Македонија
Величковски: Ќе го продолжиме мандатот на СЈО
Бидејќи мандатот на Специјалното јавно обивинителство од 18 месеци за покренување случаи бил договорен меѓу лидерите на ВМРО-ДПМНЕ и на СДСМ, од Либералната партија велат дека по изборите ќе го продолжат мандатот.
„Нашата поддршка за СЈО е загарантирана. Откако Ванхауте соопшти дека смешниот 18 месечен период за поднесување обвиненија бил договорен лично меѓу Груевски и Заев, ние, либералите и јас лично ви гарантираме дека мандатот на СЈО ќе биде продолжен. За да се расчисти работата! За да одиме и на реформа во судството и за процесите да добијат правен епилог согласно закон! За таа цел, гарантираме формирање на Специјално одделение во Кривичниот суд во првите три месеци по изборите. За да има епилог“, порача лидерот на ЛП, Ивон Величковски, во четврток, на претставувањето на изборната програма на Либералната партија – „Либералната доктрина за консолидирана Македонија“, што се одржа во хотелот „Континентал“ во Скопје.
Тој вели дека изборите ниту ќе бидат фер, ниту демократски, а ќе бидат кредибилни само онолку колку што на пар дипломати и на пржинската четворка им треба да си ја смират совеста.
„Пржинската четворка намерно уфрли дефокусирачки теми. Жалам што тоа го направи прво најголемата опозициска партија. Го уфрлија национализмот и додворувањето кон гласачите по основа на етнички кампуси“, додаде Величковски.
Во програмата предвидуваат дека ќе ја бранат секуларноста, западната ориентација на земјата, владеењето на правото и претприемништвото. „Нема пари – нема мир! Рамковниот настрана од изборите! Ревизија на издадените дипломи за партиски вработувања! Укинување на целосната забрана за пушење во локали и за продажба на алкохол по 19 часот.“
„Со оваа буџетска политика – десничарите го отепаа бизнисот, а со прогресивното оданочување левичарите ќе го дотепаат. Па зарем сакате поголеми даноци за бизнисот и граѓаните што и онака се истормозени во овие 25 години?“, праша Величковски./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.