Контакт

Македонија

Реакции за Кежаровски: Власта сака да направи урамниловка со пресудата

Објавено пред

Сомнеж дека „одлуката е политички мотивирана“, „одлука којашто е срамна за државата“ се дел од реакциите по објавувањето на пресудата Апелациониот суд за новинарот Томислав Кежаровски, со којашто му се намалува казната затвор од четири ипол години на две години.

dobivaj vesti na viber

Здруженијата на новинарите во Македонија и Меѓународните здруженија бараат ослободителна пресуда за Кежаровски.„Се сомневам дека оваа одлука е политички мотивирана. Власта со неа сака да направи урамниловка во стилот ’ем волкот сит, ем овците на број’. Кежаровски да се казни, да не го пратат во затвор и останатиот дел од казната од три месеца да ги одлежи во домашен притвор. Ние немаме намера да се помириме со ваквото пазарџиско однесување на судот на сметка на нашите права и слободи, како што се слободата на говорот и на информирањето, гарантирани во македонскиот Устав“, реагираше претседателот на Здружението на новинари на Македонија, Насер Селмани, по објавувањето на пресудата.Според него, казната затвор за Кежаровски е казна за слободата на новинарите и на медиумите и треба да ги застрашува сите македонски новинари и да ги одвраќа од намерата да истражуваат за злоупотребите на јавните институции. „За нас слободата на Кежаровски е безусловна. Таа е и наша слобода. Ние сме сите Кежаровски“, напиша Селмани парафразирајќи го слоганот од неделниот масовен марш против тероризмот и слободата на изразувањето во Париз по повод масакрот во редакцијата на сатиричниот неделник Charlie Hebdo – „Сите сме Шарли“.Македонската асоцијација на новинари(МАН), исто така, се спротистави на одлуката на Апелациониот суд со која новинарот Томислав Кежаровски е осуден на две години затворска казна. „МАН смета дека секоја казна за вршење на новинарска работа е излишна, па и оваа за колегата Томислав Кежаровски. Ова дотолку повеќе што казната за новинарот кој пишувал текст е повисока од некои за сторителите за чие дело се пишувало“, реагираат од МАН.Центарот за развој на медиуми (ЦРМ) и НВО Инфоцентарот сметаат дека одлуката на Апелациониот судпретставува директна закана за новинарите и директно загрозување на слободата на изразување и слободата на медиумите. „Сметаме дека станува збор за скандалозна судска одлука која има политичка заднина, и која има за цел да ја заплаши и замолчи целокупната критичка јавност во државата. Се работи за цинична одлука според народната поговорка „и волкот сит и овците на број“, која на власта ѝ овозможува да тврди дека во Македонија нема новинари во затвор и дека барањето за пуштање на Кежаровски на слобода било испочитувано“ реагираат од ЦРМ.Европската федерација на новинари одлуката на Апелација ја нарече срам за државата. „Тој само си ја вршел својата работа. Тој никогаш не требало да биде затворен поради обвинението против него. Оваа одлука е вистински срам за државата“ изјави претседателот на ЕФН, Могенс Бличер Бјерегорд.Во петок во 11 часот претставници од ЗНМ, Самостојниот синдикат на новинарите на Македонија и Иницијативниот одбор за ослободување на Кежаровски, ќе го искажат револтот за одлуката на судот.Во октомври 2013 година Кежаровски беше осуден на казна затвор од 4,6 години затвор. Шест месеци помина во притвор во затворот во Шуто Оризари, а од тогаш е во домашен притвор.Бидејќи во издржувањето на казната на Кежаровски му се смета и времето минато во притвор, му преостануваат уште четири месеци за издржување на казната.Кежаровски на рочиштата порача дека никогаш не загрозил нечиј живот, туку дека само ја извршувал својата новинарска работа. „Обвинението против мене е неосновано, во текстовите во весникот „Репортер 92“ не го открив идентитетот на заштитениот сведок и не сум загрозил ничиј живот и ничие здравје. Сведокот јавно призна дека е лажен и дека бил инструиран од полицијата и дека напамет ја научил изјавата којашто му ја напишале во полиција. Јас сум колатерална штета само за да се забошоти самооткривањето на сведокот“, рече Кежаровски.Случајот е поврзан со убиството на 74-годишниот Лазар Милошевски во 2005 година во велешкото село Ореше.Осомничени за убиството беа браќата Ордан и Љупчо Ѓорѓиевски, а како нарачател се спомнуваше Ѓоре Петровски, Македонец што живее во САД. Случајот Ореше се суди по четврти пат во велешкиот суд, а заштитениот сведок Бреза го откри својот идентитет и му се суди за лажно дадена изјава.Во случајот Ликвидација беа осудени и судии, адвокат и обвинител од случајот Ореше, на кои исто така Апелација им ја намали казната. На судијата од случајот Ореше, Иле Танев Апелација му ја намали казната од две и пол години на една ипол година, на истражниот судија Валентин Зафиров му ја намали казната од пет ипол години на две ипол години затвор. На обвинителот Ивица Ефремов му ја намали казната од четири ипол години на три години.Врховниот судија во пензија Борис Николовски и поранешниот велешки судија Сашко Лазаров кои беа осудени на една година затвор и пуштени се условно. Јане Павловски – Тица и Сабедин Џини Хофман осудени се на една година и шест месеци затвор.Апелациониот суд ги уважи жалбите на обвинетите Иле Танев и Сабедин Џими Хофман за кривичното дело „примање поткуп“ и предметот го врати на повторно постапување и одлучување само во овој дел.Јавната седница за предметот во Апелациониот суд беше одржана на 21 ноември, а пресудата е објавена по речиси три месеца./крај/мф/ффс

Извор: Фото: Здружение на новинари на Македонија



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Објавено пред

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“.

dobivaj vesti na viber

Директорот на Националната агенција, Марко Ѓоргиевски објави дека во март Националната агенцијата добила известување за конечност на одлуката за поврат на средствата.

Се работи за милиони евра кои биле доделени како грантови во периодот од 2016 до 2018 година, а во извештајот се наведува дека постојат наоди за неправилности во врска со проектни досиеја на 22 корисници на грант од програмата Еразмус+ финансирани од Европската комисија, беше посочено.

Ѓоргиевски рече дека заедно со Владата се обидуваат преку интензивна комуникација и во координација со релевантни европски институции, да се најде најсоодветно решение како да се реализира овој поврат и како да не се повторуваат вакви случаи во иднина.

Како што соопшти, предметот е во рацете на Јавно обвинителство за гонење организиран криминал и корупција, но поради предистражната постапка која се води, не може да соопшти повеќе детали.

Прикажи повеќе...

Македонија

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Објавено пред

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90 дена. Откога во понеделникот Комерцијална банка извести дека склучиле договор за продажба на имотот на фабриката со друштва основани од холандската холдинг-компанија „Полиникел холдинг БВ“ (Polynickel Holding BV), која е дел од турската „Јулдирим груп“ (Yildirim Group), нивни претставници вчера имале состанок со Синдикатот и со градоначалникот на Кавадарци, Митко Јанчев. Ги известиле дека почнуваат со подготовки за рестартирање на фабриката, кое очекуваат да биде во јуни.

dobivaj vesti na viber

„Од вчера почна да тече рокот од 90 дена во кој новите сопственици на фабриката ќе ги враќаат назад вработените. Нè известија дека ќе ги преземат 120-те вработени кои останаа на работа за да ја одржуваат печката додека сопственик беше Комерцијална банка, а за другите ќе има огласи. Ова рестартирање на фабриката се разликува од последното што го направи ‘Еуроникел’, кој зеде обврска да ги преземе и сите вработени. Новите сопственици ја купија само фабриката, без вработените, но вчера нè известија дека ќе ги задржат оние што останаа да ја одржуваат печката, а другите ќе може да се јават на огласите што ќе ги распишуваат во следните месеци. Со производство, според сегашните најави, ќе се почне во јуни, кога истекува и рокот во кој рекоа дека ќе ги враќаат назад вработените“, вели Игор Ѓерасов, претседател на Синдикатот на индустријата, енергетиката и рударството на Македонија (СИЕР), за „Макфакс“.

Многумина од вработените во „Еуроникел“, кои останаа без работа, стравуваат дека ќе извисат и новиот газда нема да ги врати на работа оти ќе бараат работници преку оглас. Градоначалникот Јанчев, пак, уверува дека тие ќе имаат предност за вработување.

„Добивме уверување дека ќе имаат предност вработените, но и без тоа во фабриката се бараат стручни луѓе и луѓе со искуство, а никој подобро не ја знае работата отколку досегашните вработени. Новите сопственици веќе влегоа во фабриката. Ќе ги направат неопходните ремонти, ќе направат план за работа и ќе ги враќаат постепено вработените. Тие дури рекоа дека се и загрижени дека нема да успеат да ја пополнат потребната бројка работници оти многумина заминаа во странство, некои си најдоа друга работа. Добивме цврсти уверувања дека ќе почнат со производство. Веќе имаат договори за снабдување со руда од Брегот на Слоновата Коска и од Гватемала. И, денес да тргне рудата, ќе треба еден месец за да стигне, а во тој период ќе почне и постапката за враќање на работниците. Мора да оди преку оглас оти така предвидуваат законите кај нас“, вели градоначалникот Јанчев за „Макфакс“.

Побарувањата од 2,1 милиона евра за четири неисплатени плати вработените ќе чекаат да им бидат исплатени во стечајната постапка за „Еуроникел индустри“, која беше отворена на почетокот на февруари. На стечајната постапка ќе чекаат и сите доставувачи што пријавиле долгови, но приоритет за исплата имаат платите на вработените.

Градоначалникот Јанчев вели дека веќе договорил со стечајниот управник  Ацо Петров, кога ќе заврши стечајната постапка, да поднесат кривични пријави против раководството на „Еуроникел индустри“, кое минатата година ја доведе до стечај фабриката.

Прикажи повеќе...

Македонија

Тошковски од Струмица: Управните служби ќе издаваат лични документи и во сабота

Објавено пред

Министерот за внатрешни работи Панче Тошковски денеска беше во посета на струмичкиот крај, каде што оствари работни посети на Секторот за внатрешни работи Струмица, Отсекот за управни работи Струмица и канцеларијата за управни работи во Ново Село. Министерот Тошковски од страна на раководството на СВР Струмица беше брифиран дека, генерално, безбедносната состојба на подрачјето што го покриваат е стабилна и не се забележува позначајно зголемување на бројот на извршени кривични дела, а во тој поглед имаат солиден процент на реализација. Како проблем на чие решавање треба да се работи што побргу беше истакната слабата кадровска пополнетост, односно недостиг на човечки ресурси за работа.

dobivaj vesti na viber

„Во делот на управните служби би сакал да потенцирам дека во интерес на струмичани повторно ќе почне процес на издавање лични документи и во сабота (од наредната), а работиме на тоа да се издаваат лични документи и во текот на работната недела по 16 часот со цел луѓето, по завршување на работните обврски, да може да си ги подигнат готовите документи“, нагласи министерот Тошковски.

Што се однесува до канцеларијата за управни работи во Ново Село, и покрај опструкциите на Владата со поништувањето на наредбата на колешката, која доброволно прифати да помогне во овој дел, како што потенцира Тошковски, со почетокот на континуираното функционирање на базната станица таа опслужува граѓани од поширокото подрачје на Струмица и бројот на фотографирања на оваа територија се зголеми 32 %.

Прикажи повеќе...

Најново

Македонија1 минута

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија1 час

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија2 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија4 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ5 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија5 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија5 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија8 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет8 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет8 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија8 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион9 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет9 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет9 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија24 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...