Македонија
И Пендаровски како Црвенковски ги навредува селаните
Стево Пендаровски да се извини на мариовци оти како и неговиот поранешен шеф Бранко Црвенковски се потсмева со македонските села во последната колумна побараа денеска месните заедници на Витолиште, Дуње, Рожден и Могила.
Пендаровски во денешната колумна во еден од дневните весници пишува за штетноста на „високата политика од Мариово“, на што денеска реагираат повеќе села од мариовскиот крај, како и невладината организација Сфера, која ги организира Мариовско – мегленските средби.„Пендароски прво нека дојде во Мариово, па после нека пишува со цинизам за нашиот крај. Нека научи прво да покаже каде е Мариово на картата, а после нека упатува навреди дека ние не сме достојни за неговата висока политика. Мариово се постела на територијата на општините Прилеп, Кавадарци и Битола“, револтирано говорат претседателите на трите месни заедници.Тие во соопштението до јавноста го истакнуваат значењето на Мариово низ македонската историја и велат дека не заслужуваат некој да го потценува нивниот крај.„За нас е важна секоја педа земја и секое село. Без таа педа земја Македонија не може да постигне ништо во меѓународната политика. Пендароски беше долги години претседател на ДИК, а неговата плата беше 60.000 денари односно 1.000 евра. Имаше привилегии кои ние ги плаќавме преку даноците. Како екс претседател на ДИК, тој треба добро да знае дека секое село и секој мал град е составен дел од Македонија, кој треба да се сака и почитува“, се вели во дописот.Тие посочуваат дека досега Мариово го посетиле речиси сите амбасадори и дека сите тие биле восхитени од убавината на овој регион.„Единствено добиваме презир од советникот на Црвенковски кој видел само аир и луксуз од нашите даноци. Дали тоа што пред десетина дена поголем дел од дипломатскиот кор во Република Македонија го посетија Мариово со велосипеди е штетно и погрешно за меѓународната политика, или и тие не ја разбираат високата политика?“, прашуваат претседателите на Витолиште, Дуње и Рожден.На колумната на поранешниот советник на Црвенковски реагираат и од Могила, тие со ваквите изјави на поранешни фисоки државни функционери велат дека се чувствуваат како граѓани од втор ред.„Во денешната колумна директно ги навредува Могила и Мариово. Повторно ги читаме истите навреди кон селата и руралните краеви како Могила и Мариово. Пендаровски вели дека според него во глобалниот и динамичен свет е недозволиво да се објаснува висока политика во Могила или Мариово. Селата не ги заслужуваат овие навреди. Потсмевањето со македонските села стана навика на Бранко Црвенковски. Дали ако сме селани, ние сме граѓани од втор ред? Дали има теми за кои ние не смееме да дискутираме затоа што сме од малите места? “, прашуваат од месната заедница Могила.Оттаму се лути на тоа што, Пендарвоски не го почитува тоа што како функционер платата ја земал токму од пари кои ги обезбедуваат селата.„За да може тој како советник на Црвенковски да тера висока политика, ние сеевме жито, садевме тутун, одгледувавме сончогледи и шеќерна репа. Истовремено, нашите деца ги школуваме, но ги одгледавме да не се срамат дека се од Могила. Потценувањето од советникот на Црвенковски е само најнова епизода во неговата ароганција и навредите кон сите села во Македонија. За нив, ние сме анти – европски селани кои не се достојни за високата политика на советникот Црвенковски. Прво беше Паљурци како метафора за сите села, а денес тоа се Могила и Мариово. Нека не кажуваат дека мислеле фигуративно, затоа што повторувањето на навредите кон селата и нивната ароганција уште еднаш се потврдија“, пишува во соопштението од месната заедница Могила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.