Македонија
За Фрчкоски проблематични се избирачките списоци
Љубомир Фрчкоски, претседателскиот кандидат на СДСМ, смета дека дамка на изборите, кои ги оцени како мирни и слободни, може да остават избирачките списоци
Љубомир Фрчкоски на вчерашната средба со новинарите ја повтори својата оценка дека Македонија е изолирана земја, а како што рече и клучните луѓе од надвор ја дефинираат Македонија како изолирана. Според него, тоа ќе продолжи и во периодот што следува.„Дали ќе прифатиме или не, тоа е реалност и мора да се соочиме со изолираноста за да може да понудиме проект и излезна стратегија, а бевме оценувани дека шириме песимистичко сценарио и страв. Тоа е опасно, посебно затоа што власта нема решение за влез во НАТО, туку зборува за европски вредности кои се необврзни тези што може ќе продолжат уште десетина години и да не се случи ништо сериозно“, рече Фрчкоски.Втор проблем кој се заканува на Македонија, според Фрчкоски, е што владејачката партија не зборува за македонската перспектива, бидејќи нема решение за проблемите, а најмногу во спорот за името со Грција. Фрчкоски смета дека тужбата кон јужниот сосед има правна основа, но нејзиното покренување во ноември е политички гест. Според него, Македонија требало да тужи по Самитот на НАТО во Букурешт.„Соседите ни се проблем во смисла дека сме на најниско ниво на односи со нив. Бугарската теза е дека сакаат да не видат во НАТО и ЕУ, но имаат разбирање и за грчката страна. Македонија тактизира со воспоставувањето дипломатски односи со Косово. Тоа треба да биде чекор на стабилизирање на релациите, а не предмет на тактизирање или предизборни рејтинзи“, рече Фрчкоски. Претседателскиот кандидат апелираше до Владата веднаш да преземе мерки околу воспоставувањето дипломатски односи со Косово, затоа што Македонија од тоа ќе има огромна економска корист.Избирачките списоци, според Фрчкоски, се дамката на овие претседателски и локални избори. Нереалните бројки, фантомските личности со право на глас, ќе бидат забележани во извештаите на меѓународните набљудувачи.„Има лица кои се на списокот, а не се во можност да гласаат, кои се во странство или не се веќе меѓу живите, затоа наместо нив со манипулации може да гласа некој друг. Дали тоа се случува во моментов не можам да тврдам, но станува збор за 200 илјади луѓе кои само прават цензус што е проблем“, додаде Фрчкоски.На новинарско прашање, од кого очекува поддршка во вториот круг, Фрчкоски рече дека ќе се обиде да ја добие од сите кандидати кои имаат исти позиции за брзо решавање на спорот со името и влез во НАТО и ЕУ. Тој повторно спомна дека веќе остварил средби со некои од нив, но не кажа со кого точно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.