Надворешна политика
Вајгл: Поддршката на Резолуцијата за Македонија значи интерес за земјата да го продолжи европскиот пат
Убедливото гласање за Резолуцијата за Република Македонија на денешниот состанок на Комитетот за надворешни работи на Европскиот парламент (АФЕТ) е израз на интерес за Македонија да продолжи на европскиот пат и поддршка за политичка и економска стабилизација, порача известувачот за македонската држава во Европскиот парламент, Иво Вајгл во изјава за МИА по денешното гласање.
Со 54 гласа за и само осум против, како што јавува дописникот на МИА од Брисел, т.н. АФЕТ-комитет со убедливо мнозинство гласаше за Резолуцијата, усвојувајќи ги сите 28 компромисни амандмани (во однос на вкупно 318-те поднесени), при што во истите се содржат и термини „Македонија“, „македонски“ и сл.
„Јас сум многу задоволен што оваа Резолуција беше изгласана со дури и многу поголемо мнозинство во однос на изминатите години. Тоа треба да се разбере како израз на интерес за Македонија да продолжи на европскиот пат, но истовремено и поддршка за политичка и економска стабилизација и воопшто на состојбата во Македонија. Интересно е дека и некои традиционално критички европратеници од соседните земји овојпат не учествуваа активно и не настојуваа да бидат негативни, туку напротив беа конструктивни во сите разговори што ги водевме пред конечното формулирање на оваа Резолуција“, вели Вајгл во изјава за МИА.
Известувачот за Македонија и европратеник од Словенија, подвлече дека гласањето за македонската Резолуција значи и поддршка за земјата во најкус можен рок да добие Влада, а по парламентарните избори на 11 декември минатата година.
„Мислам дека денешното гласање треба да се разбере и како поддршка на нашето очекување дека Македонија во најкус можен рок ќе добие Влада и ќе продолжи на патот на реформите“, додаде Иво Вајгл.
Конечното изгласување на Резолуцијата на Европскиот парламент за Република Македонија ќе се случи на пленарна седница на ЕП во Стразбур, кога целиот состав на Европарламентот од 751 пратеник ќе го даде својот глас./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.