Скопје
Засаден парк за спомен на загубаните животи во сообраќајни незгоди
По повод 15 Ноември, Светскиот ден на сеќавање на жрвтите во сообраќајни незгоди, Републичкиот совет за безбедност на сообраќајот на патиштата, организира акција за уредување на спомен парк посветен на лицата кои оваа година го загубија животот во сообраќајни незгоди во Македонија.
Во паркот кој е лоциран на Средно Водно, се засадија 124 зимзелени дрвца како симбол на вечното сеќавање на загубените животи во сообраќајни незгоди. Паркот ќе го носи името „Парк на сеќавање на жртвите од сообраќајни незгоди” и истиот ќе биде сведок на фаталните последици од сообраќајните незгоди.Претседателот на Републичкиот совет за безбедност на сообраќајот на патиштата, Стојче Стаменковски, посочи дека денешниот ден е ден во кој оддаваме почит и спомен на загинатите лица и се солидализираме со нивните најблиски.„Овој ден треба да не потсети дека одговорноста за загубените животи е заедничка одговорност на сите учесници во сообраќајот и единствено преку поголема совесност, дисциплина и одговорност може да придонесеме кон побезбеден и посигурен сообраќај. Исто така, испраќаме апел до сите граѓани кои на било кој начин учествуваат во сообраќајот да извлечат поука за важноста и потребата од одговорно учество во сообраќајот и за фаталните последици кои произлегуваат од неодоговорното учество во сообраќајот”, истакна Стаменковски.Директорот на Комисијата за односи со верските заедници, Валентина Божиновска, информираше дека оваа недела во рамките на одбележувањето на Светскиот ден на сеќавање на жрвтите во сообраќајни незгоди, во сите верски храмови во Република Македонија ќе се одржи молибден за изгубените човечки животи на македонските патишта.Претставниците на верските заедници ќе ги повикаат своите верници преку почитување на сообраќајните правила и прописи да го почитуваат сопствениот животот и животот на останатите. Републичкиот совет за безбедност на сообраќајот на патиштата по повод Светкиот ден на сеќавање на жрвтите во сообраќaјни незгоди во текот на наредната недела ќе организира едукативни настани во повеќе градови низ Република Македонија, со цел подигнување на јавната свет за почитување на сообраќајните правила и прописи./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.
Скопје
Арсовска избрана за портпарол и координатор за следење и спречување на корупција
Градоначалничката на град Скопје, Данела Арсовска, денес во Совет на Европа на конгресот на локални власти едногласно е избрана за портпарол и координатор за следење и спречување корупција на локално и регионално ниво.
Арсовска минатата година беше избрана за потпретседател на Европската народна партија за локални власти, а годинава со нов мандат за портпарол и координатор за следење и спречување корупција на локално и регионално ниво ќе ги води и следи процесите на почитување на европскиот кодекс на однесување за сите лица вклучени во локалното и регионалното управување.
Нејзини надлежности, како што информираат од Град Скопје, меѓу другите, се да го координира и подобри влијанието на работата на конгресот за спречување на корупцијата во локалните власти, да известува за утврдени случаи на корупција на локални и регионални власти и да ја промовира стратегијата на конгресот за спречување на корупцијата и унапредување на јавната етика на локално и регионално ниво.
Арсовска ќе го претставува конгресот на сите значајни настани организирани од Советот на Европа и меѓувладиниот сектор за прашања на јавната етика и справување со корупцијата, организира и координира активности со групата држави против корупцијата (ГРЕКО), со цел идентификување и размена на добри практики, решенија за предизвиците и начини за промовирање на јавната етика и спречување на корупцијата.
Скопје
(Видео) „Прифатена иницијативата за конфискација на дивоградби, ова е голема победа на Општината“, вели Герасимовски
Општина Центар извојува победа. Една година по поднесувањето на иницијативата за регулирање, конфискација и пренамена на бесправно изградени објекти од градоначалникот на општина Центар, Горан Герасимовски, до ЗЕЛС, Собранието го донесе Законот за управување со конфискуван имот, имотна корист, одземени предмети во кривична и прекршочна постапка.
Станува збор за иницијатива со која на сите локални самоуправи во државата им се дава можност за конфискација на бесправно изградените објекти на своја територија и нивна пренамена во функција на општината.
„Општина Центар е лидер во промени, лидер во храбри и позитивни одлуки и решенија во полза на граѓаните. Прифаќањето на иницијативата за конфискација и пренамена на бесправно изградени објекти и нејзино преточување во законско решение е победа на Општина Центар но и сите други општини во државата. Собранието на 19 овој месец, го донесе Законот за управување со конфискуван имот, имот на корист, одземени предмети во кривична и прекршочна постапка, каде во членот 66 е преточена иницијативата која ја поднесов до ЗЕЛС со која се дава можност Агенцијата за конфискуван имот врз основа на одлука на Владата дивоградбата да ја предаде на Општината. Ова значи дека ние општините имаме две можности или да го легализираме објектот или доколку има услови истиот да го урнеме во рок од 6 месеци од прием. Доколку одлучиме да го легализираме, ќе можеме да го дадеме на социјално ранливи категории на граѓаните или на користење за разни културни, пензионерски, младински домови“, посочи Герасимовски денеска пред медиумите.
Герасимовски појаснува дека новото законско решение налага локалните самоуправи да не можат да го ОТУЃАТ објектот на градежни фирми или други субјекти кои се работат со недвижности, што всушност значи дека се иззема било каква можност за профит на сметка на нелегално изградените објекти. Новиот Закон за управување со конфискуван имот, имотна корист, одземени предмети во кривична и прекршочна постапка не се однесува за дивоградбите што се на приватно земјиште за кои веќе се води инспекциска постапка за рушење или се води постапка за легализација.
На прес-конференцијата Герасимовски потсети дека иако поднесувањето на иницијативата беше широко прифатена од градоначалниците, сепак мораше да ги помине институционалните процедури во Министерството за транспорт и врски, Министерството за правда и Собранието како законодавен дом.
„Во државата има речиси 100 илјади дивоградби, еве во општина Центар има дивоизградени објекти и на државно земјиште и во зелена зона. За онеспособување два такви поголеми објекта сумите се енормно високи, околу 5,5 милиони денари за две згради да ги оневозможиме да бидат функционални. Но, сега со новото законско решение, наместо дувло на бездомници, како што најчеста е реалноста, дивоградбите ќе може да се пренаменат и за други потреби, односно да бидат или пензионерски домови, креативни работилници или клубови за млади или, пак, предадени за социјално загрозени семејства“, потенцира Герасимовски.
Герасимовски напоменува дека со донесувањето на ова законско решение ќе се превенира урбанистичкиот хаос, а градежниците ќе треба да се запрашаат дали ќе градат без одобрение за градба. Воедно, градоначалникот потсетува дека средствата планирани за уривање нелегални објекти општините ќе може да ги пренаменат во други потреби за граѓаните.