Свет
Доналд Трамп за еден ден целосно ја сменил политиката
Новоизбраниот претседател на САД Доналд Трамп во интервју за „Њујорк тајмс“ потполно сменил неколку клучни ставови што ги застапуваше во текот на предизборната кампања.
Трамп јасно ги осуди ултранационалистите, кои минатиот петок на конференција во Вашингтон ја славеа неговата победа и извикуваа нацистички поздрави.
Во САД деновиве се зголемија апелите на граѓаните Трамп да ја осуди екстремно десничарската група што му изрази подршка.
Трамп кој често на јавноста ѝ се обраќа преку Twiter не ги коментираше реакциите на околу 200 бели националисти од екстремната десница кои викендов во Вашингтон ја славеа неговата победа. На прославата беа сите неонацисти и антисемити, пренесува весникот New York Times.
Весникот оценува дека Трамп, кој оваа група ја извлече од сенка, има задача да осуди таква отровна пропаганда.
Групата која себеси се нарекува Институт за национална политика одржа прослава во центар кој се наоѓа во близина на Белата куќа. Еден од организаторите Ричард Спенсер одржа говор употребувајќи германски збор „хаил“ (heil) кој го користеа нацистите додека останатите одговараа со нацистички поздрав.
Новоизбраниот претседтаел на САД во разговор со New York Times покажа дека повторно го менува мислењето и го порекна тврдењето од кампањата. Во интервјуто Трамп изјавил дека има поврзаност меѓу луѓето и климатските промени и дека размислува дали САД ќе стане дел од меѓународната спогодба за климатски промени.
Трамп во текот на кампањата велеше дека најверојатно нема да му се допадне претседателот Барак Обама, но по средбата со него Трамп го смени мислењето и изјави дека Обама „многу му се допаднал“.
„Мислев дека веројатно нема, но ми се допадна. Навистина ми се допадна,“ рече Трамп во интервјуто за New York Times , пренесува Reuters. крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Две девојчиња повредени со нож во близина на училиште во Франција, напаѓачот е приведен
Две девојчиња на возраст од 6 и 11 години се полесно повредени со нож во близина на нивното училиште во Софелвејерсхајм, источна Франција, соопштија властите.
Според жандармеријата, 11-годишно девојче било повредено со нож пред училиштето, а друго е избодено на блискиот плоштад. Имаат површни рани и се хоспитализирани.
Напаѓачот бил приведен нешто по 14 часот и 15 минути на плоштадот. Тој веќе немал нож во раката и не пружал отпор.
„Човекот не е познат на службите и се чини дека неговите мотиви не биле поврзани со радикализација“, соопшти жандармеријата.
Децата биле задржани на училиште. Родителите ги чекале пред училиштето каде се распоредени неколку противпожарни возила.
„Навистина се плашам. Ни рекоа дека децата се безбедни внатре, но не знаеме кога ќе можеме да ги земеме“, рече Сара, една од мајките чие дете е на училиште.
Свет
Патник загина на летот на Рајанер над Италија, со него била и неговата бремена сопруга
Вчера, 33-годишен маж загина на летот на Рајанер над Италија додека неговата бремена сопруга седела во вториот, заден дел од авионот. Според италијанските медиуми, мажот починал од срцев удар.
Откако вчера наутро му се слошило на летот од Торино до Ламеција Терме, двајца патници обучени за давање медицинска помош се обиделе да го спасат, а персоналот на авионот бил принуден да влезе со дефибрилатор, пишува LaStampa. Авионот се вратил во Торино 30 минути по полетувањето, влетале лекарите, но на лице место била констатирана смрт на човекот.
Неговата сопруга дознала за неговата смрт дури откако авионот се вратил во Торино бидејќи седела далеку од него во задниот дел од авионот. Локалните медиуми јавуваат дека таа била однесена во блиската болница Сирие во состојба на шок.
По трагедијата, имаше тврдења дека спасувачките екипи доцнеле на аеродромот. Сепак, овие тврдења се отфрлени, а локалната здравствена власт соопшти дека биле подготвени да пружат помош веднаш по слетувањето на авионот.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.