Спорт
СП Кореа/Јапонија 2002
Светското првенство во фудбал во 2002 година се одржа во Јапонија и Јужна Кореа од 31 мај до 30 јуни, а Бразил по петти пат стана шампион победувајќи ја репрезентацијата на Германија со 2:0
Репрезентацијата на Турција го освои третото место со победата на еден од домаќините, Јужна Кореа со 3:2. Јапонија и Јужна Кореа се изборија да бидат домаќини, победувајќи го Мексико. Во квалификациите на ова светско првентсто учествуваа 199 земји, од кои само 32 репрезентации успеаја да учествуваат на завршниот турнир. Од сите репрезентации кои се квалификуваа, Јапонија и Јужна Кореа беа автоматски квалификувани како домаќини, додека Франција се пласираше како првак од претходното првенство во 1998 година, што претставуваше последен пат шампионот директно да се квалификува за следното првенство . ПО прв пат на овој мундијал учествуваше репрезентацијата на Сенегал, Словенија, Кина и Еквадор, Во завршницата учествуваа 13 екипи од УЕФА (Европа, пет од ЦЕФ (Африка, четири од КОНМЕБОЛ (Јужна Америка), четири од АФЦ (Азија) и три од Северна Америка и Кариби. За преостанатите две места се бореа Азија против Северна Америка и Јужна Америка против Океанија. Натпреварите се играа на 20 стадиони, по десет во Јужна Кореа и Јапонија, а најголемиот стадион во Јокохама, Јапонија собираше 80.000 луѓе. Повеќето беа изградени з апотребите на Светското првенство.
ИграУште на почетокот на првенството се случи најголемото изненадување. Бранителот на титулата, Франција, без повредениот Зинедин Зидан, беше поразена во првиот натпревар со Сенегал, земја што прв пат учествуваше на мундијалите со 1:0. Јужна Кореа со победата над Шпанија во четвртфиналето по изведени пенали, е првата азиска земја која стигнала до полуфинале. Двата натпревари во полуфиналето завршија со резултат 1:0. Во првата, голот на Балак беше доволен Германија да ја совлада репрезентацијата на јужна Кореа. Балак доби жолт картон на натпреварот, па немаше право да игра во финалето. Роналдо го постигна својот шести гол на турнирот, за победа на Бразил над Турција.
Финалето, одржано во Јокохама, Јапонија двата гола на Роналдо ја осигураа победата на Бразил против Германија. Роналдо погоди два пати во второто полувреме што му ја осигура и наградата Златна копачка. Ова беше петти шампионат за Бразил што ја зацврсти позицијата на оваа репрезентација како најтрофејна. Капитенот Кафу, кој е единствениот играч што учествувал на три последователни првенства го прими пехарот.
Проблеми со влезницитеПрвиот број влезници за Светското првенство во Јапонија и Јужна кореа беше распродаден многу брзо, по што двете земји вратија дел од влезниците наменеети за останатите земји уште во април. Но, сепак на првите два меча на отворањето на првенството се забележуваа значителен број празни седишта., по што се дозна дека Светското биро за продажба на влезници не ги продало сите и се уште ги има кај себе. Откако ФИФА побара сите да бидат пуштени во продажба, таа се одвиваше по телефон и преку интернет. НаградиЗлатната копачка му припадна на Роналдо од Бразил со постигнати осум гола. Златната топка за најдобар играч и наградата Јашин за голмани му припаднаа на Германецот Оливер Кан. Белгија беше прогласена за фер-плеј играч, а најзабавна екипа беше репрезентацијата на Јужна Кореја. Најдобар млад играч е Лендон Донован од САД.
МаскотиАто, Каз и Ник (Сферикс) – Портокалови, виолетови и сини (соодветно) футуристички, компјутерски-создадени суштества. Членови се на тимот „Atmoball“ (измислен спорт сличен на фудбал), Ато е тренер додека Каз и Ник се играчи. Трите индивидуални имиња се избрани според предлози на корисници на интернет и купувачи во Мекдоналдс во земјите домаќини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.