Надворешна политика
Попоски: Во Македонија се чуствува фрустрацијата поради задоцнетата интеграција во НАТО и преговорите со ЕУ
Најчесто тензиите во Западен Балкан се поврзани поради недостигот од интеграција во ЕУ и НАТО, и веројатно најголемата гаранција за стабилност е доколку сите земји се дел од ЕУ и сите кои сакаат да бидат дел од НАТО да го постигнат тоа, вели шефот на македонската дипломатија Никола Попоски во интервју за хрватската телевизија HRT.
„Македонија не се издвојува од останатите земји, но се чувствува фрустрација поради задоцнетата интегарција во НАТО, која требаше да се случи во 2008-та година и фактот што Македонија нема преговори со ЕУ од 2009-та година. Со Хрватска имаме одлична билатерална поддршка, Хрватска е во подобра позиција од мнозинството земји членки на ЕУ и НАТО бидејќи неодамна го помина процесот, знае кои се предизвиците но и придобивките од членството. Хрватска е можеби најдобар гласноговорник во ЕУ за тоа колку е корисно да се водат преговори за членство во ЕУ“, вели Попоски во интервјуто.
Според Попоски, економската димензија е најголем мотиватор за брза стабилизација и решавање на политичакта криза во земјата. „Веројатно политичката криза го забави економскиот раст кој и пред тоа беше меѓу најдобрите во регионот, се уште е добар но веројатно најдобро би било кризата да се реши. Еден дел, односно главниот дел од решавањето на кризата се успешно спроведените парламентарните избори во декември. Тоа беше предуслов за политичкиот договор кој го постигнавме, но сега тешко е да се прогнозира кога и во каква форма ќе се формира влада и дали ќе се одлучиме за повторни избори. Праксата покажа дека најдобро е да се има влада со политички мандат која може да носи одлуки и врз основа на одлуките проценувате колку е успешна“, додава Попоски.
Запрашан околу тоа зошто владата на поранешниот премиер Никола Груевски постојано се напаѓа за своето работење, Попоски вели дека треба реално да се гледа на работите и дека „владата предводена од Никола Груевски успеала да направи најдобри економски резултати и реформи“.
„Владата предводена од Никола Груевски успеа да направи најдобри економски резултати, да направи реформи, доби шест или седум препораки за почеток на преговорите со ЕУ, и по 2008-та за првпат да ја донесе земјата во ситуација во која сите услови за членство во НАТО се постигнати. Доколку не била успешна, доколку немало доволно демократски процеси кои овозможувале да се напредува во тоа, тогаш како сме ги добиле тие препораки и како сме стигнале во ситуација уште во 2009-та се исполнети сите услови за почеток на преговорите со ЕУ. Треба да видиме што е причина а што последица, дали доколку тогаш се затвореше прашањето и Македонија беше во НАТО и ги започнеше преговорите со ЕУ, дали сега ќе се најдевме во таква тешка политичка криза“, заклучи Попоски во интервјуто./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.