Домашен
Мојсовски: Максимално сме фокусирани за да ја исполниме целта
Најдобрите македонски ракометари полека ги финишираат подготовките за настап на квалификацискиот турнир за пласман на Олимписките игри во Рио де Жанеиро, кој од 8. до 10.април ќе се одржува во Гдањск, Полска.
Македонија против Полска, Тунис и Чиле ќе се обиде да стигне до историски резултат и да стане првата македонска репрезентација која настапила на најголемата спортска смотра.
Турнирот во Гдањск е втората и веројатно последна шанса на оваа генерација македонски ракометари да се пласираат на ОИ. Во 2010 година, Македонија не успеа да ја мине квалификациската група во која уште беа Шведска, Унгарија и Бразил.
Групата во Гдањск е полесна од онаа пред четири години и веројатно најлесната од квалификациските групи.
„Групата е малку полесна од другите но во олимписки квалификации нема лесни противници. Се подготвуваме за сите противници, првиот меч го ираме против Полска, која е домаќин и е фаворит во групата, но ние нема да излезема со бело знаме. Пред два-три месеци игравме на ЕП, несреќно загубивме со гол разлика. Сепак клучниот меч за нас ќе биде оној против Тунис, а против Чиле ќе треба да го потврдиме пласманот“, вели за Макфакс, еден од најискусните во националниот тим Наумче Мојсовски.
Средниот бек на Букурешт е свесен за големината на моментот, најавува максимална ангажираност против сите селекции. Со Тунис, Македонија има позитивно искуство од последното СП, а ракометарите имаат победа и над Чиле, во 2013 година.
„Повеќе нема лесни противници, ако некого потцениш ќе имаш проблеми, тоа и се покажа со Чиле во Шпанија. Се надевам дека овој пат нема да е така. Ние ќе бидеме максимално фокусирани на трите натпревари. Мора да одиграме максимално ангажирано за да ја исполниме нашата цел, пласман на Олимписките игри“, дополни Мојсовски.
Инаку, репрезентацијата во среда ќе одржи прес конференција во пресрет на квалификацискиот турнир, а за Полска ракометарите ќе заминат ден подоцна. На турнирот во Гдањск редослено ќе играат со Полска, Тунис и Чиле. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.