Спорт
Игрите на Комонвелтот неизвесни
Спортските игри на Комонвелтот треба да се одржат во Индија од 3-12 октомври. Но како што стојат работите може да се случи тие да бидат откажани поради неподготвеноста на домаќините за големиот спортски настан.
Спортските игри на Комонвелтот треба да се одржат во Индија од 3-12 октомври. Но како што стојат работите може да се случи тие да бидат откажани поради неподготвеноста на домаќините за големиот спортски настан. Дури и Тајмс оф Индија објави дека од 34 резиденцијални сместувачки капацитети само 18 се комплетни. Доцни завршувањето на санитариите, водоводот, електриката, интернет пристапот, покриеноста со телефонија. Претседателот на Федерацијата на игрите на комонвелтот Мајкл Фенел деновиве имаше контакти со владата на Индија заради настанатиот проблем. Роковите се пробиени. Индијците сега за два дена треба да завршат нешто за што е потребно 20 дена. Претседателот на Федерацијата на Нов Зеланд Дејв Кари на една радио станица изјави дека пред да одлучи дали спортистите од Нов Зеланд ќе учествуваат на игрите во Индија, ќе се консултира и со колегите од останатите репрезентации, но како што во моментов се работите сè повеќе изгледа дека домаќинот нема да биде подготвен за оваа манифестација. Не само некомплетноста на објектите туку според некои репрезентации не се задоволени стандардите во сместувачките капацитети, па така четири репрезентации Нов Зеланд, Канада, Шкотска и Ирска добија сместување на нови локации. Конечната одлука за тоа дали некои репрезентации ќе останат или ќе ги напуштат игрите ќе се донесе деновиве. Овие поплаки на делегациите вчера беа во сенка на немилиот настан кога вооружени лица од мопед пукаа во туристи и ранија двајца пред најголемата индиска џамија Џама Махид. Туристите се опоравуваат во болница, а пукачите не се најдени. (Макфакс). крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.