Домашен
Металург загуби од Монпелје
Металург загуби од Монпелје 24-30 (10-14) во шестото коло од Ц групата во Лигата на шампионите. Металург го доживеа четвртиот пораз, прв во Скопје, во елитното натпреварување. Дуелот го одбележа шутерскиот двобој на Обрадовиќ од едната и Гребиј од другата страна, на крајот двајцата постигнаа по 10 гола.
Металург, без неколку повредени играчи, успеа да му пружи добар отпор на фаворизираниот француски тим, кој сепак не беше доволен да се избегне поразот.
Тимот на Червар добро парираше во првиот дел, беше во егал до 27.минута (10-10), но во последните 180 секунди неорганизирната игра во нападот му овозможи на Монпелје лесни голови, серија од 0-4 и комотна предност за вториот дел (10-14).
Првите пет минути од второто полувреме беа рамноправни, а серијата од три постигнати без примен гол, во периодот од 35. до 39.минута, му ја донесе максималната предност на Монпелје од седум голови (13-20).
По стекнатата макимална предност Французите се опуштија, Металург засили во одбраната и до 50.минута успеа да се доближи на два гола негатива (22-24).
За целосен пресврт младата екипа на Лино Червар немаше сили. Монпелје одговори со три гола за 22-27 во 55.минута, со што и беше решено прашањето на победникот.
Блескаше кај Металург Обрадовиќ, особено во првото полувреме, кој постигна 10 гола, четири постигна Илиќ, а по три Кузмановски и Пешевски.
На овој меч голманите на Металург немаа речиси никаков придонес во играта, Арсиќ имаше само пет одбрани, додека на спротивната страна тандемот Жерар-Портнер искомбинира 14 одбрани.
Монпелје го предводеше францускиот репрезентативец Гребиј со 10 голови, а шест (пет од седмерец) постигна Доленец.
Металург во наредното коло, на 20.ноември, ќе гостува во Норвешка кај Елверум. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.