Спорт
Хет-трик на Пипо за убедлива победа на Милан
Со хет-трикот на Пипо Инзаги милан убедливо ја совлада Аталанта, Томазо Роки му донесе победа на Лацио на гостувањето кај Наполи, Фиорентина на домашен терен загуби од Палермо.
Милан убедлво со 3-0 славеше на Сан Сиро над Аталанта, Пипо беше звезда на натпреварот постигнувајќи ги сите три гола за Росоњерите. Милан рано го скрши отпорот на Аталанта, по само седум минути игра асистенција на Јанкуловски, Пипо на вистинското место за 1-0. Во 71та минута Инзаги избегна офсајд замка, го помина и голманот на гостите и погоди за 2-0. Три минути подоцна одлично еден-два проигрување на Замброта и Јанкуловски, асистенција до Пипо кој го постави конечниот резултат од 3-0. Лацио дојде до големи три бода од гостувањето кај Наполи, тимот од Рим победи со 2-0. Томазо Роки му ја донесе победата на Лацио, влезе во 56та минута на местото на Зарате и одма блесна. Во својот прв допир со топката, во 57та минута му донесе водство на Лацио од 1-0. Осум минути подоцна го постави и конечниот резултат од 2-0. Горан Пандев ги одигра сите 90 минути за Лацио. Палермо ја изненади Фиорентина на нејзин терен со 2-0. Симплицио во 48та минута погоди за 1-0, Миколи во 56та го постигна вториот гол за Палермо. Болоња убедливо со 3-0 славеше над Сампдорија, значајни три бода за тимот на Синиша Михајловиќ. Пред крајот на првиот дел Ди Ваијо погоди за водство на домаќините од 1-0. Истиот фудбалер во финишот во 87та и 90та минута постигна уште два гола и со хет-три го постави конечниот резултат од 3-0. Победа од 3-0 забележа и Сиена на гостувањето кај Катанија. Макароне во 9та минута го отвори резултатот, Гезал во 70та зголеми на 2-0, Јаролим во 90та погоди за конечни 3-0. Киеви и Каљари ги поделија бодовите играјќи 1-1. Гостите со голот на Џеда во 28та минута погоди за 1-0, Макинва во 55та му донесе бод на Киево. Лече и Реџина одиграа без голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.