Словенечките разузнавачи почнаа штрајк за повисоки плати

Словенечките разузнавачи почнаа штрајк за повисоки плати

Вработените во Словенечката разузнавачка агенција (СОВА) почнаа штрајк барајќи повисоки плати и подобри работни услови.

Министерот за јавна администрација на Словенија, Борис Копривникар, изјави дека штрајкот е „вистинско изненадување“.

Копривникар потсети дека разузнавачите се должни да обезбедат основно функционирање на разузнавачката агенцијата со цел да ја зачуваат националната безбедност.

Словенечките медиуми објавија дека штрајкот почнал денеска, а вработените во СОВА се жалат дека се недоволно платени и дека нема доволно луѓе.

Засега не е познато колку луѓе учествуваат во штрајкот.