Спорт
Милер со „бомба“ за реми со Шпанија, Лингард доволен за Англичаните (видео)
Петокот беше резервиран за низа на пријателски натпревари на најсилните светски репрезентации, како претпоследен тест пред Мундијалот во Русија.
Актуелните светски шампиони Германија не дозволија да бидат поразени од Шпанија, откако на „Есприт арената“…
Петокот беше резервиран за низа на пријателски натпревари на најсилните светски репрезентации, како претпоследен тест пред Мундијалот во Русија.
Актуелните светски шампиони Германија не дозволија да бидат поразени од Шпанија, откако на „Есприт арената“ во Диселдорф одиграа интересно 1:1 реми.
„Фуријата“ рано дојде во водство откако во шестата минута, Андрес Иниеста со одлично додавање и избегнување на офсајд-стапица го пронајде голгетерот на Валенсија, Родриго. „Панцерите“ израмнија во 35. минута со прекрасниот гол на Томас Милер од над 25 метри. До крајот на дуелот меѓу две репрезентации кои се сметаат меѓу првите фаворити за титула на Мундијалот во Русија, немаше погодоци.
Џеси Лингард одличната форма во Манчестер јунајтед ја продолжи и на репрезентативно ниво, откако го постигна единствениот гол во победата на Англија од 1:0 над „реконструираната“ Холандија во Амстердам. За разлика од Јунајтед, Лингард и неговиот колега Маркус Рашфорд беа стартери во тимот на Герет Саутгејт.
Аргентина и без Лео Меси (кој селекторот Хорхе Сампаоли реши да го одмори), беше пресилна за Италија на „Етихад“ во Манчестер. „Албиселесте“ го скршија отпорот на „аѕурите“ под преодниот селектор Ди Бјаџи во последните 15 минути.
Прво Евер Банега од работ на шестнаесетникот во 75. минута го совлада Буфон, по што напаѓачот на Вест Хем, Мануел Ланзини ја искористи шансата и десет минути подоцна по еден брз контранапад постигна одличен гол.
Мохамед Салах 93 минути го стави во сенка и Кристијано Роналдо, откако на пријателскиот меч во Цирих, со голот на ѕвездата на Ливерпул, Египет имаше предност од 1:0 до последните минути од мечот против актуелниот европски шампион, Португалија.
Кристијано Роналдо, повторно покажа колку значи за Португалците, откако постигна два гола во 93. и 96. минута за пресврт и 2:1 победа.
Lovely finish from Mohamed Salah. ?? pic.twitter.com/DJZcPvooKM
— Öliver. (@UtdOliver) March 23, 2018
ПРИЈАТЕЛСКИ НАТПРЕВАРИ
Турција – Република Ирска 1:0
Грција – Швајцарија 0:1
Унгарија – Казахстан 2:3
Тунис – Иран 1:0
Украина – Саудиска Арабија 1:1
Србија – Мароко 1:2
Аргентина – Италија 2:0
Австрија – Словенија 3:0
Холандија – Англија 0:1
Германија – Шпанија 1:1
Полска – Нигерија 0:1
Португалија – Египет 2:1
Шкотска – Костарика 0:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.