Македонија
Протестот против одлуките на претседателот продолжува
Во понеделник во 18 часот продолжува протестот на граѓаните против одлуката на претседателот Ѓорге Иванов да ги помилува сите политичари од дела кои се водат или ќе се водат против нив.
Изминатите пет дена, гласно кажавме дека нема да дозволиме крадците на нашата држава да ја украдат и нашата иднина. Секој ден, сѐ повеќе и повеќе граѓани и граѓанки излегуваа на улиците на Скопје, Битола, Струмица и други делови на Македонија,решително и во еден глас извикувајќи: „Нема правда, нема мир!“ Сплотени како никогаш досега, неуморно марширавме покажувајќи го својот револт кон злосторничкото здружение и кон нелегитимниот претседател, кој со аболиција срамно реши да ја лиши Македонија од правдата, вистината и од сатисфакцијата дека никој не е над законот и дека секој ќе одговара за стореното. Но, најтешкиот дел допрва следува! Во деновите кои се пред нас треба здружено да го кренеме гласот и да ѝ покажеме на корумпираната власт дека нема да дозволиме уште едно изигрување на интелигенцијата, уште едни недемократки избори и уште едно погазување на достоинството и волјата на народотво оваа држава“, објаснуваат организаторите.
Пишуваат дека вчера, недела, е ден што ќе го искористат за координирање и меѓусебно организирање, за од понеделник, уште помасовно и похрабро да ја пренесат нивната порака.
Во меѓувреме, дадоа целосна поддршка на нашите соборци во Битола, Велес и Вашингтон кои протестираа и вчера.
Истовремено, ги повикуваат и граѓанките и граѓаните низ целата држава да се организираат и да го покажат своето незадоволство.
На улиците на Скопје се протестираше пет дена континуирано, беше демолирана Народната канцеларија на претседателот, беа приведени 14 лица, од кои само двајца заработија пријави. Се фрлаа јајца, кон канцеларијата на Иванов, со боја се гаѓаше порта „Македонија“, на која се испишаа и некои пароли.
Протестите главно минуваа во мирна атмосфера./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Македонија
Време денес повремено со пороен дожд и грмежи, температурата ќе достигне 14 степени
Вренето денес ќе биде претежно облачно со повремени врнежи од дожд, наместа пообилни (и над 20 л/м²) и поројни, проследени со грмежи особено во западните и јужните делови од земјата. Ќе дува слаб до умерен, а долж Повардарието и во источните делови повремено засилен ветер од југоисточен правец. Минималната температура ќе биде во интервал од 4 до 10, а максималната ќе достигне од 11 до 17 степен.
Во Скопје облачно со повремени врнежи од дожд повремено пороен и проследен со грмежи. Ќе дува слаб до умерен јужен ветер. Минималната температура ќе се спушти до 6, а максималната ќе достигне до 14 степени, јавува УХМР.
Ветерот долж Повардарието ќе продолжи да засилува и во среда. Во среда и четврток ќе има локална појава на повремено пороен дожд и услови за грмежи. Потоа следи период на претежно стабилно и постепено потопло време.
Македонија
Мицкоски: Важно е разликата помеѓу Гордана и Стево да биде огромна, за да се спречат сите завери кои ги коваат Али и Ковачевски
е повикувам на мобилизација. Излезете и гласајте против оваа завера што и се прави на Македонија. Ние резервна татковина немаме и одговорот ќе го дадеме преку заокружување на бројот 2 и изборот за професорката Гордана Силјановска Давков, да и посакаме добредојде на идната претседателка Гордана Силјановска Давкова, истакна претседателот на ВМРО-ДПМНЕ Христијан Мицкоски на денешниот митинг во Штип.
„Запомнете, задутре за два дена од денес е важно како никогаш досега историски е важно разликата помеѓу идниот претседателка Гордана Силјановска Давкова и чиракот на Али, измеќарот на Али, Стево Пендаровски да биде што е можно поголема. Излезете и гласајте“, рече Мицкоски.
Претседателот Мицкоски упати порака и до младите и додаде:
„Не ја прифаќам тезата дека сте незаинтересирани за политиката, туку многу повеќе ја прифаќам тезата дека сте разочарани од факторите кои треба преку политиката да ја креираат вашата иднина. Ја имате младешката пркост, но допрва ќе го стекнете искуството и способноста да распознавате што е манипулација, а што реална понуда. Поддржете не и јас ви ветувам дека нема да ве разочараме. Дајте шанса на енергијата што носи промени и нов начин на работа. Ви велам и да приклучете се и заедно од внатре да ги менуваме заедно работите“, вели Мицкоски.
Претседателот Мицкоски упати порака до неопределените и до огромното тивко мнозинство на Македонија.
„Тоа се оние луѓе на чии плеќи се носи и гради Македонија, но никогаш не биле во фокусот на оваа држава, а системот ги потргнувал на страна. Тоа се луѓето со извонредни капацитети, кои никогаш вистински не добиле шанса. Тоа се нашите чесни и лојални сограѓани. Земјоделецот на нивата, продавачот во маркетите, наставниците, учителите, работниците, невработените, пензионерите, но и младите кои се како што кажав можеби и незаинтересирани од политиката затоа што чувствуваат горчина поради сите неправди и сите порази. Сите вие кренете ја главата горе високо. Доаѓаат подобри времиња, а овие избори се вашата шанса да ги промените работите. Излезете и гласајте и поддржете ја опцијата која ви велам дека ќе ја направиме Македонија повторно твоја, Македонија повторно горда“, дециден е Мицкоски.