Надворешна политика
Русија со критики до ЕУ поради односот кон Македонија
Рускиот амбасадор при Европската унија (ЕУ), Владимир Чижов упатил критики кон Европската комисија (ЕК) поради поддршката за формирањето на влада предводена од СДСМ и лидерот Зоран Заев заедно со албанските партии и прифаќањето на ткн „Албанска платформа“, пренесува EurActiv.
Според Чижов, кога тој ги чита соопштенијата од страна на високите претставници на ЕУ, како што е претседателот на Европскиот совет Доналд Туск, во кои се споменува мешањето однадвор во внатрешните работи на Македонија, тоа го разбира како „израз на самокритика“ на Туск.
„Кога комесарот Хан се обраќа до македонскиот претседател, говорејќи му дека не треба да се меша во уставниот процес во својата земја, јас се прашувам дали не е тој претседател шеф на државата и гарант на Уставот?“, рекол рускиот дипломат.
Тој додал дека Охридскиот договор од 2001-та година, со кои завршени судирите помеѓу македонските безбедносни сили и ткн Ослободителна национална армија на македонските Албанци, бил издејствуван од страна на „неговиот стар добар другар Хавиер Солана“
Рускиот амбасадор додал дека го предупредил Солана на можноста од опасност на овој договор со кој се уредени правата на македонските Албанци. „Всушност, го прашав дали би го следел тој пример и на Балтикот, но не добив некој одговор“, рекол тој.
Чижов рекол дека албанските партии „биле повикани во Тирана, во канцеларијата на албанскиот премиер“ и „го потпишале тоа што сега се говори како Албанска платформа, а што ќе ги прошири правата на албанското малцинство до ниво кое во други земји може да се спореди со федерална структура“.
„Лидерот на опозицијата Заев ја прифати оваа платформа, која е спротивна на македонскиот Устав. ЕУ го занемари сето тоа, говорејќи дека оваа коалиција има 67 од 120 пратеничка места, така што тој треба да биде премиер и процесот треба да се движи во тој правец“, навел рускиот дипломат, додавајќи дека македонскиот претседател Ѓорге Иванов не можел да го прифати тоа и дека во случајот ЕУ треба да има далеку попозитивна улога./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.