Домашен
Вардар загуби од Веспрем
Ракометарите на Вардар, во дербито на петтото коло во Ц групата во Лигата на шампиони, загубија од Веспрем со 23:24. Поразот од унгарците беше прв за Вардар на домашен терен сезонава и прв воопшто во шампионската лига. Веспрем од друга страна го задржа максималниот ефект забележувајќи ја еттатат победа во истот толку одиграни натпревари.
Веспрем подобро влезе во мечот, цврстата одбрано и голманот Миклер му овозможија три контри и три лесни гола и предост од 2:5 по осум минути игра. Лошата организација на нападот и предноста на Веспрем од 4:7, го примораа вардаровиот тренер по 11 минути да побара тајм-аут.
По минутата одмор, Вардар одговори со иста мерка, во перидот од 13. до 20. минута со серија од 4:1 (два гола на Карачиќ и по еден на Дибиров и Душебаев), резултатот на семафорот беше 8:8.
Добрата игра во овој период на Вардар ја врати и публиката во натпреварот, што клупата на унгарскиот шампион се обиде и успеа да ја сопре со тај аут. Советите од клупата иницираа серија од 1:4 на Веспрем, во периодот од 21. до 26.минута и враќање на предноста од три гола (9:12).
во овој дел од натпреварот Вардар два пати имаше играч повеќе и успеа да постигне само еден гол (Карачиќ од седум метри).
До крајот на полувремето Вардар постигна два гола прими еден за негатива од 11:13, по 30 минути игра.
Второто полувреме донесе многу поквалитетна игра на Вардар, иако предноста беше на страната на Веспрем, Вардар го притискае својот противник, во 42.минута со голот на Карачиќ ‘црвено-црните’ стигнаа до првата предност на мечот (18:17).
Набргу потоа преку Карачиќ, кој беше движечката сила на Вардар на овој натпревар, ‘црвено-црниот’ тим за прв пат стигна до предност од два гола (21:19), во 46. минута.
Следуваше период од речиси десет минути во кои Вардар не успеа да постигне гол, па Веспрем со серија од три гола повотрно се врати во водство (21:22). Голгетерскиот пост Вардар го прекина во 56.минута (Брумен од седум метри), а веднаш во следниот напад Карачиќ го врати ‘црвено-црниот’ тим во водство (23:22).
Во последните три минути Вардар влезе со гол предност и тогаш започна драмата, Нилсон од чиста позиција ја погоди стативата, Брумен не реализира седмерец за два разлика, Чема Родригез израмни на 23:23.
Вардар г имаше последниот напад, но Брумен ја загуби топката при тоа го фаулираше Угалде, а седмерецот во гол и победа на Веспрем го претоври Илиќ.
Карачиќ со осум гола бее најефикасниот играч на Вардар и воопшто на натпреварот, додека кај Веспрем Цајц и Илиќ постигнаа до пет гола. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.