Македонија
Шарената револуција со ироничен гест газеше по програмата на ВМРО-ДПМНЕ
Со извици „Оваа Влада не чини“ и скок врз програмата на владејачката ВМРО-ДПМНЕ, демонстрантите од Шарената револуција иронично одговорија на изјавите на претседателот на ВМРО-ДПМНЕ, Никола Груевски кој во интервју објаснуваше дека слушнал како на обуки на невладините организации, активистите биле поучувани да се качат на маса и да скокаат врз отчетот на партијата извикувајќи „Оваа Влада не чини“.
Во четвртокот во осумнаесет часот, повторно се собраа демонстрантите од Шарената револуција пред Специјалното обвинителство и дадоа поддршка на оваа институција и нејзината работа.Потоа заминаа пред зградата на Владата каде на улицата ја напишаа познатаа порака од починатиот новинар Никола Младенов – „Колку чини слободата. Ние сакаме општество на слободни луѓе. Тие сакаат збирштина од безрбетници и тука нема компромис“.
Неможејќи да се пробијат до владата не ја обоија, но во импровизирана кутија собираа донации за да може да се продолжи со боењето на улиците. На асфалтот го отпечатија ликот на претседателот на ВМРО-ДПМНЕ, Никола Груевски.
Демонстрантите вечерва повторно го обоија и законодавниот дом, со катапултот со балони во боја со кои го гаѓаа Собранието, додека присутните со големи аплаузи и факели го проследуваа бојадисувањето.На разглас пред Собранието пуштаа дел од опозициските бомби, а и вечерва се собираа доброволни писмени изјави од демонстранти кои сакаат да се потпишат како хулигани поради учеството на протестите и боењето на институциите.Демонстрантите на Шарената револуција ги гореа сликите на Митко Чавков, Јелена Жугиќ, Ѓорѓе Иванов и Трајко Вељаноски, бараа оставка, а протестот го започнаа со гумените кукли со лисици на рацете, во ликовите на Никола Груевски, Сашо Мијалков, Гордана Јанкулоска и Миле Јанакиески.
Демонстрантите порачаа дека не отстапуваат од барањата, на улица ќе бидат се додека не се повлече аболицијата и не падне, како што велат, режимската власт. На демонстрантите им се придружија и членови на опозициската СДСМ, кои одржаа и говори во рамки на протестите.Протести вечерва се одржаа и во Струмица, Крива Паланка, Виница и Куманово. /крај/мф
Се вчитува прикажувачот на видео…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.