Спорт
Прво па Индијан Велс – Осака го крена трофејот
Јапонката Наоми Осака со 6:3/6:2 ја збриша Дарја Касаткина во финалето на Индијан Велс, добивајќи ја битката меѓу двете тенисерки од кои ќе се очекува многу во иднината, и го крена својот прв ВТА трофеј.
Се очекуваше пресметката меѓу двете 20-годишни д…
Јапонката Наоми Осака со 6:3/6:2 ја збриша Дарја Касаткина во финалето на Индијан Велс, добивајќи ја битката меѓу двете тенисерки од кои ќе се очекува многу во иднината, и го крена својот прв ВТА трофеј.
Се очекуваше пресметката меѓу двете 20-годишни девојки да биде потесна, но Осака бргу ја заврши работата за да стане најмладата шампионка во Индијан Велс по Ана Ивановиќ во 2008 година.
Светската тенисерка број 44 во Индијан Велс имаше фантастични две недели – победувајќи ги Марија Шарапова, Агњешка Радвањска, Каролина Плишкова и Симона Халеп на патот до финалето, каде што за победата доби чек од 1.3 милиони долари, со што речиси ја удвои заработувачката од тенисот. Таа ќе скокне на 22. место на ВТА листата во понеделник.
Касаткина може да се утеши со одличната недела во која ги мина Слоун Стивенс, Каролине Вознијацки, Анџелике Кербер и Венус Вилијамс, топ 20 тенисерки и гренд слем шампионки.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.