Македонија
Тепачка на средношколци во Струга
Шипки, палки, ножеви и други остри предмети употребиле средношколците од два класа од втора година од Средното општинско училиште “Ибраим Темо“ од Струга денес претпладне во масовната тепачка која се случила на само 500 метри одалеченост од училишната зграда
Очевидци, кои не сакаа да зборуваат јавно, велат дека во тепачката која се случила во центарот на градот учествувале околу 60-тина ученици македонци и албанци. Директорот на “Ибраим Темо“, Муса Мусаи, рече дека денешниот настан е удар за целокупниот образовен систем во Струга. “Учениците од втора единаесет со настава на албански јазик и учениците од второ три со настава на македонски наставен јазик денес влегоа во конфликт и тоа надвор од училиштето. Има повредени од тврди предмети, со шипки и друго. Јас сега доаѓам од болница и навистина ми е жал за учениците кои страдаат на ваков начин. Ги осудувам сторителите, бидејќи учениците редовно доаѓаа на настава во изминатиов период, но некој сигурно се меша“, вели Мусаи.Тој најави дека ќе бара одговорност како од учениците така и од професорите кои најдиректно се одговорни за безбедноста на учениците.“Слушнавме дека имало тепачка. Имало тепачка да, не сакам да зборувам. Утринава беше тепачката? Поголема група на ученици“, се само дел од коментарите на учениците. Во струшката болница веднаш по тепачката беа префрлени тројца ученици. Едниот од нив е задржан на лекување поради сериозноста на повредите, информираше за Супер радио дежурниот хирург Никола Лекоски.“Удрено е по главата наводно со метална шипка, се гледаат удари од тврд предмет веројатно метален. Има слупување на кожата и некои крвни подливи. Кај него направена е рендген снимка не се гледаат некои посериозни повреди или скршеници и е пуштено на домашно лекување. Третиот е малку потешко повредено има крварење од носот и скршеница на носната коска направен е рендген предмет препорачана е и комјутеризирана томографија која се уште не е направена и задржан е нашето одделение”, вели Никола Лекоски, дежурен хирург. Од полицијата во Струга за Супер радио изјавија дека во полициската станица биле приведени тројца ученици и дека во текот на денот ќе бидат приведении и други ученици кој учествувале во инцидентот. Од таму рекоа дека бројката на повредени била многу поголема од бројот на пријавени случаи во болницата. Инаку во ова средно училиште наставата се одвива во мешани етнички смени, за разлика од соседното “Нико Нестор“ каде од пред еден месец по неколку неделните преговори наставата се одвива во чисти етнички смени. И во двете училишта на неколку пат изминативе две години имаше посериозни инциденти во кои беа повредени десеттина млади луѓе.
Средношколци македонци и албанци повторно се степаа во Струга
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митрески: Ги зголемуваме субвенциите за енергија на 120 илјади денари за домаќинства, ранливите потрошувачи ќе добијат поголема поддршка
„Енергетската независност на Македонија е значаен приоритет за СДСМ и за Коалицијата за европска Макединија. И во време на најголемата енергетска криза, граѓаните не го почуствуваа недостатокот на светскиот пазар, затоа што водевме мудри политики и обезбедивме енергија за целата држава. Во наредниот мандат гарантираме зголемување на вкупното домашно производство на енергија за најмалку 70 проценти во однос на 2019 година, со што ќе бидеме енергетски независни“, изјави Јован Митрески, носител на ИЕ 5 за СДСМ и Коалицијата за европска Македонија.
Тој најави дека во наредниот мандат ќе биде зголемен капацитетот на обновливи извори на енергија за најмалку 100 проценти, а еден милион граѓани ќе добиваат енергија од обновливи извори.
„Ги зголемуваме субвенциите од 80 илјади на 120 илјади денари за домаќинства, ги зголемуваме мерките за заштита на правата на ранливите потрошувачи на енергија. Воведуваме забрана за изградба на нови мали хидроцентрали“, додаде тој.
Митрески најави и дека ќе продолжи поддршката на бизнисите, преку 180 милиони евра директна финансиска поддршка на домашните компании за инвестиции во производството и 3,5 милијарди капитални инвестиции и гарантираме стабилна даночна политика.
„Воведуваме 0 проценти данок на личен доход за минимална плата, како и по 200 евра за во првите 12 месеци за секое прво вработувањ на лица до 26 години. Планираме инвестиции од над 2,7 милијарди евра, за модернизација на инфраструктурата во сите општини, квалитетна инфраструктура е предуслов за растечка економија и повисок животен стандард“, додаде Митрески.
Македонија
Сајкоски: Во програмата „Платформа 1198“ за Битола предвидено е изградба на обиколница што ќе ја поврзува со Грција
Битола и битолчани ќе бидат во фокусот на идната влада предводена од ВМРО-ДПМНЕ.
За Битола се предвидени многу инфраструктурни проекти. Во новата програма „Платформа 1198“ за Битола е предвидено да се изгради обиколница што ќе ја поврзува со Грција. Предвидено е да се изгради автопат кој што ќе поврзува Битола со Прилеп, а исто така предвидено е да се изгради патот Градско-Прилеп, со тоа што Битола ќе биде поврзана инфраструктурно и ќе има добра можност за економски развој, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Исто така, додаде Сајкоски, предвидено е реконструкција и рехабилитација на патот Кичево-Охрид, подобрување на патната инфраструктура кон Ресен, а во програмата на ВМРО-ДПМНЕ „Платформа 1198“ предвидено е подобрување на железничката инфраструктура.
Како што рече Сајкоски, со ова, Битола ќе добие можност за економски раст и развој, можност за подобра иднина на сите, и за младите и за возрасните.
– Битола ќе го добие процутот онаков каков што треба да го има низ годините. Битола ќе биде економски центар во регионот, рече Сајкоски.
Македонија
Ковачки: Со Платформата 1198 ќе го развиваме истокот на Македонија, изградба на Клиничката болница и обиколница во Штип како и поврзување со Струмица
Полека се враќа ентузијазмот кај нашите граѓани, сите се приклучуваат на идејата за Твоја Македонија и сите ни се приклучуваат на ВМРО-ДПМНЕ. Со Платформата 1198 планираме да го развиваме истокот на Република Македонија, планираме изградба на Клиничката болница во Штип, планираме обиколница околу нашиот Штип и секако планираме физибилити студија, изработка на проект за поврзување на Штип со Струмица. Како што работи успешно нашиот градоначалник во Штип, така планираме да работиме и ние на централно ниво, рече Драган Ковачки, член на ИК на ВМРО-ДПМНЕ и носител на Изборна единица 3.
– Ги повикувам сите граѓани масовно да ни се приклучат на 24 април да го дадат својот глас за број 2 за Гордана Силјановска Давкова да биде претседател на Македонија, а потоа на 8 мај за Христијан Мицкоски и во Изборна единица 3 да освоиме една голема победа за ВМРО-ДПМНЕ и за Република Македонија, рече Ковачки на средба со граѓаните.