Политика
СДСМ објави снимки за уривањето на објектот „Космос“ на Цановски
Во најновите објавени снимки од лидерот на СДСМ, се слуша, како што тврди Зоран Заев, како премиерот Никола Груевски нарачува кај министерот за транспорт и врски, Миле Јанакиески, да се урне објектот што го гради Фијат Цаноски, лидер на Партијата за европска иднина (ПЕИ).
Во најновите објавени снимки од лидерот на СДСМ, се слуша, како што тврди Зоран Заев, како премиерот Никола Груевски нарачува кај министерот за транспорт и врски, Миле Јанакиески, да се урне објектот што го гради Фијат Цаноски, лидер на Партијата за европска иднина (ПЕИ).
„Веднаш по изборите во 2011 година и по затворањето на А1 телевизија, по директна нарачка на Никола Груевски се урива објектот ’Космос’ на Фијат Цаноски. Целта е одмазда кон Цановски. Груевски лично ја контролира акцијата за уривање на објектот до земја. Груевски сугерира инсталации во судството, договара манипулации за да се оправда пред меѓународната заедница“, тврди Зоран Заев.
Тој објави телефонски разговор, како што истакна, меѓу премиерот Никола Груевски и министерот за транспорт и врски Миле Јанакиески, во кој премиерот наводно нарачува промена на урбанистичкиот план и кажува кога треба да се урива објектот „Космос“ на Фијат Цаноски.
Гласот за кој се тврди дека му припаѓа на Груевски смета дека најдобро на тој дел е да се предвиди и да се изгради парк.
Во друг разговор, Груевски му кажува на Јанакиески кој ден и да се изврши уривањето на „Космос“, па вели дека тоа треба да се случи на 1-ви август, бидејќи веќе започнуваат годишните одмори.
Во друг наводен разговор, министерот Јанакиески детално го известува премиерот за тоа како се одвива уривањето на објектот, дека тоа тешко оди, дека ангажирале тешка механизација, и дека имаат потешкотии затоа што многу бетон бил турен во првите три спрата.
На крај Груевски вели дека штом дел од објектот е урнат, а сето тоа го има на телевизиите, со експлозијата од динамит употребен за уривање, може да се прекине со натамошно уривање, затоа што ако Цаноски рекол дека повторно ќе гради, тогаш сам нека си урива.
Лидерот на СДСМ, Зоран Заев одговарајќи на новинарски прашања, рече дека поседува аудио снимка и за тоа што наводно „сè прифаќал премиерот Груевски за името на државата“, за гаснењето на А1 телевизија, за местењето на изборите, дека има снимки и од разговори на најмалку шест амбасадори од најважните амбасади, но дека сетоа тоа етапно ќе биде пласирано во јавноста.
„Дел од медумите не нè следат, па дури и МТВ која имаме законска обврска да пренесе наши ставови е една од причините поради кои одиме чекор по чекор. Втора работа е народот да го дознае, чекор по чекор, целото злосторство што му се случувало овие години. Кога ќе слушне до каде одел човекот, што се прифаќал ќе видите колку ни е загрозена и државата и народот“, рече Заев.
Лидерот на СДСМ потврдно договори на новинарско прашање дека прислушувани биле и фиксни телефони,а контролирани се и меил адреси.
Посочи дека се ќе биде објавено што е од јавен интерес и за македоснкиот блок политичари и за албанскиот.
И покрај најавите за тоа какви се снимки поседува ниеден лидер на партија досега не му се јавил на Заев да побара да биде изземен од јавно објавување на снимките кои се однесуваат на него./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.