Македонија
Сензација или лага: Пронајдена гробницата на Александар Македонски?
При реконструкција на граничниот премин Вишје, меѓу Македонија и Грција, градежните работници, за време на својата работа ја пронашле гробницата на Александар Македонски, објавува cityмagazine.rs
Сензационалната информација на директорот на Заводот за заштита на историски споменици, Паско Кузман ја карактеризираше како груб фалсификат и подметнување од страна на лица и медиуми од соседната држава Србија. Претставници на Министерството за култура велат дека информацијата е сосема измислена и дека се измислени и лицата со кои наводно е разговарано. Меѓутоа, српската веб страна како автор на веста се повикува на македонска агенција МакПрес. Претпоставувјќи дека тоа се закопани турски богатства, багеристот , Ангел Трајковски, продолжил да го расчистува теренот, па за речиси два часа наишле на мермерна површина долга триесет метри, а широка четириесет, додека другиот дел се’ уште се наоѓал под земја. Како што копал багерот се подлабоко, на околу четири метри длабочина пронајден е влезот од гробницата на Александар. На теренот веднаш излезе и директорот на Генералниот инспекторат на Република Македонија, Гоце Мицевски, а набрзо по него и две екипи со археолози од Народниот музеј на Скопје. Набрзо е утврдено дека тоа е тунел кој води до брдото Бојчик. Должината на тунелот е сто и четириесет метри, а ѕидовите се направени од црни мермерни плочи со дебелина од околу еден метар. За да биде уште поинтересно, екипите на археолозите на крајот од ходникот ги пречекал огромен блок од камен совршено вклопен во рабовите во ходникот.
На блокот е врежана слика од богот Аполон и на јонски дијалект, на старогрчки јазик, напишано е Хипербореја (грч. Υπερβορεία). Според тоа тврдат дека пронашле нешто значајно. Тоа што е пронајдено таму најверојатно ќе биде иницијатива за ново поглавје во историјата. Во внатрешноста откриена е втора просторија, за која многу брзо се открило дека е гробницата на Александар Македонски. Сместена е точно под брдото Бојчик. Ѕидовите како и ходникот се направени од блокови кои се прекриени со мозаици од времето на Александар. Покрај тоа, во внатрешноста постојат и осум столбови, носачи на ликот на богот Атлас, кој во рацете држи каријатида. Во центарот на просторијата се наоѓа плоча на која е изрежано, исто така, на јонски дијалект од старогрчки јазик, Мегас Александрос (грч. Μέγας Aλέξανδρος), или како што е познато во цел свет, Александар Велики.
Во гробницата се пронајдени коски и остатоци од луѓе за кои се претпоставува дека биле од александровата војска. Се претпоставува дека тие луѓе биле живи оставени во гробницата, за од внатре да го турнат камениот блок за да се затворат. Експертите на Народниот музеј во Скопје изјавија дека е пронајден доста добро сочуван скелет со полна воена опрема и златно бронзен оклоп со штит и меч на кој е вржано Александар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Сајкоски од Битола: Платформата 1198 се обврзува на 150 милиони евра за поддршка на домашното стопанство
„Битола е на највисоко ниво на агендата што ќе ја предводи владата на ВМРО-ДПМНЕ во следниот период. Битола ќе добие економски развој, Битола ќе добие нова инфраструктурна мрежа. За Битола се предвидени голем број на инвестиции“, кажа Ѓорѓија Сајкоски, генерален секретар на ВМРО-ДПМНЕ и носител на изборна единица 5.
„Денеска бевме во посета на стопанствениците во Битола од кои што слушнавме и со кои што разговаравме за проблемите со кои што се соочуваат.
Ние како луѓе кои што ќе работиме во идната влада која што ќе ја предводи Македонија сакаме да им изразиме гаранција дека ќе приоѓаме кон секој нивни проблем, ќе работиме за решавање на секој нивен проблем.
Исто така заедно со градоначалникот укажавме на компаниите и на стопанствениците дека и локалната самоуправа стои на располагање на битолското стопанство.
Укажуваме дека идната влада предводена од ВМРО-ДПМНЕ ќе инвестира 150 милиони евра во стопанството. Ова е начин да се помогне стопанството, да се помогне да не се иселуваат луѓето, да го подобриме квалитетот на живот, и да имаме подобар живот и во Битола и во цел наш регион“, соопшти Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Македонија
Тренчевска: Најемотивна сум кога зборувам со пензионерите, креаторите на државата денес
Коносителката на листата за пратеници на Изборна единица 4 од Социјалдемократскиот сојуз на Македонија, Јованка Тренчевска денес им се обрати на пензионерите во Општина Струмица и ја објасни изборната програма на која според неа столб е грижата за пензионерите.
„Да се потсетиме на се она што го имаме направено за вас пензионерите и да ве информираме за се она кое се обврзуваме како партија во наредниот период. Како помлади генерации сме обврзани да ви обезбедиме спокојни пензионерски денови, затоа во изминатиот период ја донесовме методологијата со која гарантираме постојан раст на пензиите. Пред нашиот мандат најниската пензија која изнесуваше околу 8000 денари, денес е покачена на скоро 14.000 денари“ изјави Тренчевска.
Таа посочи дека покрај континуираното покачување на пензиите продолжува да се исплаќа и финансиската поддршка која е директно на терет на буџетот на Министерството за труд и социјална политика и дека истата не ја загрозува исплата на пензиите.
„Најголем дел од вас се сеќаваат дека ги добивавте пензиите во 6 групи на пензионери, затоа што системот на пензиско и инвалидско осигурување на бил стабилен. Денес сите вие секој први во месецот пензиите ги имате на вашите сметки, системот е стабилен и гарантира долгорочна сигурност“ истакна Тренчевска.
Таа рече дека никогаш повеќе нема да дозволи фондот да биде нестабилен, затоа што сите предвидени мерки и политики кои се предвидуваат не се на терет на фондот, туку ќе бидат на централниот буџет.
„Се обврзуваме на минимална пензија од 20.000 денари и просечна пензија од 30.000 денари. Воведуваме новогодишен пакет за секој пензионер во висина од 6000 денари како, картичка за пензионерите со попуст од 30% на прехранбени производи како и изградба на најмалку 12 нови домови за стари лица“ рече Тренчевска.
Македонија
Костадиновска-Стојчевска: Како што ветив, платите се за 12% повисоки за културните работници
Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.
„Како што ветив, платите на културните работници од денеска се покачени за 12 проценти.
Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.
Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.
„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.
Таа, како предизборна игранка и манипулација ги оцени реакциите и протестите на СКРМ.
Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.
Пред две недели од Министерството за култура кажаа дека нема промени во општиот колективен договор, ниту во колективниот договор на Синдикатот за култура. Единствена промена била внесувањето на минималната плата во диспозитивот на договорот.