Македонија
Обвинителите на Јанева се заколнаа, од понеделник почнуваат со работа
Тимот од 12 помошници обвинители на специјалната јавна обвинителка, Катица Јанева, во четврток даде свечена обврска пред Советот на јавните обвинители и се заколнаа дека ќе работат во согласност со Уставот и Законите.
На заклетвата присуствуваше и Јанева, која најави дека од понеделник таа и нејзиниот тим започнуваат со активна работа, односно ќе се обратат до институциите и ќе ги побараат предметите. Советот на јавни обвинители во средата наместо уште седум избра уште пет помошници јавни обвинители. Јанева изјави дека заедно со Советот и со тимот одлучиле наместо седум да бидат предложени уште пет помошници јавни обвинители.Јанева не одговори конкретно на речиси ниедно новинарско прашање, и изјавуваше дека за се јавноста ќе биде благовремено информирана. Не ја коментираше ниту вчерашната одлука на Кривичниот совет, прислушуваните материјали да се отфрлат како неосновани докази, а не соопшти ниту дали случајот „Пуч“ во којшто е обвинет лидерот на СДСМ, Зоран Заев ќе биде дел од нејзините предмети. Својот тим го опиша како спој на младост и искуство и рече „добив личности кои знам дека можат да одговорат на предизвикот“. Тие сами ќе си изберат соработници, секој обвинител ќе има по двајца истражители и двајца стручни соработници. Наскоро треба да стигнат парите за работата на Обвинителството и објектот каде што ќе функционира.
Јанева најави дека ќе се обиде да ги врати во државата парите за кои постои сомнение дека се украдени.На новинарското прашање да открие каква постапка се водела против нејзе во судот во Велес, Јанева потврди дека против нејзе се водела постапка, но рече дека за тоа ќе зборува во друга прилика.
Претседателот на Советот на јавни обвинители, Петар Аневски, кој до крајот инсистираше на ставот дека на Јаневска ѝ се доволни седум обвинители и дека не работат под диктат на политичките партии, по изгласувањето на дополнителните пет обвинители рече дека !Советот донел поинаква одлука од претходно, затоа што во барањето имало дополнувања и појаснувања кои биле прифатливи за нив“.„Ние не се премисливме, меѓутоа имавме повеќе средби со јавниот обвинител Катица Јанева и во последниот допис, мислам дека во друга прилика имам објаснето детали од него, кажува дека оние лица кои учествувале во работење на одредени предмети, претходно, значи во Основното јавно обвинителство Скопје, и евентуално доколку се појави конфликт на интереси, тие веднаш да видат заменети со други јавни обвинители, значи нема да бидат истите јавни обвинители, натаму има наведено повеќе точки, меѓутоа за Советот беа прифатливи“, рече АневскиВо тимот на Јанева се обвинителите Бурим Рустеми, Елизабета Јосифовска, Лејла Кадриу, Љубомир Лапе, Марија Ѓорѓева, Стевчо Донев и Фатим Фетаи, Гаврил Бубевски, Ленче Ристовска, Трајче Пеливанов, Артан Ајро и Лиле Стефанова. Не беа избрани обвинителите Дарко Јакимовски и Снежана Бундалевска од скопското јавно обвинителство, за кои Јанева рече дека ќе бидат на посебна листа и доколку има потреба ќе бидат дополнување на тимот.Специјалното јавно обвинителство ќе биде сместено во поранешната зграда на Агенцијата за спорт и млади во Скопје., а наскоро треба да легнат и парите за работа на ова обвинителство./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гласањето на затворениците и болните се одвива без проблеми, велат од ДИК
Денес, 2.569 гласачи своето право на глас ќе можат да го остварат во 31 гласачко место во ДКП каде што се пријавиле да гласаат, а чии што пријави се прифатени од страна на Државната изборна комисија.
На гласачките места во 14 казнено поправни установи своето гласачко право денеска ќе можат да го остварат 2.147 гласачи. Сите гласачки места во казнено поправните установи се отворени утрово во 7 часот и гласањето таму ќе трае до 19 часот.
До овој момент гласањето тече без проблеми. Во текот на денешниот ден своето гласачко право во единствениот центар за внатрешно раселени лица ќе можат да го остварат и 2 гласачи кои се водат како внатрешно раселени.
Во текот на денешниот ден избирачките одбори во Република Северна Македонија ќе го спроведат гласањето на лица кои се болни или немоќни, а до општинските изборни комисии доставиле известувања со соодветна документација. Во своите домови гласачкото право ќе го остварат 6.935 граѓани кои се пријавиле како болни или немоќни.
Денес, 534 гласачи кои се сместени во 20 центри за вонсемејна грижа ќе имаат можност да го остварат своето право на глас во центарот каде што се сместени. Постои изразен интерес и за набљудување на овие избори од страна на домашни, странски и меѓународни организации и медиуми. Државната изборна комисија досега издаде акредитации за набљудување на 342 домашни, 517 странски и меѓународни набљудувачи, 51 преведувач и 32 странски новинари. На сите граѓани на располагање им се и интернет страницата на ДИК www.sec.mk, како и страниците на социјалните мрежи Фејсбук, X, Инстаграм како и каналот на Јутјуб, каде што ќе можат да најдат правовремени и точни информации поврзани со изборите.
Со право на глас на овие избори во Избирачкиот список се запишани вкупно 1.814.317 гласачи.
Македонија
Инспекторатот ќе контролира дали работодавците ја почитуваат владината одлука за неработен ден
Државниот пазарен инспекторат им укажува на сите работодавци дека во согласност со заклучокот на техничката Влада деновите на изборите – 24 април 2024 година (среда) и 8 мај 2024 година (среда) – се неработни за сите граѓани.
„Работодавците во наведените денови не треба да извршуваат дејност со исклучок на оние кај кои работните процеси поради својата природа не може да се прекинат“, порачаа од Инспекторатот.
За наведените денови, Државниот пазарен инспекторат ќе воведе дежурства и преку државните пазарни инспектори ќе контролира дали заклучокот на техничката Влада се почитува од страна на работодавците.
Македонија
ДИК објави упатство за гласање на претседателските избори
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство за гласање.
УПАТСТВО ЗА ГЛАСАЊЕ ЗА ПРЕТСЕДАТЕЛСКИ ИЗБОРИ
1. Гласањето се врши лично на гласачките места во Република Северна Македонија и во ДКП/КК.
2. Избирачкиот одбор на гласачите им го објаснува начинот на гласање и им овозможува да гласаат.
3. Гласачот може само еднаш да се појави на гласачкото место за остварување на своето избирачко право.
4. Гласачот го приложува документот за лична идентификација – важечка лична карта или патна исправа, односно лична
карта или патна исправа чија важност истекла во периодот од 24 јули 2023 до 24 април 2024 година.
5. Гласачот става отпечаток од показалецот од десната рака на уредот за биометриска идентификација, а доколку
гласачот нема десен показалец се зема отпечаток од показалецот од левата рака или во случај на гласачот да му
недостигаат овие два прста се зема отпечаток од наредниот прст од десната рака.
6. Доколку гласачот нема две раце гласачот се внесува во техничката опрема со пребарување преку неговиот единствен
матичен број (ЕМБГ).
7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во
електронскиот избирачки список, гласачот се внесува во УБИГ преку отчитување на личниот документ на МРЗ скенерот
или преку внесување на единствениот матичен број (ЕМБГ), а потоа гласачот става отпечаток од прст на УБИГ.
8. По потврдувањето на идентитетот, гласачот го става својот потпис во изводот од Избирачкиот список.
9. Гласачкото ливче се откинува од кочанот по нумерички редослед, му задолжително се става печат на предната страна
на местото определено за печат и потоа му се дава на гласачот.
10. Гласачот добива едно гласачко ливче.
11. Гласачот гласа сам, тајно зад гласачки параван.
12. Гласачот гласањето го врши на тој начин што го заокружува редниот број пред називот/името на листата со хемиско
пенкало со мастило во сина боја.
13. Превитканото гласачко ливче гласачот го става во гласачката кутија.
14. Гласачот го подигнува документот за лична идентификација.
15. Гласач кој има физички недостаток или е неписмен и поради тоа не може да гласа на начин утврден со Изборниот
законик, со себе има право да доведе лице кое ќе му помогне при гласањето. Ако не доведе со себе лице кое ќе му
помогне при гласањето, тогаш избирачкиот одбор ќе определи друго лице од редот на гласачите. Лицето не смее да
влијае врз одлуката на гласачот.
16. Забрането е семејното и групното гласање, како и гласањето за друго лице.
17. Забрането е фотографирање на гласачкото ливче со мобилен телефон или апарат за фотографирање.
18. Забрането е носење оружје на гласачкото место.