Спорт
Роналдињо и Буфон не знаат каде ќе ги продолжат кариерите
Бразилскиот напаѓач изјави дека не е сигурен дали ќе остане во Милан, а голманот на италијанската репрезентација и натаму не е сигурен каде ќе ја продолжи кариерата, изјавила двајцата по синоќешниот меч на нивните клубови кои го добија миланезите со 3:0
По завршувањето на средбата Милан – Јувентуа на која Роналдињо постигна два гола, од новинарите бил запрашан дали ќе остане во Милан, на што тој кусо одговорил – не знам. Годинава бразилскиот поранешен репрезентативец кој не влезе во изборот за Мундијалот, постигна 12 голови за Милан а има договор до идното лето. Што се однесува до одлуката на бразилскиот селектор Дунга, Роналдињо одговорил:„Јас одговорот на тоа го дадов на теренот. Ако моите годинешни игри не беа доволни да се најдам во националниот тим, тоа е одлука на националниот селектор Дунгам а јас имам големо почитување кон него“, изјави Роналдињо кој беше најдобар играч на Светското првенство во 2002 г. и клучниот играч за шампионската титула на Бразил, но во 2006 . во Германија потполно потфрли. Триесет и две-годишниот италијански репрезентативен голман Џанлиуџи Буфон, беше прашан дали ќе го напушти Јувентус кој годинава ја одигра најслабата сезона во историјата на неговите настапи во најсилната италијанска фудбалска лига и не се квалификуваше за ниедно европско натпреварување. „Се’ ушт ене знам ништо, а глупо е да се каже што и да е на таа тема додека не се сигурни што ќе се случи“, изјавил Буфон. Неодамна Буфон изјави дека би сакал кариерата да ја продолжи во Англија, доколку Јувентус се реши да го продаде. Торинската „стара дама“, со неговата продажба, имајќи ја предвид високата цена на Буфон, може да дојде до големи средства кои ќе ги употреби за доведување звучни имиња.Минатата година Манчестер сити беше сериозно заинтересиран за Буфон, но тој одби со образложение дека тоа не е доволно голем клуб за неговите амбиции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мегатрансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.