Свет
Асад би соработувал со САД против Исламската држава
Сириската влада би можела да се согласи со присуство на американски сили на својата територија во борбата против ултрарадикалната сунитска организација Исламска држава, доколку Вашингтон чесно и искрено ги гради односите со Дамаск, изјави во петокот сирискиот претседател Башар ал-Асад во интервјуто информативниот портал Yahoo News, но го отфрла создавањето безбедносни зони за бегалците во Сирија, идејата којашто ја поддржува американскиот претседател Доналд Трамп.
Одговарајќи на прашањето дали Сирија е подготвена да повика американски војски за борбата противи Исламската држава, како што ги повика руските, сирискиот претседател Башар ал-Асад изјави „Би биле подготвени да ги повикаме, доколку Американците се однесуваат кон нас со искрено почитување„.
„Војниците (американските) се само дел од целокупната ситуација, којашто, исто така, вклучува такви аспекти како што е неопходноста од зачувувањето на единството на Сирија“, вели Асад истакнувајќи дека „токму таква позиција зазема Русија“.
„Овие фактори ќе доведат до формирање доверба, кога испраќате војници. Така беше и со Русите, тие не само што испратија војски, туку во прв ред имаат јасна политичка позиции во смисла на споменатите фактори, па Русите беа во состојба да бидат успешни во борбата против тероризмот“, додава сирискиот претседател.
Асад признава дека во моментов не очекува оти САД ќе соработуваат со Дамаск. Сепак, тој не ја исклучува соработката со администрацијата на новиот американски претседател Доналд Трамп доколку има „приближување на позициите“ меѓу Русија и САД. „Секоја соработка во врска со кој и да е конфликт во светот бара обновување на односите меѓу Русија и САД“, заклучува.
Како главен услов во борбата против Исламската држава, Асад притоа посочува дека во сегашното справување со тероризмот особено на територијата на Сирија е невозможно без соработка со владата во Дамаск.
„Не можете да ги поразите терористите во една земја без соработка со нејзините власти и нејзиниот народ“, ѝ порачува сирискиот челник на новата американска администрација.
„Доколку САД се искрени во своите намери, тие треба да ѝ се обратат на сириската влада. Ние сме Сиријци, ние раководиме со земјата, и никој не може да ја познава Сирија како нас“, вели Асад.
Според него, не е доволно да се имаат хеликоптерите „Apache“ и авионите „F-16“ и „F-35“ за да победи тероризмот. „Неопходно е сеопфатен приод кон овој сложен проблем“, смета Асад.
„Ги повикавме Русите, бидејќи тие искрено му пријдоа на овој проблем. Доколку Американците бидат искрени, се разбира, не ќе ги повикаме, како и секога држава којашто сака да учествува во борбата против тероризмот. Ние тоа го велиме без двоумење“, порачува сирискиот претседател.
САД под водство на демократскиот претседател Барак Обама инсистираше на заминувањето на Асад, што беше главна желба на американските сунитски сојузници на Блискиот исток, и ги подржуваше бунтовниците кои се борат против него. Сириската влада ги отфрли сугестиите на поддржувачите на бунтовниците, како Катар, за формирање ткн безбедносни сони кои и коишто би можеле да го зајакнат военото присуство на САД во Сирија, но и да водат кон поделба на интегритетот на земјата.
„Тоа воопшто не е реална идеја. Тука може да имате природни безбедни зони, а тоа е нашата држава. Не ни се потребни никакви безбедни зони“, истакнува Асад
„Многу е поодржливо, попрактично и поевтино да имате стабилност отколку безбедни зони“, заклучува сирискиот претседател и додава дека постои ризик таквите зони да бидат нападнати од вооружените групации
Безбедносните зони не ги поддржаа ниту Обединетите нации, тврдејќи дека моменталните услови во Сирија, во која уште траат судири во повеќе покраини, не се соодветни. Трамп, пак, не се произнесе подетално за своите идеи за ваквите зони, освен тоа дека нивното одржување ќе ги плаќаат заливските земји./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.