. Александра Спироска
Македонија
Села оди во коалиција со Ахмети
На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со Европскиот фронт – коалицијата предводена од ДУИ.
Зијадин Села изјави дека одлуката била донесена едногласно, односно само еден делегат бил против, а четворица воздржани.
Очекуваат да добијат најмалку пет пратенички мандати.
„Европскиот фронт ќе биде апсолутен победник на изборите. Алијансата ќе има минимум парламентарна група“, рече Села.
Алијансата се подели на две крила, кога партискиот лидер Арбен Таравари објави дека партијата на претстојните парламентарни избори ќе настапи заедно со опозицискиот блок на Албанците – Беса, Алтернатива и Демократско движење, додека Села објави дека ќе одат на избори самостојно. Потоа следеа одделни партиски конгреси, а во судот веќе се води спор.
Македонија
ДУИ во коалиција со Унијата на Ромите
По потпишувањето на коалицијата за Европскиот фронт со ДПA на Мендух Тачи, Народното движење на Скендер Реџепи Зејд, ДЕП на Аријан Хоџа и Демократска партија на Турците (ТДП), претседателот на Демократската унија за интеграција, Али Ахмети одржа конференција за медиумите, каде што беше потпишан коалицискиот договор со Фатма Османоска, претседател на партијата Унија на ромите.
Претседателот на Демократската унија за интеграција , Али Ахмети ја истакна важноста на коалицијата помеѓу двете заедници, онаа на Ромите и Албанците и силата што ќе ја има Европскиот фронт во борбата против дискриминацијата и маргинализацијата на секоја заедница.
„Општина Шуто Оризари е единствената општина во Европа на ромската заедница и тоа е навистина за радување и за поддршка во сите сфери на животот. Почитувана претседателка на партијата, на средба со градоначалникот на општината, му реков, почитуван градоначалнче, немавте претставници за време на Охридскиот договор, јас ги претставував сите заедници кои немаа претставници таму, Роми, Турци, Власи, Бошњаци како и Трајковски чија евангелиска вера не ја признаваа. Г-ѓо претседателке, нема потреба да поставувате барања, ја имате нашата поддршка, јас доаѓам од народ кој бил дискриминиран, надгласуван и маргинализиран, затоа сите заедно ќе се бориме против дискриминацијата и маргинализацијата. Ромската заедница рамноправна со сите на истиот фронт. Сакам да му честитам на градоначалникот на Шуто Оризари за работата и соработката, кој оствари извонредна соработка со Албанците и советниците кои работат заедно, бидејќи градоначалникот е тој што доближува. Зборувам со голема одговорност, ќе не испробате и ќе видите какви партнери сме. Не само со зборови, туку и со дела. Ќе бидеме заедно на нашето патување, ќе ја направиме нашата земја членка на ЕУ, во нашата земја мора да владее правото, во нашата земја мора да владее вистинска демократија, а ние, Европскиот фронт, сме тие кои ќе ги градиме овие вредности. Вака како што сме заедно, на 24-ти април, да извојуваме убедлива победа и на 8-ми мај, неспорна победа. ДУИ ќе го направи невозможното, во овој мандат мора да има пратеничка Ромка, и таа ќе биде Фатма. Честитки, здравје и успех! Без дилеми, Европскиот фронт е победник на овие избори“, рече Ахмети.
Претседателката на Партијата на Унијата на Ромите, Фатма Османоска, рече дека денес единствен начин ромската заедница да најде поддршка и потпора е да се приклучи на еден единствен фронт каков што е Европскиот фронт.
„Почитуван премиере, почитуван господине Ахмети, почитувани сопартијци, советници и граѓани. Во кој фронт да се вклучи нашата партија, ако не во Европскиот фронт? Кого да избереме ако не оние со кои имаме иста визија. Ни рекоа, немате политичка сила, немате образован кадар, немате партија. Сега сме тука пред вратата на Европа, за да влеземе во ЕУ како рамноправни. Овој сојуз ќе ни даде можност да бидеме рамноправни. Како претседател, а и како партија гарантираме дека оваа соработка ќе успее“, рече Османовска.
Исто така, за важноста на Фронтот зборуваше и градоначалникот на општина Шуто Оризари, Курто Дудуш, кој истакна дека со овој фронт Ромите ќе почнат да го живеат сонот кој требаше одамна пред многу години, додавајќи дека фронтот ќе добие повеќе од 20 пратенички мандати.
„Ова што се случува во наше време, жалам што претходните ромски политичари не ја сфатија оваа можност, за да го искористат Рамковниот договор како што денес браќата Албанци ја искористија да бидат рамноправен народ со Македонците, но велам дека никогаш не е доцна. Оваа коалиција ќе донесе голема победа со плус 20 пратеници“, изјави градоначалникот на општина Шуто Оризари, Курто Дудуш.