Свет
(Видео) Дефект на американскиот систем „Патриот“: Ракетата се вратила во град
Официјални претставници на воздухопловните сили на Саудиска Арабија соопштија дека синоќа пресретнале ракети над североисточниот дел на Ријад. Сепак, еден од пресретнувачките проектили наводно се вратил.
Ракетите биле истрелани од бунтовниците Хути од Јемен. Светските медиуми објавија дека биле истрелани повеќе проектили кон аеродромите во Саудиска Арабија, а еден од нив бил насочен кон аеродромот во Ријад.
Video of Saudi Arabia’s not so “patriot” missiles, turning around and hitting Riyadh rather than #Yemen. pic.twitter.com/3uJs7OuVhH
— Partisangirl ?? (@Partisangirl) March 26, 2018
Како што се наведува, јеменските Хути лансирале ракети „буркан 2“, „кахер 2“ и „бадер 1“, кои се направени во Јемен и за првпат биле лансирани на 22 март годинава. Од друга страна, Саудиска Арабија користела американски противвоздушен одбранбен систем, „патриот“, кој, според снимките од социјалните медиуми, во тој момент затаил.
Имено, една ракета се вратила и паднала во градот, а постојат и аметерски снимки на кои луѓе се приближуваат до остатоците од ракетниот систем „патриот“.
Агенцијата „Ројтерс“ објави дека нејзини новинари во Ријад слушнале одеци и виделе чад во воздухот непосредно пред полноќ. Друг сведок, кого британската агенција не го именува, рекол дека видел силен зрак светлина по наводната експлозија.
Саудиската страна не коментираше дали останатите ракети ги погодиле целите. Хутите, пак, објавија дека со овој напад ја одбележале годишнината од саудиската агресија во Јемен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина Џо Либерман, долгогодишен демократски сенатор во американскиот Конгрес
Џо Либерман, долгогодишен демократски сенатор во американскиот Конгрес од државата Конектикат и поранешен кандидат за потпретседател на САД, почина во средата на 82-годишна возраст.
Семејството на политичарот соопшти дека Либерман починал поради компликации предизвикани од падот, пренесува американскиот портал Политико.
Тој беше првиот еврејски кандидат на гласачкото ливче на големите американски партии, во 2000 година со претседателскиот кандидат Ал Гор.
Едно од неговите најголеми наследства е учеството во формирањето на Министерството за внатрешна безбедност по терористичките напади од 11 септември 2001 година.
Подоцна, во 2004 година, тој неуспешно се обиде да стане претседателски кандидат на Демократската партија, бидејќи демократите го сметаа за „премногу близок со републиканците“, според Политико.
Од политиката се повлече во 2012 година, а последен пат се врати во 2023 година како претставник на организацијата „Без етикети“, која на Американците требаше да им обезбеди трета опција, покрај Републиканската и Демократската партија.
Свет
Дупка од 10 метри голтна автомобили во Рим, полицијата ја затвори улицата
Бездна длабока и широка околу 10 метри проголта два автомобили среде ноќ во Рим, поради што интервенираше полицијата.
Инцидентот се случил околу еден часот по полноќ, а две возила, Дачија и Рено, завршиле во дупка, пренесува Телеграф.
Полицијата веднаш реагирала, ја затворила улицата и го обезбедила просторот, јавуваат италијанските медиуми.
Се уште не се знае зошто се урнал асфалтот.
Не се знае дали има повредени во инцидентот.
Свет
Ниту блиски пријатели не знаеја за дијагнозата на Кејт Мидлтон: Тоа беше огромен шок
Минатата недела британската принцеза Кејт Мидлтон го шокираше светот со објавата дека има рак, а се чини дека ниту нејзините блиски пријатели не знаеле ништо за нејзината здравствена состојба.
„Тоа беше огромен шок. Само многу тесен круг на луѓе знаеја што се случува”, изјави неименуван пријател на принцезата за „People“.
Во видеото кое го шокираше светот на 22 март, принцезата Кејт откри дека и бил дијагностициран рак и дека е на хемотерапија. Кејт зборуваше за тоа како дијагнозата првично била чувана во тајност за „благосостојбата на нивното младо семејство“, а гласот и „пукнал“ кога ги спомнала своите деца – принцот Џорџ, принцезата Шарлот и принцот Луис.
„Добро сум и секој ден станувам посилна со тоа што се фокусирам на работите кои ќе ми помогнат да заздравам – во мојот ум, тело и дух. Во овој момент мислам на сите оние чии животи биле погодени од рак. На сите кои се справуваат со оваа болест, во која било форма, ве молиме да не губат верба и надеж. Не сте сами“, вели таа во видеото.
Зад сцената, принцезата од Велс презеде чекори за да му даде приоритет на своето здравје, но таа не беше во целосна изолација. И таа и принцот Вилијам беа видени на спортски настани во последниве недели – на 16 март, парот беше фотографиран заедно како трчаат во фармата во Виндзор.
„Многу е важно да се забавуваат заедно кога можат. Станува збор за нејзиното чувство на поддршка. Воопшто не се чувствува изолирано”, рекол семеен пријател.
Во деновите по објавата на Кејт, таа и Вилијам се фокусираа на своите деца, кои моментално се на велигденски празници. Петчленото семејство ќе ја прескокне традицијата и нема да присуствува на кралската велигденска служба во капелата Свети Џорџ во замокот Виндзор и наместо тоа ќе го помине долгиот викенд приватно дома.