МАКФАКС

Туск следната недела во Македонија

Туск следната недела во Македонија
29.03.2017, 14:31

 

Претседателот на Европскиот совет, Доналд Туск, следната недела ќе ја посети Република Македонија, пренесува МИА. Повод за посетата на првиот човек на Евросоветот е мигрантската криза, улогата на Македонија во справувањето со неа, како и политичката состојба во македонската држава.

 

Посетата на Туск на Македонија ќе се случи во пресрет на се почестите предупредувања од нов бран бегалци, а како последица на се посилните тензии меѓу ЕУ и Турција и заканите за раскин на договорот за мигрантите. Најавите од страна на турскиот претседател Реџеп Таип Ердоган за прекин на приемот на мигранти, претставуваат голема закана за Европа и пред се за балканските држави, што е причина за аларм во ЕУ.

 

Ова ќе биде трета посета за две години на Доналд Туск на Македонија, а како и на претходните две гостувања, и овојпат домаќин на Туск во Скопје ќе биде Иванов./крај/мф

Поврзани написи

Макфакс е-билтен

Email *