Домашен
Вујовиќ: Ќе биде катастрофа доколку не го победиме Металург
Неблагодарно е што еден млад тим како што е ППД Загреб е фаворит против добра и искусна екипа каков што е Металург, рекол тренерот на хрватскиот шампион Веселин Вујовиќ, во пресрет на дуелот на двата тима во Лигата на шампиони.
Натпреварот помеѓу ППД Загреб и Металург, кој ќе се одигра во рамките на третото коло во Ц групата во Лигата на шампиони, ќе биде од големо значење за двата тима. Загреб, има победа и пораз во двете одиграни средби и со победа ќе ги зголеми шансите за пласман во Топ 16 фазата, исто така евентуалниот пораз за Металург , кој загуби во првите два натпревара, ќе ги сведе на минимум шансите на македонскиот првак за пласман во нокаут рундата.„Подготвени сме во сабота да победиме, прв пат сме фаворити по дуелите со Кил, Вардар и ПСЖ и тоа е неблагодарна позиција за нашиот млад тим, кој за противник ќе има искусна екипа. Металург има некои проблеми, но тоа добар и силен тим, така што нема да ни биде лесно да забележиме победа која многу би ни значела во продолжението на Лигата на шампиони“, рекол тренерот на ППД Загреб, Вујовиќ.„Доколку судиите им дозволат да го наметнат нивниот стил, значи да играат на долги напади, со чести прекини и прекршоци, значи да наметнат игра без многу трчање, тогаш ќе имаме проблеми. Нашиот пристап ќе биде максимален, знаеме колкав товар е нашата победа над Кил, така што доколку не победиме ќе биде вистинска катастрофа“, дополнил Вујовиќ. Тренерот на ППД Загреб проговорил и за големото ривалство со Лино Червар, кое трае уште од времето додека тој го предводеше Вардар. „Приказната од Македонија нема допирна точка со ова. Реков дека Загреб ќе се обиде да ги победи сите екипи кога игра на домашен терен, тоа ќе биде случајот и на мечот со Металург. Тензиите кои ги имаше таму се некоја друга приказна. Червар заслужува огромен респект и на тој начин ние ќе го пречекаме“. Натпреварот помеѓу ППД Загреб и Металург, кој е дел од третото коло во А групата во ЛШ, ќе се одигра в сабота со почеток во 18 часот. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.