Македонија
Замјотресот во 20,57 часот со магнитуда 2,1
Серијата потреси којашто го зафати сопското епицентрално подрачје во неделаа продолжи со новиот подземен удар регистриран во 20,57 часот со магнитуда од 2,1 степен според Рихтер.
Нов земјотрес со јачина од 2,1 степени според Рихтеровата скала се случи во неделата вечерта вечерва околу 20,57 часот во Скопје, покажуваат податоците на Сеизмолошката опсерваторија на Природно-математичкиот факултет во копје. Епиценарот на овој потрес е на два километра јуоисточно од Скопје.
Според податоците коишто досега се објавени, во неделата во Скопје и околината се регистрирани меѓу девет и 14 потреси. Најсилниот се случи во 15,10 часот со магнитуда од 5,3 степени.
Првиот потрес според околните станици во неделата утрото во 4,58 часот, бил почувствуван уште еден земјотрес од 3,9 степени според Рихтер, со епицентар во пограничниот регион меѓу Косово, Србија и Македонија, на длабочина од 10 километри, а потоа скопскиот е регистриран во 6,58 часот со јачина од 4,2 степени, а потоа следуваат потресите во 7 часот од 2,8 степени, до оној во 15,10 часот. По овој најсилен потрес со магнитуда од 5,3, регистрирани се серија послаби треперења на почвата, кои се почувствувани во Скопје. Во 15,14 часот имало земјотрес со јачина од 2,9 степени, во 15,19 часот од 2,8 степени, потоа во 15,30 часот со 2,1 степен.
Според информациите на френцускиот Европско-медитеранскиот сеизмолошки центар (EMSC), по овој следувале уште три земјотреса: во 16,07 часот со магнитуда од 2,6 степени, во 16,45 часот со 2,4 степени и ноќта во 20,57 часот со магнитуда од 2,1 степен.
Серијата земјотреси, чии хипоцентри се на длабочина од два до десет километри, внесе страв и паника кај жителите на Скопје, кое во 1963 година го доживеа еден од најкатастрофалните потреси во поново време на европскиот континент со над илјада жртви.
Здравствените служби соопштија дека вкупно околу стотина лица побарале медицинска помош, главно поради искршеници и расекотини со коишто се добиле додека бегале од домовите. Пријавени се повеќе испукани ѕидови, а од еден паднат оџак од кој се оштетени две возила.
Голем број жители на македонската престолнина и во раните нооќни часови сé уште се на отворените јавни површини и во парковите./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Наместо покачена 12 отсто, вработените во културата не добија никаква плата, од утре излегуваат на протести
Доколку до крајот на денот не им биде исплатена платата за март на 3.000 вработени во културата, од утре тие излегуваат на протести пред Министерството за култура, со можност да се протестира и пред Министерството за финансии. Ќе протестираат сè додека не им биде исплатена платата на сите работници. Вработените во културата алармираат дека за некој ден, освен без плата, ќе останат и без здравствено осигурување.
„Пред точно 18 дена на ова исто место бевме убедувани дека шириме паника и дезинформации меѓу вработените во културата и дека има само една вистина, а тоа е дека платата за март ќе биде исплатена со досега највисоко усогласување од 12 отсто за денес сите да сме согласни дека синдикатите беа во право и пред 18 дена и пред 6 месеци. И, денес, на 18 април, плата за март сè уште нема. Да биде целата ситуација уште потрагична, за неколку дена 3.000 вработени во културата заедно со нивните семејства ќе останат и без здравствено осигурување“, рече претседателката на Синдикатот за култура, Вера Атанасовска.
Покрај протестите Атанасовска извести дека повеле постапка за тужба за доцнењето на платата. Овој пат ќе настојуваат и да се лоцира одговорноста за ненавремено исплаќање на веќе одработеното.
Претседателката рече дека утрово ја побарале од кабинетот на министерката за култура за да ѝ јават дека попладнево треба да оди на состанок во Министерството за финансии, а вработени во Министерството за култура истовремено се јавувале во културните институции и им кажувале да прифатат да се исплати платата без усогласувањето. Атанасовска денес пред Министерството за култура постави низа прашања за неисплатената плата и најава за состанок во Министерството за култура.
„Како министерката за култура на 1 април од истото ова место ветуваше покачување на платите за март ако претходно тоа исто покачување не го договорила со министерот за финансии? Сега кој да биде виновникот за неисплаќањето на платите во културата? Што се случува и кој е одговорен за колапсот што го создадоа во културата? За неуспехот на Владата, особено на Министерството за култура, да ги исполни своите обврски со тоа што не ги исплати ветените плати на сите вработени во културата во согласност со законите и договорите? Ова тотално исмевање на довербата на сите вработени во културата не само што ја загрозува егзистенцијата на оние што се посветени на уметноста и на културата туку го поткопува и интегритетот на нашите културни институции. Зошто Министерството за култура не ја исполнува својата обврска? Дали е тоа поради предизборна војна на партиите или работата е уште подлабока – тотално потценување на уметноста и културата во рамките на владините приоритети? Без разлика на причината, ефектот останува ист – деморализирана култура работна сила и намалена национална култура во колапс и пред протест и штрајк“, рече Атанасовска.
Претседателот на ССМ, Слободан Трендафилов, им даде безрезерва поддршка на културните работници и ја повика министерката уште денес да ја исплати неисплатената плата за март.
„Ја повикуваме министерката за култура, денеска, место да ги повикува во Министерството за финансии да се објаснуваат, да направи максимални напори платите до крајот на работното време да легнат на сметките на овие луѓе. Доколку не, се гледаме утре на протест, се гледаме и другиот ден и така сè до исполнување на нашите барања. Не бараме преку леб погача, бараме плата. Платата веќе сме си ја изработиме, а работиме и за нова плата, која треба да биде исплатена во мај. Недозволиво е ова да ни се случува, особено не 15 дена пред избори. Сите да го имаат ова на ум“, рече Трендафилов.
Пред две недели министерката за култура Бисера Костадиновска-Стојчевска на посебна прес-конференција уверуваше дека вработените во културата за март ќе добијат покачена плата.
Македонија
Сексизам, дискриминација, навреди и говор на омраза од Пендаровски и лица вклучени во неговата кампања: Силјановска-Давкова со нова преставка
Гордана Силјановска-Давкова денеска поднесе нова преставка до Државната изборна комисија, Комисијата за заштита од дискриминација, ОБСЕ – Организација за безбедност и соработка на Европа, Мисијата на ОБСЕ во Скопје, Мисија за набљудување на изборите (ЕОМ) при ОБСЕ – Канцеларија за демократски институции и човекови права, Националниот демократски институт, Хелсиншки комитет за човекови права.
Во преставката, како што се истакнува во соопштението, се констатира дека и покрај потпишаниот Кодекс за фер и демократски избори во периодот од 10 до 14 април 2024 година различни лица вклучени во неговата кампања, вклучително и самиот кандидат Стево Пендаровски, го кршат Кодексот и предизвикуваат вознемирување и повреда на личното достоинство на Гордана Силјановска-Давкова, во согласност со член 10 став 1 од Законот за спречување и заштита од дискриминација.
„Објективизација и потчинетост на мене како жена се забележува во: говорот на кандидатот за претседател Стево Пендаровски на митингот на СДСМ во Кавадарци на 10 април 2024 година: „Христијан Мицкоски да набави „џи-пи-ес“ за неговата кандидатка“; говорот на претседателот на Социјалдемократскиот сојуз на Македонија, Димитар Ковачевски на митингот на СДСМ во Општина Карпош – Скопје на 12 април 2024 година: – „Јас не ја кандидирав тетка ми Жана за претседател на држава, па да морам да ја шетам по цела Македонија“;
Дискриминација врз основа на пол, возраст и сексизам се забележува и во јавното обраќање на граѓанин на митинг на СДСМ во Куманово на 14 април 2024 година: „Од баба невеста не бидува“, се наведува во дописот.
Ваквите изјави и однесување, според Силјановска-Давкова не се осудени од: кандидатот Стево Пендаровски, раководството на СДСМ, ниту, пак, од Форумот на жени на СДСМ; напротив од однесувањето на Ковачевски и Пендаровски овие постапки се одобрени и поттикнати со смеење, ракоплескање, и триумфално однесување.
„Навредите и говорот на омраза и јавното демонстрирање на мизогинија се користат на митинзи и на други јавни настапи со цел да се влијае врз јавното мислење и да се предизвикаат реакции на исмејување од страна на присутните граѓани во толпата. Сето ова води кон поттикнување и охрабрување дискриминација и сексизам.
Со својата кампања Стево Пендаровски, поддржан од СДСМ, ги прекршува човекови права на Гордана Силјановска-Давкова и повредува неколку одредби од Уставот за кои се образложува во преставката“, се нагласува во соопштението.
Сексизам, дискриминација врз основа на пол и возраст од страна на Пендаровски и лица вклучени во неговата кампања:
Македонија
ДУИ симулира седница на која Бугарите влегоа во Уставот, Села е претседател на Собранието, а Османи на државата
„Европскиот фронт“ предводен од Демократската Унија за интеграција симулираше конститутивна седница на Собранието, со тоа, сликовито прикажувајќи што би се случувало ако победат на парламентарните избори и ако Бујар Османи биде избран за претседател на државата.
Симулативната седница на Собранието ја отвори претседателот на ДУИ, Али Ахмети, а откако ги поздрави пратениците и присутните, најпрво избра двајца заменици Фатима Османовска и Бејџан Иљаз, а како прва точка на дневен ред ја предложи верификација на мандатите на пратениците и втора точка избор на претседател на Собранието.
Зиадин Села на симулативната седница беше избран за претседател на Собранието, а трета точка на дневниот ред, беа предложени уставните амандмани со кои бугарскиот, хрватскиот, црногорскиот, словенечкиот, еврејскиот и египетскиот народ ќе станат дел од Уставот, преку измена на уставот со гласање на 120 пратеници.
Четврта точка на дневниот ред беше за време на симулацијата беше Свечената декларација на Бујар Османи, како претседател на државата.