Македонија
Мајка Тереза – лик и дело еден век
„Мајка Тереза не сакаше да зборува за своите дела. Таа му служеше само на Бога. Затоа и ние не зборуваме за нашата работа. Ние само му служиме на Бога“, ни рече главната сестра од Редот на Мајка Тереза,
„Мајка Тереза не сакаше да зборува за своите дела. Таа му служеше само на Бога. Затоа и ние не зборуваме за нашата работа. Ние само му служиме на Бога“, ни рече главната сестра од Редот на Мајка Тереза, при нашата денешна посета по повод одбележувањето на сто годишнината од раѓањето на најпознатата хуманистка.
Четири сестри од Редот на мисионерката секојдневно ја продолжуваат нејзината мисија прехранувајќи и згрижувајќи ги најсиромашните со молитва, во една куќа во населбата Кисела Вода.
„Останав без работа. Дојдов во ситуација од црква да земам леб“ – ни рече еден од бројните Скопјани кои секојдневно доаѓаат во куќата на сестрите по неколку парчиња леб.
Мајка Тереза е родена на 26 август 1910 година во Скопје во семејството Бојаџиу каде живее до својата 18 годишна возраст, кога одлучува да му служи на Бога и да замине за Индија. Не го заборава родното Скопје. Овде навраќа неколку пати и при третата посета на родниот град ја основа мисијата со четири сестри.
Денеска Скопје и целиот свет ја одбележува 100 годишнината од нејзиното раѓање. По тој повод во Собранието се одржа свечена седница на која претседателот Трајко Вељановски во својот говор истакна дека Мајка Тереза останува пример за несебична посветеност на хуманоста. Нејзината животна посветеност и грижата за сиромашните и болните ја става во редот на најголемите хуманисти во човековата историја.
„ На прашањето што е по националност, Мајка Тереза одговара дека е Скопјанка која му припаѓа на целиот свет. Токму во овие зборови се гледа дека сите ние прво сме луѓе, божји деца, без разлика на која нација и вера припаѓаме“ – рече Вељановски.
Во Собранието денеска беше доделена и државната награда „Мајка Тереза“, која оваа година им припадна на писателот Халил Зендели и на педијатарот Олга Јотовска.
Одбележувањето на 100 годишнината од раѓањето на големата хуманистка продолжува и вечерва со изложба на фотографии насловена „Мајка Тереза – Мајка на сиромашните, од хрватскиот фотограф Звонимир Атлетиќ во Спомен куќата со почеток во 20 часот, а во 18 часот во Католичкиот катедрален храм „Пресвето срце Исусово ќе се служи Понтификална света литургија.
Сестра Тереза од Лорето станува Мајка Тереза од Калкута, посветувајќи го целиот живот на Бога во служба на најсиромашните. Како признание за својата работа во текот на својот живот ќе добие преку 700 награди и признанија, вклучувајќи ја и Нобеловата награда за мир во 1979 година. Целиот свет ќе се запознае „жената мала по стас, но со џиновско срце“
Во 1950 година ја основа Конгрегацијата на Мисионери на љубовта, чија главна цел е „да се сакаат оние кои од никого не се сакани“. Мисијата започната со 12 сестри денес брои преку 4800 сестри во 757 мисии во 145 земји низ целиот свет, како засолниште за лепрозните, бездониците, сирачињата, болните од сида, бегалците, ментално болните, хендикепираните.
Со утринска миса во Калкута денеска низ светот почна прославата на 100 годишнината од раѓањето на Светицата на сиромашните.
Мисијата ја предводи кардиналот Телесфор Плацудус Топо, а се служи во седиштето на конгрегацијата на Мисионерките на љубовта која Мајка Тереза ја основа во 1950 година и каде е закопана во 1997 година.крај/кс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: Една година ФРОНТЕКС – прв договор потпишан на македонски јазик со ЕУ
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност, Сашо Тасевски и државната секретарка, Магдалена Несторовска, остварија работна средба со раководството на Регионалниот центар за гранични работи ЈУГ, по повод одбележување на една година од почетокот на мисијата на ФРОНТЕКС во Република Северна Македонија, а со цел промоција на соработката помеѓу претставниците на ФРОНТЕКС во локалниот координативен центар и одговорните старешини од РЦ за ГР ЈУГ, како и промовирање на европскиот пристап на координирање на сите заеднички активности и справување со предизвиците.
„Одбележуваме една година од работата на макеоднската полиција заедно со ФРОНТЕКС, со целд а ги одбраниме нашит еи границите на ЕУ од прилив на мигранти. Тоа успешно го правиме од 2015 до денеска. Договорот е од историска важност, тогашниот министер Оливер Спасовски ја имаше честа да го потпише со Европската Унија, и ја отвори вратата за поинтензивна оперативна соработка заснована на доверба и меѓусебно почитување”, истана Бојмацалиев во изјава за медиумите, заблагодарувајќи се до Тасевски и Несторовска за напорите кои ги направија Договорот да биде на македонски јазик и успешно да функционира во нашата држава.
„Со тоа уште еднаш покажуваме дека македонската полиција е рамо до рамо со европските полиции, заедно работиме, и од пред некое време имаме барање од други полиции да вршиме обуки на нивните службеници како се справување со миграцијата. Од земја која бараше помош од другите држави за справување со миграција, сега нудиме помош”, рече Бојмацалиев
Македонија
Ковачки ги повика неопределените да гласаат: „ Да се обединиме за идејата ‘Македонија повторно твоја’“
Народот е подготвен и обединет за промени, приклучете се кон ВМРО-ДПМНЕ за да ја поразиме оваа ненародна и криминална влада на СДС и ДУИ, порача Драган Ковачки, член на ИК на ВМРО-ДПМНЕ и носител на изборна единица 3.
„Денеска сме во Кратово, Ранковце и Крива Паланка. Тука сме да презентираме проекти од Платформата 1198, ќе поразговараме со сите граѓани. Ги повикувам сите граѓани кои сеуште не се определиле и кои што ја чувствуваат позитивната енергија која што доаѓа од ВМРО-ДПМНЕ, да се обединиме околу идејата за Македонија повторно твоја, да се обединиме околу проблемите“, рече Ковачки.
Како што додаде вчерашниот митинг во Охрид покажал дека народот е подготвен и обединет за промени, а ВМРО-ДПМНЕ е партија за македонско национално единство.
Македонија
Успешна сложена дентална операција – изведена транспозиција на нерв
Вчера, успешно заврши сложениот хируршки зафат – транспозиција на нерв на пациент од земјата.
Оваа комплексна техника ја изведе искусен хируршки тим под водство на професор Мазен Тамими од САД, роден во Јордан.
Интервенцијата се изведе во присуство и во приватната специјалистичка ординација на реномираниот орален хирург и имплантолог од овие простори – Дијана Бојковска. Пациентот е во стабилна состојба, се чувствува добро, но претстои период на целосно заздравување по извршување на операцијата поради прилично атрофираната долна вилица.
Видеоприказ од интервенцијата ќе биде емитуван во рамките на меѓународниот имплантолошки конгрес, кој почнува денес во хотелот „Хилтон“ во Скопје, а ќе трае до 20 април. Напредната хируршка техника првпат ќе биде споделена со пошироката стручна јавност од земјата, но и од светот, бидејќи на конгресот ќе учествуваат врвни стоматолози, орални и максилофацијални хирурзи од четири континенти.
Дигитализација во стоматологијата и новите трендови во имплантологијата се дел од темите што ќе бидат во центарот на вниманието на овој конгрес. Конгресот предвидува теоретски, практичен дел и презентирање напредна хируршка техника во делот на имплантологијата.
Еминентни стоматолози специјалисти од Македонија исто така ќе земат активно учество на конгресот: д-р Митко Франгов, орален хирург и меѓународно лиценциран имплантолог, д-р Златко Вршковски, максилофацијален хирург и меѓународно лиценциран имплантолог, д-р Недим Касами, максилофацијален хирург и имплантолог, д-р Петар Вршковски, орален хирург и имплантолог, д-р Дијана Бојковска, орален хирург и имплантолог.
Во Македонија првпат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME – европски кредит-поени.