Македонија
Почувствуван нов земјотрес во Скопје
Потрес со магнитуда од 3,0 по Рихтер е почувствуван во 1,32 часот по локално време ноќта кон средата во Скопје, според францускиот Европско-медитеранскиот сеизмолошки центар (EMSC).
Според оваа првична информација, епицентарот на најновиот земјотрес кој ги вознемири жителите на македонската престолнина веќе трета ноќ по ред, е во пограничниот регион меѓу Македонија, Србија и Косово, на околу шест километри североисточно од Скопје, на длабочина од 5 километри.
Истовремено се смета дека овој потрес е дел од серијата од стотина земјотреси кои се регистрирани во Скопје и околината од првиот потрес во неделата наутро пред 7 часот до ноќта кон средата.
Ова е прв поголем потрес од вторникот утрото, кога единствено беше забележан земјотрес од 1,5 степени во 8,11 часот.
Последниот посилен потрес, кој ги вознемири граѓаните беше оној што се случи во 19.53 часот во понеделник, со јачина од четири Рихтерови степени и со епицентар на пет километри од Радишани. Тоа беше втор по јачина земјотрес по неделниот, кој беше со јачина од 5,3 Рихтерови степени, а по кој имаше серија од десетина земјотреси.
Сеизмолозите велат дека станува збор за афтершокови и оти никој не може да предвиди дали и кога ќе се случи друг земјотрес.
Првиот од низата беше регистриран во неделата во 7 часот со јачина од 4,4 степени според Рихтер. Најсилниот, пак, е регистриран истиот ден во 15,10 часот со магнитуда од 5,3 степени по Рихтер.
Во понеделникот вечерта во Скопје и околината беа почувствувани два последователни земјотреса во 19,53 часот, првиот со магнитуда од 2,4, а вториот од 4 степени според Рихтеровата скала.
Претходно во текот на денот, два потреса беа регистрирани во 11,50 и 14,19 часот со магнитуди од 2,3 и 3,7 степени според Рихтеровата скала.
Сите потреси се во скопското епицентрално подрачје.
Потресите предизвикаа помали материјални штети, имаше паднати оџаци и малтер, помали пукнатини. Градскиот штаб за заштита и спасување до вчера регистрирал оштетувања на 40 објекти. Претходно од ЦУК соопштија дека до вчера се пристигнати 300 пријави за штети од земјотресите.
Лекарска помош за помали повреди и скршеници побарале стотина граѓани, кои според здравствените работници се настанати поради паничното бегање, а не во самиот потрес./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.