Македонија
Одбраната на Талески обвинува дека против него се води политичка хајка
Случајот „Транспортер“, што го отвори јавото обвинителство, против градоначалникот на Битола, Владимир Талески, е политички реваншизам со кој градоначалникот треба да се тргне од функцијата, рече адвокатот на Талески, Никола Додовски.
Во Апелациониот суд, во понеделник, се одржа јавна седница, на која се расправаше за жалбата што ја поднесе одбраната, за куќниот притвор на Талески.Во своето образложение, адвокатот Додовски побара да биде укинато решението, односно да биде укинат притворот и упати забелешка до Специјалното јавно обвинителство, бидејќи не им ги дало доказите, ниту на одбраната, ниту на судијата на претходна постапка. Тој до судот приложи написи од новинарите за тоа дека по распитот на Талески, СЈО доставило шест кутии со докази до судот.„Нема еднаквост меѓу одбраната и обвинителството, докази треба да бидат дадени на увид, но доказите не се доставени“’, рече Додовски.Според него, обвинителството не го почитувало правото на одбрана како и презумпцијата на невиност, водело јавна хајка против градоначалникот и на прес-конференциите искажувал осудителна пресуда за осомничените.Обвинителот од СЈО, Трајче Пеливанов, рече дека ниту одбраната, ниту судијата за време на распитот на Талески не ги побарале на увид доказите и тие ги доставиле по распитот, бидејќи така побарал судијата на претходна постапка.Тој рече дека ќе им бидат доставени доказите по распитот на осомничениот во фаза на постапката кога се бара тоа. Ова го негираше Додовски и рече дека доказите ги побарале на 9 јуни, но наместо доказите на 12 јуни добиле покана за одлучување за притвор.„Апсолутно објективно и професионално е постапувањето на СЈО и без оглед на функцијата што ја врши осомничениот нема ниту посебен, ниту привилегиран пристап кон него“, рече Пеливанов.Тој упати забелешки до Талески затоа што го напуштил судот уште пред судијката да донесе одлука за барање за притвор. На тоа реагираше Додовски и рече дека ниту Законот за кривична постапка, ниту судот ги обврзува осомничените да ја чекаат одлуката на судот. Талески веќе една седмица се наоѓа во куќен притвор, за овој случај кој се однесува на незаконското организирање на превоз на учениците во Битола.Јавната расправа во Апелацискиот суд заврши, се очекува следните денови судот да донесе одлука дали ќе биде укинат притворот на Талески./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лукаревска од Штип: СДСМ не е создаден за поделби, за кавги, за лаги и навреди, СДСМ е од граѓаните за граѓаните
„Пред нас се исклучително важни избори, можеби и најважни досега, важен е континуитетот. Зашто се покажа дека иднината на Македонија не ја разбираат сите исто. Некои ја разбираат како заробена држава, изолирана и без перспектива. Затоа е важно СДСМ и после овие избори да продолжи да ја води Македонија, после НАТО, во Европската Унија, како Македонци со македонски јазик по исправниот пат“, рече во Штип, Сања Лукаревска, носителка во третата ИЕ на СДСМ и Коалицијата за европска иднина.
„Ние не бегаме, ниту од одговорноста, ниту од народот, ниту од државата. СДСМ е силна, голема, одговорна партија која секогаш, без двоумење и калкулирање за сопствениот рејтинг, носела тешки одлуки во уште потешки околности. СДСМ не е создаден за поделби, за кавги, за лаги и навреди, за ниски удари. СДСМ е од граѓаните за граѓаните. СДСМ е избор на секој далековид човек, на секој кој ги почитува другите и разговара со сите. СДСМ, докажано, е партија која е тука кога е најтешко, и за земјата и за граѓаните“, рече Лукаревска.
„И овде, во Штип ќе повторам, драго ми е што успеавме граѓаните дури и да не насетат со колкава економска и енергетска криза се соочивме. Знам дека нашиот политички опонент тие кризи би ги спакувал во телевизиско шоу, наместо да ги решава. Има разлика.
Внимававме на сите граѓани, од тоа да задржат работните места, да добијат помош оние кои работат во приватниот сектор, непречено да тече исплатата на пензиите, социјалната помош, помошта за најранливите, ги зголемивме платите и пензиите.
И затоа ќе победиме. Штип на 24 април и на 8 мај ќе го направи најдобриот избор, за Стево Пендаровски и Социјал-демократскиот сојуз на Македонија.
Слободата и демократијата мора да останат да живеат во Македонија. Нема откажување од иднината“, рече Лукаревска вечерва пред граѓаните на Штип.
Македонија
(Видео) Понудата на Мицкоски за коалицирање е знак на слабост, рече Пендаровски
Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.
Македонија
Митрески од Струга: Младите не смеат да бидат жртви на политичари без став и без визија
„Во Струга ги реновиравме буквално сите училишта и спортски сали и изградивме три нови сали. Го реконструиравме затворениот пливачки базен, тројно ја покачивме минималната плата. Ги дуплиравме странските инвестиции. Ги зголемивме пензиите за над 50%, ги покачивме платите во сите сектори. Но, тоа не е доволно. Поминавме и поминуваме сериозни економски последици од Ковид кризата, но и од војната во Украина. Затоа ни е потребна ЕУ. За побрзо да ги донесеме европските стандарди дома“, порача Јован Митрески, носител на ИЕ 5 на СДСМ и Коалицијата за европска Македонија на вечерашниот собир во Струга.
Тој нагласи дека платите и пензиите ќе растат побрзо, инфраструктурно побрзо ќе се развиваме, туристичка сезона ќе има преку целата година, полесно ќе се развива езерскиот, планинскиот и руралниот туризам, само со поддршка на ЕУ.
Митрески додаде дека е лесно со шпекулаци да будиш најдлабоки чувства кај секој Македонец за мајчиниот македонски јазик, да зборуваш за македонскиот јазик како бугарски дијалект, а притоа да не гласаш за Договорот со ФРОНТЕКС, прв договор потпишан на македонски јазик со сите земји членки на ЕУ вклучувајќи ја и Бугарија.
„Лесно е само декларативно да велиш дека си за ЕУ, а да правиш се за да не станеш дел од ЕУ. Лесно е, ама не е чесно на граѓаните да им ја крадеш иднината за мали, ситни, бедни политички поени и борба за власт. Не вреди борбата за власт ако се загрози иднината на државата. Државата мора да оди напред. Не смееме да дозволиме младите да бидат жртва на политичари без став, без визија кои освен за својата фотелја и желба за власт не мислат на ништо друго“, нагласи Митрески и додаде дека изборот е или интеграција или изолација.
Тој ги повика стружани да се обединат и да не дозволат да се вратат оние кои ја доведоа Македонија до бездна и од неа направија заробена држава.
„Да застанеме сите обединето и сложно зад планот за европска Македонија. Да застанаме сите обединето и сложно зад бројот 1.Заедно и сложно да постигнеме уште една победа за европска Македонија“.