Спорт
Зарко го сруши рекордот за пол-позиција на „Лосаил“
Возачот на Тех 3 Јамаха, Французинот Жоан Зарко ја освои пол-позицијата за првата трка од новата сезона, Катар ГП, откако постави нов рекорд на патеката „Лосаил“.
Неговото најдобро време од 1:53.680 го подобри рекордот на Хорхе Лоренцо од 2008 за 0.247…
Возачот на Тех 3 Јамаха, Французинот Жоан Зарко ја освои пол-позицијата за првата трка од новата сезона, Катар ГП, откако постави нов рекорд на патеката „Лосаил“.
Неговото најдобро време од 1:53.680 го подобри рекордот на Хорхе Лоренцо од 2008 за 0.247 секунди и му донесе трета пол-позиција во кариерата со 0.202 секунди предност пред актуелниот шампион Марк Маркез во Хонда.
Маркез беше најбрз во текот на сесијата со 1:54.368, но беше „соборен“ од Андреа Довициозо во Дукати, кој постави 1:54.074 во финишот на квалификациите, но на крајот по низа подобрувања Зарко беше на првото место, додека Довициозо ќе стартува само како петти.
Данило Петручи во Прамак Дукати беше само 0.005 секунди поспор од Маркез за последното место на првиот ред, додека Кал Крачлоу го победи Довициозо за четвртото место.
Валентино Роси со својата Јамаха беше само на осмото место со 0.709 секунди послабо време, а неговиот колега Маверик Вињалес беше најспор во вторите квалификации и ќе стартува на 12. Место во лоша сесија за јапонскиот тим. Ништо подобар не беше ниту Лоренцо, чии проблеми со контролата на Дукати очигледно продолжуваат и тој ќе биде на 9. место на утрешниот старт на ноќната трка.
Here is the confirmed starting grid for the Grand Prix of Qatar ?
What a performance from Zarco, but he’ll have his work cut-out for him on Sunday! pic.twitter.com/PeVtaohZq2
— MotoGP on BT Sport (@btsportmotogp) March 17, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.