Спорт
Шарпланински куп по 37-ми пат
Меѓународната скијачка манифестација „Шарпланински куп“ по 37-ми пат ќе се одржи на Попова Шапка од 5-ти до 7-ми март.
Меѓународната скијачка манифестација „Шарпланински куп“ по 37-ми пат ќе се одржи на Попова Шапка од 5-ти до 7-ми март.
Првата велеслаломска трка ќе се одржи во сабота со почеток во 10 часот а втората во 13 часот, додека пак на последниот ден на 7-ми март првата слаломска трка ќе започне во 9 часот а втората во 12 часот.
Прогласувањето на победниците ќе се одржи во 14 часот.
Македонија ќе биде претставувана од шест скијачи: Антонио Ристевски, Дардан Дехари, Бесар Иљази, Меритон Емими, Дертијам Куртеши и Љубомир Поповски а од сите пријавени држави Грција има најмногу скијачи дури 27.
До сега се потврдени 57 натпреварувачи од 10 земји: Србија, Бугарија, Шведска, Словенија, Словачка, Австрија, Грција, Франција, Белгија и Македонија.
Скијачот со најдобар број ФИС бодови кој ќе настапи на купот е Швеѓанецот Петер Роберстон, кој има 16.21 во слалом.
Двете скијачки патеки се хомологирани од Интернационалната скијачка федерација. Велеслаломската патека ќе биде на висина од 390 метри од стартот до целта со околу 45 капии а слаломската патека на 198 метри а должината ќе биде 685 метри.
Севкупниот првак ќе добие парична награда од 3000 евра и шарпланинец, второпласираниот 2000 евра а третопласираниот 1000 евра.
Покровител на манифестацијата е владата на Р. Македонија преку Агенцијата за млади и спорт предводена од премиерот Никола Груевски кој е дел од почесниот одбор. Претседател на организацискиот комитет е Димитар Танурков а директор на натпреварот е Бојан Крижај. Технички делегат ќе биде Перко Бојан./крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.
Спорт
Нема повеќе повторување на натпревари во ФА Купот
Фудбалската асоцијација на Англија (ФА), објави дека од следната сезона, во ФА купот нема да се преигруваат натпреварите кои ќе завршат без победник. Правилото, старо колку и самото натпреварување, од следната сезона ќе важи само во квалификациите. за повторување ќе важи само во квалификациите.
Укинувањето на повторувањата е само еден од неколкуте чекори договорени од ФА и Премиер лигата во следните шест години.
Во иднина сите натпревари од ФА Купот ќе се играат за викенди, со исклучок на четвртото коло, во кое натпреварите ќе се играат од петок до среда. Во четвртото и петтото коло од ФА Купот нема да се играат натпревари од Премиер лигата.
Финалето на ФА Купот ќе се одигра во претпоследниот викенд од сезоната во Премиер лигата. Тој ден нема да се играат натпревари од Премиер лигата. Во петок, на ден пред финалето на ФА Купот, нема да има натпревари од Премиер лигата.
Промените во ФА Купот ќе донесат поинаков вид посветеност на Премиер лигата. Прво, Премиер лигата ќе обезбеди дополнителни 33 милиони фунти за фудбалот, покрај 100-те милиони фунти што досега ги плаќаше на крајот од секоја сезона.
Покрај тоа, Премиер лигата ги задржува сите претходни обврски – на секои три години Премиер лигата исплаќа 1,6 милијарди фунти за сите нивоа во машка и женска конкуренција за да помогне во развојот на фудбалот.
Одлучено е и Комјунити Шилд натпреварот за сезоната 2024/25 да се одигра во сабота на 10 август. Една недела подоцна ќе започне сезоната во Премиер лигата.