Политика
Заев бара поддршка за стабилна и реформска влада
Коалицијата „За живот во Македонија“ предводена од СДСМ во саботата вечерта во Битола одржа митинг на кој лидерот на СДСМ, Зоран Заев побара поддршка за победа на претстојните парламентарни избори и за формирање на стабилна и реформска влада.
„Барам поддршка за чесно да работиме за Македонија, да оставиме печат и да покажеме дека Македонија може да биде земја за почит, земја со која ќе се гордееме, земја со власт заради народот. Во овој 21 век, ќе се бориме за повеќе пари во секое семејство, да растат пензиите, да има достоинствена социјална помош и социјална држава, да нема маргинализирани лица. Ако сме земја која што сака европска иднина, тогаш во Македонија ќе има европски вредности, Европа ќе ја донесеме тука и тогаш ќе станеме членка на Европската унија“, рече Заев.
Критикувајќи ги проектите што се реализирани во изминатиот период од страна на ВМРО-ДПМНЕ, Заев најави дека доколку победат уште во првите месеци ќе преземат конкретни мерки во повеќе сфери кои директно ќе влијаат врз квалитетот на животот на граѓаните.
„Ќе ја зголемиме социјалната помош од 2.500 на 12.000 денари за социјално најзагрозените да имаат достоинствен живот. Ќе ги зголемиме енергетските капацитети во државата, ќе инвестираме за да не увезуваме струја и да не трошиме по 180 милиони евра годишно за увоз на струја. РЕК Битола ќе продолжи да биде главниот енергетски производител во Македонија, но државата директно ќе инвестира во филтри, во еколошката заштита бидејќи не можеме да живееме со раст на болестите и карциномни заболувања. Ќе има новини во здравството и затоа ќе воведеме бесплатно болничко лекување за сите, рече Заев.
„Се радувам што гледам ваква масовност во Битола и морам да кажам вредеше. Бидете горди оти се боревте за нашиот народ, за нашата Македонија, за животот кој што ни го украдоа. Една мајка ми кажа врати ми го детето дома. Нема живот без деца, нема живот ваков каков што живееме. Еден пусти живот имаме. Ве повикувам да ја довршиме борбата. Режим паѓа, живот враќаме. Да го вратиме животот кој битолчани го живееја а заборавија да го живеат. Дозволете да си го дадам својот збор. Знаеме дека режимот паѓа, но тоа не е доволно. Луѓето очекуваат чесни политичари кои ќе ги водат. Јас сум Зоран Заев кој ги извади бомбите, маваше на овој режим се додека не го клекна. Е тоа е гаранцијата дека ќе бидам различен од Груевски и од сите други. Секој прес од проектот „Вистината за Македонија“ завршуваше со пораката „Никогаш повеќе да не се повтори“ – тоа е гаранцијата“,рече Заев.
Тој вети дека во првата година од новата власт предводена од СДСМ поддржувачите во борбата против овој режим ќе можете да кажат „Ете, видовте дека може и во Македонија“.
„Ви ветувам јавно уште во првата година ќе почувствуваат враќање на животот во Македонија. Главно е да ги вратиме парите назад кон граѓаните. Нема иднина со сиромаштија. Конечна цел ние вработен човек да има просечна плата од 500 евра. Овие бандити не само што ќе ги стигне правдата, не само што ќе одговараат пред независно судство, туку ќе ги вратат парите, зашто тие пари се украдени од вас. Знаат сите колку аздисана криминална власт ја води Македонија. Се прашуваме зошто уништувале цели семејства, новинари, објекти, зошто станале богови, а се долу за нив било раја? Кога не знаеш зошто, да знаеш дека пари се во прашање, велеше дедо ми. За пусти пари, за моќ, за власт Македонец удрил врз Македонец. Ова е модерно робовладетелско општество кое за пусти пари го продаде својот народ“, рече Заев.
Челникот на СДСМ рече уште дека е дојдено време „народот да ја спушти театарската завеса“.
„Доаѓа време да кажеме доста на овој режим на 11. декември. Заев најави инвестиции, заштита на работниците и К15 за работниците во РЕК Битола. Најави намалување на бројот на предмети во основното образование. Прва одлука на влада ќе биде укинување на екстерното тестирање.
„Го понижија спортистот. Што дека изградија сали? – рече Заев и најави спортски фонд, а рацете на политичарите надвор од фондот Сега кога знаеме се. Вие што сте овде сте донеле одлука. Што, не ви се закануваат вам? Ајде да ги повикаме да ни се приклучат и тие што се дома затоа што и тие имаат обврска кон Македонија. Се плашиме дека ќе изгубиме субвенции? Па татковината ја изгубивме. Знам дека ќе победиме, но ми треба поддршка за стабилна реформска влада за храбри одлуки. Барам поддршка не за 63 пратеници туку за сите жители на Македонија, да се обидеме да вратиме голем дел од заминатите од земјава. Да оставиме печат и да покажеме дека Македонија може да биде земја за почит, земја која што ќе постои заради народот и за ништо друго“. рече Заев. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Мицкоски: ВМРО-ДПМНЕ и Коалицијата ќе направат трансформација во Македонија, со „Платформа 1198“ ќе се решат проблемите на граѓаните
„Во очите на граѓаните има една желба да што побргу заврши сето ова кое што се случуваше шест и половина години. И да имаме еден почеток кој што ќе не води кон една иднина која што сите некако како да ја чекаат изминативе три децении, а никако да дојде“, истакна претседателот на ВМРО-ДПМНЕ, Христијан Мицкоски од митингот во Македонска Каменица.
„Можам да ви кажам од мое име, од името на ВМРО-ДПМНЕ и Коалицијата дека како никогаш порано како генерација политичари сме одлучни да направиме трансформација во Македонија. Трансформација со која што многу од работите кои што денеска се погрешни и создаваат фрустрација, на моменти лоша емоција кај некого, или пак не враќаат назад во времето ќе исчезнат, ќе се врати надежта, ќе се врати оптимизмот“, рече Мицкоски.
Мицкоски додаде дека ВМРО-ДПМНЕ и Гордана Силјановска Давкова ќе победат на 24-ти април, а на осми мај ќе се потврди победата со историски печат.
„Мора победата да биде изразена со мнозинство во Парламентот. Тоа значи дека мора да имаме 61 пратеник за да можеме сето ова кое што јас го зборувам сега да го спроведеме и реализираме. Ние не сме чудотворци, чудата се невозможни, секој оној кој што ветува чуда не ја говори вистината. Ние само сакаме да ја пренесеме вистината онаа која што ние ја чувствуваме, да ја слушнеме вистината која што е поврзана со секојдневието, со реалноста и врз основа на можностите сето тоа да го реализираме во следниот период“, појасни тој.
Тој посочи дека ВМРО-ДПМНЕ преку трибините кои што ги организираше во изминатиот период ја слушна вистината од граѓаните и нивните потреби. И огромен дел од тие потреби се содржани во изборната програма „Платформа 1198“.
„Бројка која што симболички сака да прикаже 1198 проекти, политики кои што во годините кои што следат ќе значат трансформација на Македонија“, укажа Мицкоски.
Мицкоски ги замоли граѓаните да излезат во помасовен број на избори за да се победи оваа актуелна власт која што Македонија ја уништи на секое можно поле.
„Пред шест и половина, седум години оние т.н. шарени, обоени револуционери низ Македонија ветуваа ќе донеле живот, потоа ветуваа дека ќе донесат едно општество за сите, но за жал ако се присетиме на тоа што го ветија и тоа што го реализираа тогаш ќе дојдеме до еден заклучок дека од тоа што ветија ништо не реализираа, а реализираа тоа што не ветија. Односно тоа што го ветуваа не го реализираа тоа што беше добро, а реализираа погрешно а тоа не го ветуваа“, потсети Мицкоски.
Затоа претседателот на ВМРО-ДПМНЕ, Христијан Мицкоски ги повика граѓаните на избори да го заокружат бројот 2, време е за подобра иднина на Македонија, време е за Македонија повторно твоја.
Македонија
Петровска: СДСМ вистински се грижи за животната средина, Шар Планина ја направивме национален парк
Носителката во шестата изборна единица на СДСМ и коалицијата За европска иднина Славјанка Петровска денеска учествуваше во еколошка акција во Гостивар.
Во изјава за медиумите по акцијата Петровска посочи дека борбата за здрава животна средина, за чист воздух и чиста вода за пиење, бара сеопфатен широк пристап.
,,Ние, во изминатите години го правевме токму тоа. Преку искористување на природните потенцијали и преку градење на одговорни мерки и политики Македонија ја претворивме во лидер во изградба на нови енергетски капацитети од обновливи извори на енергија.
За само две години, во државата имаме инсталирано 600 мегавати од обновливи извори на енергија, најмногу во фотонапонски централи. Донесовме конкретен, реален План за чист воздух со низа на краткорочни, долгорочни и мерки на среден рок, кој на годишно ниво доведе до намалување на аерозагадувањето во најзагрозените градови.
Она што е важно за овој регион е што нашиот бисер, нашата Шар Планина ја прогласивме за Национален парк со што исправивме една би рекла децениска неправда кон оваа природна убавина” порача Петровска.
Носителката Петровска најави дека СДСМ и во следниот мандат ќе продолжи со мерки и политики што ќе придонесат за заштита на животната средина.
,,Во нашата нова програма предвидена е набавка на опрема и изградба на регионални депонии и претоварни станици во Полошкиот регион со што ќе ставиме крај на уште еден деценински проблем на граѓаните од овој регион. За да ги заштитиме нашите реки, планини, шуми во заштитените подрачја, воведуваме забрана за изградба на нови мали хидроелектрани во заштитени подрачја и национални паркови. СДСМ и Коалицијата за европска иднина се гарант за заштита на животната средина и поквалитетен живот за сите граѓани во сите населени места. Планот за чиста животна средина нека биде мотив плус на 8 мај да дадеме поддршка на бројот еден” порача Петровска.
Кандидатката за пратеник Ема Нешкоска на прес конференцијатакажа дека заштитата на животната средина е уште една причина зошто ни треба побрза интеграција во ЕУ.,
,,СДСМ има јасна визија и цел, европските стандарди и квалитетот на живот да ги донесе дома, во Гостивар и низ цела Македонија. Важно е да продолжиме кон ЕУ, затоа што со влезот во Унијата, покрај останатите придобивки, се доближуваме и до политиките кои гарантираат почист воздух и почиста животна средина” посочи Нешкоска.